YAKOBÙT 2:19 - Ala Ane Wene Ket Mene Warogo Wo'ninapike Wene

¹⁹ Hat aike nen he, “At Ala ebe omakeat,” ìlùk eberogoat akìkì lagen atì hano meneat he, Ibilit agoromì inoabùt weak mene inom en, atì hagat eberogoat akìkì logolìk, ebe inayùk en aleik wataregat o.

YAKOBÙT 2:19 ပူးပေါင်းရင်းမြစ်များ

LUKAT 4:34

“Yesùt Nasaret mene yì! Hat en nìkì'nogo haga'ninabigìlùk wagen! Nit weaga'ninabigìlùk wagen a? Hat hebe re, Ala okawerek hesik menhagaikesik lakhagei wagama wagen atì, an nen hùthagagì o,” ìlùk ane hùkorogo yogosikomo,

MAREKÙT 1:24

“Yesùt aua Nasaret mene yì! Hat en nìkì'nogo haga'ninabigìlùk wagen. Nit weaga'ninabigìlùk wagen a? Hat hebe re, Ala okawerek hesik menhagaikesik lakhagei wagama wagen atì, an nen hùthagagì o,” ìlùk ane hùkorogoat yogosike.

MATÌÙT 8:29

inane hùkorogoat mel yogosukwa: “Ala aput yì. Hat en he, nit nìkì'nogo haga'ninabigìlùk wagen. Nit ninoasusak oba oan werek kolegat he, hat tak ninoasigìlùk wagen yoma rì!” ìlùk yogosukwa.

LAKSASIKE 16:17

Nit Paùlùt ninom laganem, at helekerek atì ninopoligat lagaike. Laga logolìk he, ane hùkorogoat apùnì mel yogoisasike: “It ap yì inebe Ala Etagepogot atitigeke welagaikarek mene nen wene hinebe telhinabusak wene yogohisùogolùk wagaika o,” ìlùk yogoisasike.

KALATIA 3:20

Apùnì pìre mìkìlogo hùlì warek were'ma re, ap aike hùlìsanem logousagat o. Atì'nogo meneat he, at Ala okawerek en wene abok yogonisikerek atì nen he, at en wene oko lek o'moko negat yogonisikerek atì.

LAKSASIKE 19:15

Walhikenem, at mokareke oabùt weak mene nen he, “Yesùt atì ebe, an nelu. Nen, Paùlùt atì ebe, abok holhìrek meneat. Mene re, hit yì sanì he. An nokot,” ìlùk yogoisasikesik en,

MAREKÙT 5:7

“Yesùt Ala Etagepogot aput yì, nìkì'nogo haga'nabigìlùk wagen,” ìlùk yogosikomo, at Yesùt en he, “Mokareke hoabùt weak mene yì, ap yì a'la nen henogo wùlìbi lan o,” ìlùk yogotenem, at a'nogo ane hùkorogo ìkì logolìk, “Eige. Nabìt e. Ala oak e. Weaga'napùn,” ìlùk ane hùkorogo isike.

1 TIMOTÌÙT 2:5

Ala ebe omakeat o. Nen, Ala ninom nit apùnì ninom hùlisanem logolìk lapulninabì'logo mene ap ebe Yesùt Karìsùt atì omakeat o.

MAREKÙT 12:29

Hinok oba wanhikomo, at Yesùt en mel yogosike: “Wene atì esin he, Musa nen mel isike: Hit ap Yahuri mene yì hinasuk holini! Ninopase Etagepogot he, Ala aligat o.

1 KORÌTÙT 8:6

Atì'nogo meneat he, nit ninopase Ala ebe omakeat. Aike lek. Yì mene tì mene obogat at en elalhikomo re, ninebe at hesigat welago. Atì'nogoat, ninoe Etagepogot Yesùt Karìsùt ebe omakearat o. Yì mene tì mene obogat Ala nen elalhike atì, ebe at Yesùt en elalhikesik, ninebe at enat telninapikomo nineluk welago.

ÙRÙM 3:30

At Ala ebe omakeat atì nen he, nit apùnì ninogat ninekalìma mene palek mene ninetaùken at oba hìpìrethikenem he, ùkùm ninoba mene korogo wokhìlìk at ninom ninapotkwe hùnogo hinìgìk, nen it apùnì inogat inekalìma mene atì'nogo pale'lek mene inetaùken at oba hìpìrethikenem he, atì'nogoat hisìgìk, hagaterek o.

YOHANET 17:3

It apùnì nen he, Ala hogorasusak ebe mene aligalegat motok welagarek, ìlùk, hebe inelu agìk, nen an Yesùt Karìsùt lakhani wagaginmo wagagi mene yì nebe inelu agìk, ìlì'lùgì atì re, ineluk motok welagaikarek ero atìat o.

YURAT 1:6

Nen, at Ala nen it malaikat yoko pelaksa wagarek mene hagasusak mene sùpùrogo wogisasike meneat he, it aike nen inagaiya'lak hagasusak mene inaphane haga'lùk he, inokawerek inaua heraksasukwama, Ala nen hele motok logogin mene ba ineki hele warogo o motok mùmmo kweang abel makwe hisasikomo werek atì. Atì'nogo motok logopik en, hobuk apùnì ùkùm hùkorogo inoba hegein atì like, it inomat inoba heigìlùk he, ineki hele hikalinabigin atì hina'la ebe'ni.

YAKOBÙT 2:8

Mene re, hit en higit hogo hagatì logousak mene yì. Ala nen ninasuk watì logolìk wene esin he, mel isike: “Hit hinokawerek hinebe hinetaùken hutik welagasep atì hak, it apùnì aike hinom welagasep mene atì hinetaaken hutik logoino o,” ìlùk isikomo, helal wanhukwa mene werek atì higit hogo hagatì logogun halok, hano hagatì logogun o.

1 KORÌTÙT 8:4

Tùgì hareken ako waretarek atì re, tùgì hareken kweangma mene yoma ebe lek meneat, ìlùk ninelu. Ninopase Ala ebe omakeat. Aike lek o.

ABÌKAKAN 20:10

Atì'nogo niko kolek, at yeke lo yeke hake a'nogo ho, at aike nen, “An Ala ane yogoisìkì lagì,” ìlùk apeliagat lalinaperek mene a'nogo ho, i laut etu mene yekele'ma hetalì al hake obasi weak mene etage belerang inom-inom amulok niko motok welagam'ma atom wouk hogo pelaksasike a'nogo atoma were'ma, Ibilit a'nogo hobuk inoba wouk hogo pelaksikoma inom atoma logolìk, likene hùako heinet wato moto'-motok logogun isìgi.

MAREKÙT 7:9

Atì'nogo yogoisìlìk, wene aike mel yogoisasike: “Hit hinetaùken motok kagalek yì nayùk e! Hinapu hinopalak hagatì lagaukwa mene atì ning hogo hesogo logouogolùk he, wene Ala nen ninasuk wasike wene atì sagalogo heraksìkì lagep atì hano hìgì,” ìlùk inekalì wasike.

LAKSASIKE 24:25

Atì'nogo holek werek kolek, higit hagatì logousak wene atì mel, inetaùken sebeksek logousak wene atì mel, hobuk Ala nen apùnì ninanema wanìk ùkùm ninoba hìgìk, kotìk, igin wene atì mel, yogoisikenem, Pelìkìt ayùk agaike. Ayùk arìk he. “Yagotak wene arat egen o. Hobuk usak higit aga halok he, wahesigin o,” ìlùk apotkwe lakhesike.