YAKOBÙT 2:8 - Ala Ane Wene Ket Mene Warogo Wo'ninapike Wene

⁸ Mene re, hit en higit hogo hagatì logousak mene yì. Ala nen ninasuk watì logolìk wene esin he, mel isike: “Hit hinokawerek hinebe hinetaùken hutik welagasep atì hak, it apùnì aike hinom welagasep mene atì hinetaaken hutik logoino o,” ìlùk isikomo, helal wanhukwa mene werek atì higit hogo hagatì logogun halok, hano hagatì logogun o.

YAKOBÙT 2:8 ပူးပေါင်းရင်းမြစ်များ

MATÌÙT 22:39

Nen, wet atì eperak higit he, aike yì Hit hinokawerek hinebe hinetaùken hutìk welagasep atì hak he, it apùnì aike hinom welagasep mene atì hinetaùken hutik logoino o, ìlùk isike mene esin aike atì.

MATÌÙT 25:21

at oe a'nogo nen he, Nagot wa! Hano motok. Hat hoabùt hùpùn nogo nen he, higit hogo motok hagatì lagenma hìgì o. Hamùlùgat meneat he, wokhetì mene hùpùn hogo hesogo welagen atì nen he, hobuk motok apik hesogo logoinok ìlùk, menhagalìk wokhesigin o. An hoe na'la hai hakìkì lagì atì hak, neperagat nina'la hai hakùok en, ki me o, ìlùk yogosike.

MATÌÙT 25:23

at oe a'nogo nen he, Nagot wa! Hano motok. Hat hoabùt hùpùn nogo nen he, higit hogo hagatì lagenma hìgì o. Hamùlùgat wokhetì mene, hoabùt hùpùn hogo hesogo welagen atì nen he, hobuk motok apik hesogo logoinok en ìlùk, menhagalìk wokhesigin o. An hoe na'la hai hakìkì lagì atì hak, neperagat nina'la hai hakùok en, ki me o, ìlùk yogosike.

MATÌÙT 7:12

Hit hina'la nen, It aike nen tì'nogo hano haga'ninabilep e, ìlùk akegesep atì hagat, hit en it atì atì'nogoat hagarinapì logoino o. Wene Ala nen Musa ayoko hìlìk ninasuk wasike wene atì mel, it Ala nen inayoko hikenem ane yogoisìkì lagaukwa wene atì mel, lapuk hogo esin he, atìat o,” ìlùk yogoisasike.

ÙRÙM 13:10

Apùnì aike inebe inetaùken hutik logolìk he inebe weagarinaparek lek. Wene Ala nen ninasuk wasike wene a'nogo obogat higit hogo hagasu hak he, apùnì aike inom netawì-hetawìrogo inetaùken hutik logousak atìat o.

KALATIA 6:2

Hit-hit hinoba ekin aike werek halok, hinebe lopok aike nen aike lebet-lebet ìkì logoino o. Atì'nogo hagatì logogun atì ba nen, wene Karìsùt en ninasuk warogo yakùlnisasike wene a'nogoat higit hogo hagatì logogun atì.

PILIPI 4:14

Elok logousak meneat he, an nelageik were'ma, hit en lebe'neegesep atì hano motok o.

1 TESALONIKA 4:9

Nen, hit-hit hinerùgì hinagaiya'lak hinom hinetawìrogo logouageip ìlùk, Ala nen elogat yakùlhisìlì'logo atì nen he, hobuk an nen nìkì'nogo halok, “Hit hinerùgì hinagaiya'lak hinom hinetawìrogo hagatì logoino,” ìlùk, helal waganogo hinoba lakhei wesusak. Legat o.

YAKOBÙT 1:25

Nit apùnì nineki hele warek negen were'ma, wene hano wene Ala nen ninasuk warogo katok hogo yogonisikerek atì ba hikalninaperek. Halok, sa nen wene atì asuk enek holìk he, lì'mathikerek hùk. We, tùkùm hogo hùthìlìk, oba eberek motok logolìk, wene atì higit hogo hagate halok, yì mene tì mene hagatenem, Ala nen a'la hairogo lebethìkì logogin o.

YAKOBÙT 2:12

Ninebe nineki hele warek negen were'ma, Ala ane atì baat hikalogo hiaikerek atì. Wene atì baat ninanema wanigin o, ìlùk, hinane higit hogo ìgìk, hineki nen higit hogo hagatìk, ìkì logoino o.

YAKOBÙT 2:19

Hat aike nen he, “At Ala ebe omakeat,” ìlùk eberogoat akìkì lagen atì hano meneat he, Ibilit agoromì inoabùt weak mene inom en, atì hagat eberogoat akìkì logolìk, ebe inayùk en aleik wataregat o.

YAKOBÙT 4:11

Nerùgì nagaiya'lak. Hit-hit hinabok pal-pal ìkì logousak lek. Hinerùgì hinagaiya'lak aike inabok palhìk, ùkùm inoba hìgìk, egep halok he, wene Ala nen ninasuk wasike wene a'nogoat weak ìlùk u hagat ìkì lagep atì. Nen, wene atì weak ìlùk ìkì lagep halok, wene atì hinasuk hologo hagatì lagep hùk. We, hit en he, “Wene atì weak. Ebe hano re, tì'nogo usak mene isikomo,” ìlùk u hak ìkì lagep atì.

1 PETERÙT 2:9

Mene re, hit enek he, “At Ala nen hano haga'ninabì'logo,” ìlùk abok yogoisìlìk loagalùk, hinebe o mùmmo were'ma, at ebe elalinat lìa motok welagarek oba wesuagalùk hinayoko hesikesik, hit at againapùrì asuagalùk wenakhinapìk, at ebe esewerek kaintek logouagalùk menhikìgìk, hinùkùl etage at okawerek ùkùl etage mene salogo hikìgìk, “Nokawerek nagainapùrì,” ìlùk hinebe wokhinapìk, isike atì.