YAKOBÙT 2:22 - Ala Ane Wene Ket Mene Warogo Wo'ninapike Wene

²² At etaùken Ala oba hìpìrethìgìk, eki ba nen hagatìk, eperak lapuk hogoat hagasike atì. Eki ba nen hagasike atì ba etaùken Ala oba katok hogo hìpìrethesike ìlùk, hat en hùthasagat o.

YAKOBÙT 2:22 ပူးပေါင်းရင်းမြစ်များ

1 TESALONIKA 1:3

Ninopase Ala eilhanem sapan atì'nogo ìkì logolìk he, hit hinetaùken Ala oba hìpìrìk logolìk hinoabùt hagatì lagep mene mel, apùnì aike hinetawìrogo logolìk, hinomamerogo leberisìkì lagep mene mel, hina'la nen, “Ninoe Etagepogot Yesùt Karìsùt en hano haga'ninabigin,” ìlùk, hinepe morogo welagep mene mel, nit en hit hagatì lagep mene atì hesik hinoba lì'mathìgì'lek, eberek motok welago.

KALATIA 5:6

Atì nen he, nit Karìsùt Yesùt ninom hutik logolìk, ninogat ninekalìma mene palek mene lek, it aike pale'lek mene lek, ninom higit welago. Halok, atì hesik penesusak lek. We, esin he, ninetaùken Karìsùt oba hìpìrìk logolìk, apùnì aike ninetawìrinaporek atì ba enagat arì'logo.

1 YOHANET 2:5

Atì'nogo meneat he, sa nen Ala ane hologo higit hogo hagaterek halok he, yì mene tì mene katok hogo hagatarek atì hak, at atì Ala motok etawìrogo welagarek o. Nen, nit atì'nogoat welago halok, nit Ala ninom hutik welago, ìlùk atì baat ninetawì wekelogo hùthìkì lago.

YAKOBÙT 2:18

It aike nen atì'nogo ikenem, mel usak: “Hat en he, Netaùken Ala oba hìpìrìk welagì ìkì lagen atì. Nen, an nen he, neki ba nen leberisìkì lagì atì. Halok he, hat heki nen leberisìgì'lek logolìk, Netaùken enek Ala ba hìpìrìk welagì, ìlùk ìkì lagen atì ebe kì. Ìnù'nean ta. An enek he, Netaùken Ala ba hìpìrìk welagì, ìlùk, neki ba nen leberisìkì lagì mene enagat werek atì, inùkheegeinat o,” ìlùk yogoisasak atì.

YOHANET 6:29

at en he, mel yogoisasike: “Ala a'la akikerek mene hit en hagasusak atì ebe re yì. Hinetaùken an Ala nen lakhani wagaikomo wagagi mene yì, noba hìpìrethousak atìat o,” ìlùk yogoisasikomo,