YAKOBÙT 2:17 - Ala Ane Wene Ket Mene Warogo Wo'ninapike Wene

¹⁷ Ati hak, nit nineki ba nen leberisìgì'lek logolìk, “Ninetaùken Ala oba hìpìrìk welago,” ìlùk, atì nek ogorek halok, warek hake logolìk we tùlemat ogorek o.

YAKOBÙT 2:17 ပူးပေါင်းရင်းမြစ်များ

YAKOBÙT 2:26

Ninebe ninareagùn wùlùpenem wa'lagorek atì hak, nina'la nen he, “Ala eberogoat,” ìlùk akìkì logolìgat he, nineki ba nen aike hagatì'lek halok, warek hake logolìk, we tùlemat akìkì lago o.

YAKOBÙT 2:14

Nerùgì nagaiya'lak. Hit aike nen, “Netaùken Ala ba hìpìrìk welagì o,” ìlùk ìkì logolìgat he, heki ba nen apùnì aike leberisìgì'lek halok he, hane nek, “Netaùken Ala ba hìpìrìk welagì,” ìlùk ìkì lagen atì ba aike haga'lasigin nogo? We, tùlemat ìkì lagen o. Nen, hetaùken enek atì'nogo hìpìrìk logoumo re, atì ba elok telhabigin nogo? Mea o.

1 TIMOTÌÙT 1:5

Inetaùken Ala nen horinapenem he, inokawerek ina'la nen he, “An wene noba lek, na'la selek welagì,” ìlùk akìkì logolìk, inetaùken eberogoat Ala oba hìpìrethìlìk welagaikarek atì nen, apùnì inetawìrogo welagaikarek o. Halok he, it atì'nogoat logouagalùk inasuk watì logoino, ìlùk yogohesigi atì.

1 KORÌTÙT 13:13

Motok logogin he, ninetaùken Ala ba hìpìrìk welagorek atì inom, hano asigin ìlùk nina'la hai hakogorek atì inom, apùnì inebe ninetawìrogo welagorek atì inom, wene ebe hìnagan atemat logogin. Meneat he, ebe esin hake re, apùnì inebe ninetawìrogo logousak atìat o.

1 TESALONIKA 1:3

Ninopase Ala eilhanem sapan atì'nogo ìkì logolìk he, hit hinetaùken Ala oba hìpìrìk logolìk hinoabùt hagatì lagep mene mel, apùnì aike hinetawìrogo logolìk, hinomamerogo leberisìkì lagep mene mel, hina'la nen, “Ninoe Etagepogot Yesùt Karìsùt en hano haga'ninabigin,” ìlùk, hinepe morogo welagep mene mel, nit en hit hagatì lagep mene atì hesik hinoba lì'mathìgì'lek, eberek motok welago.

1 KORÌTÙT 13:3

Yì mene tì mene an nekim mene obogat apùnì inagarok lek mene sùpùrisìgìk, nebe motok warogo halì noagalùk neram enat ìgìk, ìkì logolìk meneat he, apùnì aike inebe netawìrogo logogin lek halok he, we, tùlemat alemarogo ìkì logousak o.

KALATIA 5:6

Atì nen he, nit Karìsùt Yesùt ninom hutik logolìk, ninogat ninekalìma mene palek mene lek, it aike pale'lek mene lek, ninom higit welago. Halok, atì hesik penesusak lek. We, esin he, ninetaùken Karìsùt oba hìpìrìk logolìk, apùnì aike ninetawìrinaporek atì ba enagat arì'logo.