YAKOBÙT 3:14 - Ala Ane Wene Ket Mene Warogo Wo'ninapike Wene

¹⁴ Mene re, hina'la kolo arìk ua palhìk, hinokawerek hesik enek ebetìk, ìkì logolìk he, hinokawerek en, “An hano,” ìlùk hogorakìkì logogùp o. Atì'nogo hagasugun halok, Ala ane ebe wene atì mene sagalogo hinapeliak en ugun atì usak lek o.

YAKOBÙT 3:14 ပူးပေါင်းရင်းမြစ်များ

YAKOBÙT 3:16

Ina'la kolo arìk ua palhìk, inokawerek hesik enek oba ebetìk, ikenem he, inane hùkoat sagalhìk, yì weak tì weak hagatìk, egarek atì.

1 KORÌTÙT 13:4

Apùnì aike inebe inetawìrogo logolìk he, inepe morogo welagaikarek atì. Atì'nogo inetawìrogo logolìk he, inoabùt hano, inabuage lek logolìk, inokawerek en sebirakìgìk, hogorakìgìk, egarek lek atì.

PILIPI 2:3

Yì mene ti mene hagasuogolùk, hina'la nen he, “An enek hanorogo hagatì logogin,” ìlùk, hinokawerek en agauk hogo hagatì logogùp o. Hina'la nen hogorakìgì'legat, “It aike hano. An he, mea,” ìlùk, akìkì logoino.

1 KORÌTÙT 3:3

Hit-hirat ua palhìk, wene palhìk, ìkì lagep halok he, hinoabùt he, apùnì inoabùrat welagep o. Apùnì inoabùt inesogat logolìk hagatarek hak hagatì lagep atì nen yogohisìgì o.

ÙRÙM 13:13

O lìa ba logolìk hagatarek hak, ninoabùt higit hogo hagatì logouok. Pesta nalùk weak hagatìk, i negen nalùk lùgùlùgì palhìk, egarek atì hak hagasusak lek o. Yùgùnat pailak haksìgìk, inekalì lek hagatìk, egarek atì hak hagasusak legat o. Wene palhìk, ua palhìk, egarek atì hak hagasusak legat o.

2 KORÌTÙT 12:20

An hobuk hinoba wesigin atì wìrìk he, an nen, “It inoabùt hano were'ma legein,” ìlùk akìkì lagì hak, lek. We, weak were'ma hisa wagìk, nen, hit en he, “At Paùlùt oabùt hano,” ìlùk egesep hak, lek. We, weak logolìk hisa wagìk, inogo ìlùk, nalabut hìrì'logo. Hit-hit hinom weak welagìk, ua palhìk, hina'mage lagagìk, hinokawerek hesik enek hagatìk, inabok weak weinam palhìk, hinagasogo palhìk, hinokawerek en hogorakìgìk, yùgùneke-yaganeke hagatìk, ikenem an wesusak atì, nayùk.

PILIPI 1:15

It atì o'moko nen ina'la kolo arìk he, an noba ua palhì logolìgat, yogoisìlì'lùgì atì. Meneat he, it o'moko nen ina'la hano logolìk he.

YAKOBÙT 5:19

Nerùgì nagaiya'lak. Hinerùgì hinagaiya'lak aike ebe wene heraksalùk kwanìrogo nong asi laga halok, hit aike nen hobuk apotkwe Ala oba wolok wesugun atì hesik,

LAKSASIKE 5:17

Atì'nogo hagarinapenem, elùgùn oba re, it ap Ala esewerek mene inoe kain mene agoromì inebe obogat inom, it atì re, apùnì Saluki mene inane wanhì lagaukwa mene nen, it Yesùt en inebe weteberogo laksasike mene amanogo atì'nogo hagatenem inoba ua palhì lagaukwa. Atì'nogo ua palhì lagaukwasik, inebe haksìlìk he, o apùnì ineki hele warogo hisagarek oba hisasukwa.

TITUT 3:3

It atì'nogo hagatì logousak atì re, nit alep ninetaùken lek ninoabùt kepù negen, ninasuk ware'legat, nong-hong hogo hagatì logolìk he, apùnì inogogì kaintek inawe a'ma welagaikarek hak, inoba aiyage lagagìk, ina'la nen yì mene tì mene walok akìgìk, egarek atì mene awe a'ma negen welagagu. Atì'nogo logolìk, it aike weagarinapìk, ua palhìk, it aike nit inapsìrì'ninapìk, nit en it ninapsìrìrinapìk, ìkì lagagu.

1 TIMOTÌÙT 6:4

It atì nen he, wene ebe inokot meneat he, inokawerek hogorakìkì logolìk apùnì aike inom inane mene hesik wene palhìk, serep agìk, ìkì logouogolùk, inabìt logousak mene esinethìlì'lùgì atì nen, elùgùn oba re, apùnì aike inetaùken lek arìk, ebe wene inokot arìk, it-it inom ua palhik, wene palhìk, inapeliagat inabok weak palhìk, ina'la nen hohogomat ùkùm weak mene it aike inoba hìgìk, tùgì-tùgì wene-wene palìgì'lek iko motok welagaikarek atì. Atì'nogo hagatì logolìk ina'la nen he: “Nit Ala awe a'ma kìlìk hagatì lago atì ba, nineilmo wùlalhak asugun,” ìlùk, eberogoat salek akìlì'lùgì atì.

