YAKOBÙT 2:5 - Ala Ane Wene Ket Mene Warogo Wo'ninapike Wene

⁵ Nerùgì nagaiya'lak. Hinebe netawì e. An wene igin yì hinasuk holino. It apùnì kweangma inagarok lek mene atì, Ala nenat wenaginapì logolìk he, “Inagarok apik hogo logou hak, inetaùken an noba hìpìrìk logouak. Nen, it an nebe inetawì mene hùgì, o an nen nawe a'ma hisikenem logogun oba atoma esewerek asugun ìlùk wene warisasigi mene atì, irat esewerek asuak,” ìlùk wenaginapike.

YAKOBÙT 2:5 ပူးပေါင်းရင်းမြစ်များ

MATÌÙT 11:5

Ineileken mùm mene hekenogo hano agìk, inawe wùt warek mene kwe lagìk, inoba henako hake inayùk mene were'ma hagarinapenem hano agìk, inesako togùm mene inasuk huak hogo holhìk, warek mene inelugurinapìk, it aike inagarok lek mene hano wene yakùlisìgìk, ikenem hineileken neegep a'nogo sekek hogo yogosi lano o.

MATÌÙT 25:34

Atì'nogo tegelogo hisìlìk he, an nebe Netagepogorat nogo nen he, it neki ebekwe hisegein mene atì, wene mel yogoisegein: An nopase nen hanothinapomo welagep. Halok, we'ni o. An sùpùrùk nele were'ma hit en mela'netìk, i nele were'ma hit en wo'netìk, an ap pogat were'ma hit en wo'napìk, nasu labere'lek were'ma hit en labethanìk, ou warek were'ma hit en nea wagìk, neki hele warek were'ma nea wagìk, isigip atì nen he, an nopase nen pogot kweang oan elalhì'lek logolìk, hit kain hinetage pogot logouageip ìlùk, wenagasogo hikasike mene yì hela we'ni o, ìlùk yogoisikenem,

MATÌÙT 5:3

“Apùnì ina'la nen he, An he, Ala eilhanem, ebe mene hesik nelageik welagì, ìlùk akagarek mene atì, Ala awe a'ma hisikere'ma atoma esewerek irat atì nen he, ina'la hai hakìkì logousak o.

MAREKÙT 7:14

At Yesùt en, wene atì'nogo yogoisasikesik he, hobuk apùnì logolek amanogo waisasikomo wagaukwama, aike mel yogoisasike: “An wene igin yì, hit obogat hùthoageip en he, hinasuk hanorogo holini o.

LUKAT 12:21

Ati hak he, it apùnì Ala eilhanem ebe mene wanhì'lek logolìk, it inokawerek mene nek nomologo hakìlì'lùgì atì, atì eperak hìgìrat o,” ìlùk yogoisasike.

LUKAT 12:32

“Halok he, hit Ala againapùrì kìlìk welagasep mene hinebe hamùlùgat mene yì, nagaiya'lak e! Ala nen hit at awe a'ma hikagalùk a'la akikesik werek atì re, hinayùk agùp o.

LUKAT 16:22

“Atì'nogo niko were'ma, at Lasarùt eilmo lek mene a'nogo wa'lagaike. Wa'lagaikomo re, it malaikat pogot oba Ala nen yoko pelaksa wagarek mene amanogo aike wagaukwasik, ebe wolok he, ap Aberaham era'lu hei lagaukwa. Hei lagaukwama nen he, hobuk ap kain agarok apik mene a'nogo wara'lagaike. Wa'lagaikomo re, kweangma salhukwa.

LUKAT 16:25

at Aberaham en he, mel yogosike: Naput e. Hat heluk logolìk he, hano mene nek nìkìk, wanhìk, iko kolek, Lasarùt yì nek he, weagat welagaike mene a'nogo ha'la ebe'sin! Nen, yogotak he, at Lasarùt yì yoma wagasik a'la hano agasik werek kolegat he, hat enek he, heinet apik warìkì lagen atì.

LUKAT 22:29

an nopase nen apùnì an nawe a'ma hagisek logouagalùk menhanhike atì hak he, hit hogo apùnì an nawe a'ma hisegeinmo atoma sùpùrùk nìkìk, i nìkìk, ìkì logolìk he, hinobùlùk talek oba kainat logolìk, apùnì Isirael mene inùkùl etage 12 nen amanogo ùkùm inoba hìgìk, kotìk, uageip en, ìlùk, hirat menhikìgi o,” ìlùk yogoisasike.

