YAKOBÙT 3:15 - Ala Ane Wene Ket Mene Warogo Wo'ninapike Wene

¹⁵ Atì'nogo hagatarek atì re, Ala nen ina'la kagalhenem hagatarek hùk. We, ero at Ibilit enat ina'la kagalhenem apùnì kweangma mene inoabùt inesogat logolìk walok akagarek mene hagatarek o.

YAKOBÙT 3:15 ပူးပေါင်းရင်းမြစ်များ

YAKOBÙT 3:17

Atì'nogo meneat he, apùnì Ala nen ina'la kagalhenem, inoabùt esin hagatarek he, weak aike hagatì'lek ineil lopok hogo welagaikarek atì. Atì'nogo logolìk, apùnì aike inom lìok hogo welagìk, inoabùt enago welagìk, inane hologo hagatìk, e eken hano mene ìterek atì hak, hanorogo hagatìk, apùnì inetawìrogo motok welagìk, apùnì aike inelokoma hisìgìk, aike inapotma hisìgìk, ìgì'legat, inetaùken pìre welagì'legat, hanorogo hagatarek atì.

YAKOBÙT 1:17

Ninopase Ala pogot oba mene a'nogo nenat yì mene tì mene lorek mene wo'nisìgìk, hano motok mene wo'nisìgìk, pela'nisa wagarek atì. At enat pogot obakwe lìa welagarek mene atì elalhikesik he, at ebe hùnogoat haga'lagìk, abel etenogo mùm agìk, lìa agìk, ikerek lek.

1 KORÌTÙT 3:19

Apùnì kweangma mene nen he: “Nit apùnì ninawene nina'la motok kagalek,” ìlùk akìlì'lùgì halok he, Ala nen he, “Ina'la abit werek o,” ìlùk akikerek. It ap Ala ane helal waganogo hìkì lagaukwa mene nen he: “Paik hele hìlì'mo kerelaganem watarek hak, it apùnì kweangma mene yoma ina'la kagalek salek logolìk lalinabì'lùgì atì ba, kerelaganem he, Ala nen weagarinabigin werek o,” ìlùk helal waganogo hesukwa.

PILIPI 3:19

It atì inetaùken Ala oba hìpìrìk logousak meneat he, inoba aiyage lagalìk hagatarek atì mene ba hìpìrìk logolìk inekalì hasak meneat he, hano salek atì hesigat inekalì lek hogorakìlì'lùgì atì. Atì'nogo hagatì logolìk he, inetaùken yì walok tì walok, wene kweangma mene oba eberì'lùgì atì, elùgùn oba arat nong asugun o.

1 KORÌTÙT 2:14

Wene Ala Areagùn nen wo'nisikerek wene atì, it apùnì Ala Areagùn ina'la werek mene nek hùthagarek atì nen, it apùnì inoabùt inesogat logolìk, hùthagarek lek. Atì'nogo hùthagarek lek atì re, it en he, “Wene atì apùnì kepù mene nen egarek hake ìlì'lùgì,” ìlùk egarek atì nen, wene atì hùthìgì'lek werek o.

2 KORÌTÙT 1:12

Nit hogorakìkì lago atì, ebe yì'nogo nen. Nit it apùnì kweangma mene aike ina'lakwe ina'lakwe logolìk, it hesik hagatì lago re, hamùlùgat negen. Mene re, hit hesik enek he, esin hogo hagatì lago. Atì re, apùnì kweangma mene ina'la kagalek mene hagatarek hak hagatì'lek. We, at Ala oabùt hano a'nogo nen, ninetaùken hano omakeat logolìk hagatì logouagalùk ninoabùt wo'nisasikomo hagatorek mene atì nina'la ebetì logolìk, “Nit hano hagatì lagoma,” ìlùk hogorakìkì lago atì.

YAKOBÙT 1:5

Mene re, at Ala oabùt hano nen apùnì obogat etawì logolìk wenagisìgì'lek wogisikerek atì nen, hit aike hina'la kagale'lek halok, at kìno yogosumo hina'la kagaliginat o.

1 TIMOTÌÙT 4:1

Ala Areagùn nen wene pak hogoat yogonisìkì logolìk he, “O wùrep oba, apùnì aike Ala ane eberogoat ìlùk akìlì'lùgì mene nen, wene atì, Ninabìt, ìlùk heraksalùk he, Ibilit agoromì nongorinaparek mene inawe a'ma kìlìk, wene it en yakùlisagarek wene atì hakhìlìk hagatì logogun.