1 KORÌTÙT 5:2

Atì'nogo hagate kolegat he, hit hogorakìkì lagep atì. Hit hagasusak he, hina'la weak arìk, ap weak hagate werek atì, wulaksasak mene hinom lapuk hogo welagep atì.

ÙRÙM 2:8

Atì'nogo meneat he, it apùnì o'moko nen inokawerek hesik enek hagatì logolìk, ebe wene ikenem inasuk hologo hagatì'lek heraksìlìk, weak wene nek inasuk hologo hagatarek mene atì, Ala a'mage heperìlìk ùkùm hùkorogo inoba hegein o.

KALATIA 6:13

It atì wene Ala nen ninasuk wasike wene a'nogo hanorogo hologo welagì'legat he, inokawerek inogat inekalìma mene palìkì logolìk, “Hit atì'nogoat aike palani o,” ìlùk, inokawerek en hogorakìkì logouogolùk ìlì'lùgìì atì.

KALATIA 5:26

Atì'nogo hagatì logolìk, ninokawerek en hogorakìgì'legat, nit-nit aike nen aike ina'la weak asuagalùk hagatì'legat, nit-nit ua palogo aike nen aike ninabìt hisìgì'legat, hagatì logouok o.

KALATIA 5:21

ina'la nen, it aike inagarok mene, “Namolo e,” akìgìk, i negen nìlìk lùgùlùgì palhìk, pesta nìlìk weak hagatìk, egarek atì inom, aike atì'nogo hagatarek mene obogat inom, hesik ìgì atì. It apùnì aike atì'nogo hagarì'lùgì mene hùgì, Ala awe a'ma hisikere'ma atoma esewerek asugun motok lek o, ìlùk, wene atì hesik alep yogohisasigi hak, hobuk hinasuk warogo yogohisìgìat atì.

KALATIA 5:15

Atì'nogo meneat he, wam okawerek en wam aike aik en lìbìlhìk, warogo haum hogo nìkìk, ikerek hak, hit-hit hinokawerek en atì'nogo hagatì logogun halok he, hinebe alema'larìk lanogo ìlùk hinepe hebelogo logoino o.

1 KORÌTÙT 5:6

Apùnì nen inane lagak hogo ìkì logolìk, “Eken sùpùrùk horoti mene hisuagalùk a'la pelaparek mene hamùlùgat a'la pelabì'mo nen, horoti ebe obogat hìterek o,” ìlùk egarek a'nogo hinokot nogo? Hinelu logolìk hogorakìkì lagep atì hano hùk. Weak o.

ÙRÙM 2:17

Atì'nogo meneat he, hit en he, “Nit ninebe Yahuri ebe Yahuri mene,” ìlùk ìkì logolìk, hinetaùken wene Ala nen ninasuk wasike wene a'nogo ba hìpìrìk logolìk, “Ala atì nit ninopase o,” ìlùk hogarakìkì lagep yoma rì!

ÙRÙM 1:29

Atì'nogo hagarìkì logolìk, it ina'la re, yì weak a weak, yì kolo tì kolo, peserek logolìk, inamì'mìk weak hagatìk, apùnì aike weagarinapìk, egarek. Ìkì logolìk, apùnì inoba ua palhìk, inebe inoatìk, wene serep agìk, apùnì lalinapìk, wene eken hìlìk welagìk, egarek atì meneat ina'la motok kelek welagarek o. Inabok hinagasogo nabok-habok ìgìk,

LAKSASIKE 26:9

“An alep he, Yesùt aua Nasaret mene etage atì lek asuagalùk yì mene hagatìk, tì mene hagatìk, hagatì logoginat o, ìlùk na'la akasigi.

LAKSASIKE 13:45

Atogosukwama, it ap Yahuri mane amanogo apùnì logolegat ineileken isasukwasik ua palogo re, “Wene Paùlùt en ìlì'logo atì hinasuk holusak lek o,” ìlùk wene palhìk, Paùlùt lak wenagisìgìk, isukwa.

YOHANET 16:2

Apùnì nen o sapan egare'ma nen hit hineki lisogo wulakhikogoinat o. Nen, hobuk it apùnì hit hinoasugun mene inebe lopok ina'la nen he, Ala hesik hano inoato, ìlùk, ugun mene weregat o.

LAKSASIKE 7:9

“Ninopalak amanogo inagot Yusùp oba ua palhì lagaukwasik he, ebe o Mesit wolok lìlìk inatitigeke logouagalùk, ap aike oba oko wanhukwa. Mene re, apùnì aike nen at ebe ninhùp-nanhùp weagathouogolùk ikenem he, Ala eperak logolìk yì wene tì wene oba waganem telho motok welagaike.

KALATIA 5:20

tùgì hareken oba hìpìrìk logolìk hagatìk, apùnì aike inebe weak asuagalùk wesarogo hagatìk, apùnì aike inom weim palek hagatìk, serep agìk, ua palhìk, ina'mage hakoksek welagìk, inokawerek hesik enek esin hogo hagarìgìk, apùnì inebe omakeat mene inom hùlì-hùlì hagatìk, hek-hek hagatìk,

YAKOBÙT 1:18

Yì mene tì mene elalhike mene obogat makusa negen he, nit at logouagalùk, at okawerek a'la akalùk ane ebe wene atì baat ta'ninapikomo welago.