LUKAT 6:20

Atì'nogo hagatenem, at Yesùt en agoromì ane wanhì lagaukwa mene amanogo eileken inoba hìlìk he, mel yogoisasike: “Hit hinelageik mene hùgì, Ala awe a'ma hikegein atì nen he, hina'la hai hakìkì logoino o.

YOHANET 7:48

Nit ap Yahuri mene hinogogì kaintek aike nen inetaùken at oba hìpìrethìgìk, nit ap Parisi mene aike nen inetaùken at oba hìpìrethìgìk, ikenem aike isìkì lagep a? Motok lek o.

LAKSASIKE 7:2

Yogosikomo, at Sitepanùt en he, mel yogoisasike: “Nogogì, nagoromì, nopaselak hinalaok. Wene igin yì, hinasuk hanorogo holini. Ninapu Aberaham a'nogo o Haran tek hogo wagì'lek, o Mesopotamia were'ma, Ala, hogoratotek mene a'nogo elokoma melagaike.

ÙRÙM 8:17

Nit ninebe Ala againapùrì halok he, at Karìsùt yì aik tì aik hasike hak, hogoin halok, Ala nen nit Karìsùt ninomat hogo'ninabigin atì nen he, Ala nen yì mene tì mene at againapùrì wogisagalùk abok yogoisasike mene atì, at Karìsùt ninomat wo'nisamo, en logogun o.

1 KORÌTÙT 2:9

Wene atì hesik he, Ala ane yì'nogo helal waganek werek: “At Ala nen he, yì mene tì mene apùnì nen ineileken hìgì'lek. Inasuk holhì'lek. Ina'la nen kagalhì'lek. Mene, obogat nit apùnì at ebe ninetawì welagorek mene hùgì hinikomo werek o,” ìlùk helal waganogo hesukwama werek.

2 KORÌTÙT 4:15

Nit yì aik tì aik obogat hìkì lago atì re, hit hesigat o. Atì'nogo hìkì lago ba, at Ala oabùt hano motok en apùnì aike etawìratìk, aike etawìratìk, inebe logolegat etawìrinabìk telinapenem he, inebe logolegat en, Ala hai warì'lùgì atì ba, it aike nen Ala hogorarì'lùgì o.

2 KORÌTÙT 6:10

Nina'la weak logolìgat he, hai hakiko motok welago. Yì mene tì mene ninekim lek meneat he, apùnì logolegat ebe mene ineilmo wùlalhak asuagalùk hagatsìkì lago. Ninagarok motok lek meneat he, ebe mene obogat ese agosik welago.

2 KORÌTÙT 8:9

Ninoe Etagepogot Yesùt Karìsùt oabùt hano nen etawì'ninapike a'nogo hit hinelu motok akìgì. At he, ebe Ala mene logolìk he, eilmo wùlalhak welagaike meneat he, at elageik agaike atì ba, hit ebe mene hineilmo wùllalhak asuageip ìlùk, at ebe nit apùnì mene agaikesik elageik agaike atì.

EPESÙT 1:18

At enat hina'la lìathinapenem, hit en he, “Ninayoko hesike mene a'nogo nen hobuk hano'ninabigin,” ìlùk, hina'la hairogo oba eberek welagep mene a'nogo hinelu agìk, yì mene tì mene hano mene hogorato motok logogun mene at againapùrì wo'nisagalùk hùkorogo hologo hinasike mene atì, hinelu agìk,

EPESÙT 3:8

Ala againapùrì mene obogat inetagewerek werek kolegat he, an netage lek, mea mene, at Ala oabùt hano nen, hano wene pìlìngìrogo usak mea mene, Karìsùt en wogisikerek a'nogo apùnì etakwe mene yogoisìlìk nìkì logouagalùk nayoko hìlìk neyabu atì wo'nesikomo welagì.

2 TESALONIKA 1:5

Ala nen apùnì ùkùm inoba hìgìk, kotìk, higit hogoat hikerek ìlùk enagat asigin. Hit yogotak Ala awe a'ma kìlìk ane hologo welagep atì hesik, apùnì nen yì aik tì aik hagathinapo kolek atì'nogo welagep atì nen, at en hobuk he, “Hit an nawe a'ma kìlìk hinawiwerek motok logoino o,” ìlùk, yogohisegein atì.