YURAT 1:19

It atì re, Ala Areagùn ina'la lek logolìk he, inoabùt apùnì inoabùt inesogat logolìk, it aike hano lapuksek were'ma, mìkìlogo hùlì-hùlì hisa wìrì'lùgì mene atìat o.

1 KORÌTÙT 3:3

Hit-hirat ua palhìk, wene palhìk, ìkì lagep halok he, hinoabùt he, apùnì inoabùrat welagep o. Apùnì inoabùt inesogat logolìk hagatarek hak hagatì lagep atì nen yogohisìgì o.

YOHANET 3:17

Nen, an Ala aput kweangma yoma lakhani wagaike atì re, yì apùnì tì apùnì ùkùm inoba hìlìk weagarinabuagalùk lakhani wagaike hùk. We, inebe telinabuagalùk lakhani wagaike o.

ABÌKAKAN 9:11

Nen, it atì inoe kain etagepogot hagisek welagarek mene re, at malaikat Ala nen a'ma baga pelaksa wagaikomo welagarek mene a'nogoat. At atì etage, nit ninane ba re, weagarinapùkwe u hak, it apùnì Iberani mene inane ba re, etage Abalon ìgìk, nen, it apùnì Yunani mene inane ba re, Apolion ìgìk, egarek mene lakhìgì.

ABÌKAKAN 2:24

Atì'nogo meneat he, apùnì aike nen, He atì awene, Ibilit awene a'la mene yakùlisikerek, ìlùk egarek mene atì, hit apùnì o Tiatira mene he'nakwe nen, wene atì yakùlhìk, hinelu agìk, ìgì'lek atì nen he, hit en wene ekin mene aike hagasuageip en ìlùk yogohisegein lek o.

2 TESALONIKA 2:9

Atì'nogo legetsegein mene oan werek kolek he, at oabùt motok weak mene a'nogo, Ibilit en omame wogosumo apùnì nen hogoratìk, at oba ebetìk, uagalùk, yì mene tì mene hagasusak lek mene eberogoat salek elalinat hagatì logogin.

2 KORÌTÙT 11:3

Atì'nogo meneat he, alebat at Walo a'nogo oabùt lagakse'ma re, he Hawa lalhike hak, hit hinetaùken omakeat Karìsùt oba hìpìethìlìk at hesik tegelek welagep mene it aike nen lalhinabusak atì, nayùk arì'logo.

1 KORÌTÙT 1:27

At Ala a'la nenat he, it apùnì kweangma mene ina'la kagalek mene atì, inekalì wasigìlùk he, apùnì nong-hongsek meneat wenagasogo inayoko hesike. Apùnì inomame werek mene atì, inekalì wasigìlùk he, it maben mene wenagasogo inayoko hesike atì.

ÙRÙM 1:22

It inetaùken atì'nogo motok abit haga'larìk logolìgat he, “Nit ninetaùken motok kagalek o,” ìlùk egarek atì.

LAKSASIKE 13:10

mel yogosike: “Hat hebe Ibilit aput o. Apùnì lalinapìk, nongorinapìk, iko motok logolìk, yì mene tì mene higit hagasuogolùk ikenem he, hat en legetsagalùk hagato motok welagen yì rì! Ninoe Etagepogot en, apùnì telninabigìlùk kwe higit hogo yakhinasike mene, hat en kamo ìgì'lek kolotheigìlùk iko motok welagen atì nahalok.

YOHANET 8:44

Atì'nogo hinabìt atì re, hit hinopase Ibilit atma, hit en at walok akikerek mene atìat walok en hagatì lagep atì. At Ibilit atì ero ba nenat apùnì inoaterek meneat o. At wene ebe wene a'la lek atì nen he, wene ebe wene ikenem inane legeterek lek atì. Ibilit apeliak ikerek atì re, at oabùt esogatma apeliagat ikerek atì o. Inapeliak egarek atì, ero arat o.

LUKAT 16:8

Atì'nogo hagasike mene atì, at abok oe a'nogo asuk holhìkesik he, mel isike: Egi! A'la motok kagalek atì nayùk e, ìlùk atitigeke mene kolo hagatì lagaike mene a'nogo hogorasike. “Atì'nogo hogorasike atì re, it apùnì kweangma yoma mene inoabùt he, it mene hagasuogolùk ina'la motok kagalek meneat he, it Ala againapùrì ina'la lìa hagarogo hisasike mene atì, inoabùt he, it hake lek atì nen he, atì'nogo isike atì.