YAKOBÙT 2:20 - Ala Ane Wene Ket Mene Warogo Wo'ninapike Wene

²⁰ Hat hebe kepù negen ìkì lagen atì rì! Ala eberogoat ìlùk atì mene nek akìkì logolìk, heki ba leberisìgì'lek halok, we tùlemat akìkì lagen ìlùk enagat hùthanogolùk wene yì yogohesik.

YAKOBÙT 2:20 ပူးပေါင်းရင်းမြစ်များ

YAKOBÙT 2:26

Ninebe ninareagùn wùlùpenem wa'lagorek atì hak, nina'la nen he, “Ala eberogoat,” ìlùk akìkì logolìgat he, nineki ba nen aike hagatì'lek halok, warek hake logolìk, we tùlemat akìkì lago o.

YAKOBÙT 2:17

Ati hak, nit nineki ba nen leberisìgì'lek logolìk, “Ninetaùken Ala oba hìpìrìk welago,” ìlùk, atì nek ogorek halok, warek hake logolìk we tùlemat ogorek o.

ÙRÙM 1:21

Ala ebe atì'nogo inelu logoligat, it en he: “Ala ebe Walhobak at o,” ìlùk, ebe hogoratì'lek, hai watì'lek, welagaukwa. Atì'nogo logolìk he, hùnogo mene ebe mene lek meneat he, wenesùgì oba ebetì lagaukwa atì nen, inetaùken abit agaike atì.

KALATIA 6:3

Mene re, hat aike hetage lek logolìgat he, “An kain,” ìlùk, ha'la nen akìkì lagen halok he, hokawerek en lalìkì lagen atì.

YAKOBÙT 1:26

Nen, sa nen, “An Ala awe a'ma logolìk higit hogo hagatì lagì,” ìlùk, akìkì logolìgat he, ane elùgùn ware'lek yùgùn-yagan ikerek halok, okawerek en lalìkì logolìk, Ala a'la hanorogo hagatì lagì salek, we tùlemat hagarì'logo o.

TITUT 1:10

It apùnì aike logolegat ebe wene hologo higit hogo hagatì'lek hagarì'lùgì atì. Atì'nogo hagarì'lùgì atì, inebe hùkokwe re, it Yahuri inogat inekalìma mene palek mene, hano wene wanhukwasik enat he, hobuk ebe wene le'maat, we, tùlemat apùnì inawene mene ìkì logolìk, it aike lalinabì'lùgì atì.

1 TIMOTÌÙT 1:6

Mene re, it aike nen inoabùt hano hagatarek atì mene hagatì lagaikaresik en heraksalùk kwanìrogo tùlemat lek asigin mene atìat ìkì logolìk, inokawerek enat nong akìlì'lùgì atì.

KOLOSE 2:8

Atì'nogo iko were'ma, apùnì aike ina'la kagalek mene salek, wene we mene inapeliagat yogohisìkì logolìk, lalhinabinogo ìlùk he, hinoabùt hebelogo logoino. Wene atì re, Karìsùt en isike mene higit hogo ìlì'lùgì hùk. We, apùnì ta'larìk waga kolek, inopalak en he, “O yoma yì mene tì mene hìpìt he, mokareke inoabùt weak mene atìat o,” ìlùk ìkì lagaukwa mene higit hogo lalhinabì'lùgì atì.

KALATIA 5:6

Atì nen he, nit Karìsùt Yesùt ninom hutik logolìk, ninogat ninekalìma mene palek mene lek, it aike pale'lek mene lek, ninom higit welago. Halok, atì hesik penesusak lek. We, esin he, ninetaùken Karìsùt oba hìpìrìk logolìk, apùnì aike ninetawìrinaporek atì ba enagat arì'logo.

ÙRÙM 3:28

Wene atì hesik nit hathasak he, yì'nogo. Nit en wene Ala nan ninasuk wasike wene a'nogo hesogo logollìk higit hogo hagatenem, nit weak hagatorek mene legetsìlìk, at ninom ninapotkwe hùnogo hinikerek hùk. We, ninetaùken at Yesùt oba hìpìrethikenem, ninom hùnogo hinikerek o.

ÙRÙM 9:20

Eige! Nagot yì. At Ala ane ikenem, hat hane oak lagalusak nogo? Mea o. Apùnì nen isoak temùl mene hagatenem he, kweang temùl atì nen he, at hagatewerek atì yogotì logolìk he: “Hat en an yì'nogo nahalok haga'napen,” ìlùk yogosusak nogo? Mea o.