1 TIMOTÌÙT 6:18

It atì hanorogo hagatì logolìk, inagarok apik logou hak he, apùnì aike hanorogo leberisìkì logolìk, inagarok lek mene wogisìgìk, sùpùrisìgìk, ìkì logouagalùk inasuk watì logoino.

2 TIMOTÌÙT 4:18

Atì'nogo telnapesik, hobuk apùnì nen yì weak tì weak haga'nabuogolùk ikenem, at enat telnapì logopik he, telogo wo'narek pogot oba, at awe a'ma logogunmo atoma kigin atì hesik, at hogorato motok logouok, ìlùk, “Amin,” ìgì atì.

2 TIMOTÌÙT 4:8

Apùnì inawe walhikenem, inawe uan asugun mene oko hano mene wogisagarek hak, an nebe arat laganem, ninoe Etagepogot en ùkùm ninoba hìgìk, kotìk, higit hogoat igin atì like, at en he, “Hat higirat hagatì lagenma,” ìlùk, oko hano mene aike wo'nesigin werek o. Mene re, an enek wo'nesigin hùk. It aike ina'la nen he, “Yesùt we'nìk e,” ìlùk, walok en serogo welagaikarek mene hùgì obogat ninom wo'nisegeinat o.

IBERANI 11:26

“Hobuk Ala nen oko wo'nesigin mene werek o,” ìlùk akasikesik he, “Yì mene tì mene hano mene apùnì o Mesit inekimo mene yì esin lek o,” ìlùk, heraksalùk he, “Karìsùt hesik nineba horothinìkì logousak atìat esin a,” ìlùk akasike.

YAKOBÙT 1:12

Hit aike Ibilit en hina'la kagaligìlùk yì ùkùm tì ùkùm hinoba aga kolek, hinepe morogo logogun halok, hina'la hai hakogoin o. Atì'nogo hinepe morogo logogun halok, Ala nen he, “An nebe hinetawì mene hùgì hineluk motok logogun mene wokhisegein o,” ìlùk, abok yogonisasike a'nogo hit hinoabùt palogo nenat wokhisegein o.

YAKOBÙT 1:16

Nerùgì nagaiya'lak. Hinebe netawì e. Hinokawerek en hinebe lalanogo ìlùk yogohisìgì atì.

YAKOBÙT 1:19

Nerùgì nagaiya'lak. Hinebe netawì e. Wene yì hina'la eberek logoino o. Hinebe lopok wene hinasuk hepok holìk he, hinane ba nen erogat ìgìk, hina'mage lagai waganem hinetaùken sebelogo logopik en erogat ìgìk, ìkì logoino o.

YAKOBÙT 1:9

Hit Ala againapùrì hinagarok lek mene aike inawe a'ma logolìk he, “An Ala nen kainethanhomo welagì,” ìlùk hina'la hai hakasak o.

1 PETERÙT 1:4

Atì'nogo hano'ninapenem ese asugun mene atì, hili agì'lek, weak agì'lek, lek agì'lek esok motok logogin mene pogot oba aike hit hikikomo werek o.

2 PETERÙT 1:11

Ninoe Etagepogot Yesùt Karìsùt telninabì'logo mene a'nogo, kain motogat logoginmo atoma hika kìkì logolìk, at en he, “Hit hinebe esewerek o,” ìlùk, hai warogo hanorogo wokhisek kigin o.

ABÌKAKAN 2:9

Hit ebe mene hesik hinebe kain hineilmo wùlalhak meneat he, it apùnì Ibilit againapùrì meneat he, inapeliagat, Nit ninebe Yahuri mene, ìlùk ìkì logolìk, hit hinetage weak hagarogo weak hagathinapenem, hinebe hinelageik weak welagep atì, an neluat o.

ABÌKAKAN 21:7

At sa nen omame asigin mene halok, wene obogat ìgì atì, at esewerek logogin o. Atì'nogo esewerek logolìk, an Ala at opase noba hìpìrìk logogin meneat logogin, nen at an napurat logogin o.

ABÌKAKAN 3:18

Atì'nogo welagep atì nen, hit kain hineilmo wùlalhak asuageip en he, emas etumo weragasogo hano hagarek mene noba oko palìgìk, hinalulukwa welagep mene atì, hinekalì asinogo nen he, laberùogolùk su kut mene noba oko palìgìk, hineileken mùm mene atì, hano aganem yì mene tì mene lakhìkì logouogolùk, amusu hineileken obakwe wasuageip en noba oko palìgìk, uageip en ìlùk hinasuk watì o.