YAKOBÙT 1:5 - Ala Ane Wene Ket Mene Warogo Wo'ninapike Wene

⁵ Mene re, at Ala oabùt hano nen apùnì obogat etawì logolìk wenagisìgì'lek wogisikerek atì nen, hit aike hina'la kagale'lek halok, at kìno yogosumo hina'la kagaliginat o.

YAKOBÙT 1:5 ပူးပေါင်းရင်းမြစ်များ

YOHANET 15:7

Hit an ninom hutik logolìk nane hina'la werek halok, we, nena mene hit walok mene an kìno yogonesumo wokhisamo helogoinat o.

YAKOBÙT 3:17

Atì'nogo meneat he, apùnì Ala nen ina'la kagalhenem, inoabùt esin hagatarek he, weak aike hagatì'lek ineil lopok hogo welagaikarek atì. Atì'nogo logolìk, apùnì aike inom lìok hogo welagìk, inoabùt enago welagìk, inane hologo hagatìk, e eken hano mene ìterek atì hak, hanorogo hagatìk, apùnì inetawìrogo motok welagìk, apùnì aike inelokoma hisìgìk, aike inapotma hisìgìk, ìgì'legat, inetaùken pìre welagì'legat, hanorogo hagatarek atì.

YOHANET 14:13

Nen, at sa nen, yì mene tì mene an netage palogo Ala kìno yogote halok he, an aput en hagatenem, it apùnì nen nopase hogorasuagalùk, an nen hagasigin o.

1 YOHANET 3:22

at en wene ninasuk wasike wene higit hogo hagatìk, at eilhanem a'la hanorogo nek hagatìk, ìkì lago atì nen, nit yì mene tì mene kìno yogotenem, at en wo'nisìlì'logo.

YAKOBÙT 5:16

Atì'nogo hagasigin atì nen, hit aike hinoba ou mene se asuageip en he, weak hagatep mene hit-hit hukal-hukal ìkì logolìk sapan ìkì logoino o. It apùnì Ala a'la walok akikerek mene higit hogo hagatarek mene nen sapan eberogoat ning hogo ugun atì, omame apik were'ma re, Ala nen hagarinabiginat o.

YOHANET 4:10

at Yesùt en he, mel yogosike: “Ala oabùt hano nen welegat oko lek wogisikerek mene atì mel, nen an nen, I aike hinagasogo wo'nom, ìlùk kìno yogohetì atì, nebe mel, hùthanilenma, hat en i aike kìno yogonetenem, an nen i inelugurinaperek mene eberogoat wokhe'le o,” ìlùk yogosike.

YAKOBÙT 1:17

Ninopase Ala pogot oba mene a'nogo nenat yì mene tì mene lorek mene wo'nisìgìk, hano motok mene wo'nisìgìk, pela'nisa wagarek atì. At enat pogot obakwe lìa welagarek mene atì elalhikesik he, at ebe hùnogoat haga'lagìk, abel etenogo mùm agìk, lìa agìk, ikerek lek.

MATÌÙT 11:20

Atì'nogo yogoisasikesik he, apùnì inawì sili lopok at en hagasusak lek mene elalinat hagatenem ineileken hìkì lagaukwa meneat he, ina'la hùthìgì'lek logolìk, yì weak tì weak hagatì lagaukwa mene hebisìgì'lek welagaukwa mene wenagisìkì logolìk he, mel yogoisasike:

MAREKÙT 16:14

Atì'nogo hagarìk waga lagaikesik, ebe hobuk he, it at Yesùt agoromì inebeo 11 nen amanogo hùrek sùpùrùk niko were'ma, “Ineileken neoak,” ìlùk inoba kisikesik inelokoma melagaikesik mel yogoisasike: “Hit yoma hina'la nen he, eberogoat ìlùk akìgì'lek hina'la pùgat yoma rì! Ala nen an nebe arat nelugu'napomo were'ma, it aike nen ineileken neegasik yogohisa wagaika meneat he, hina'la nen eberogoat ìlùk akìgì'legat yoma rì!” ìlùk wenagisasike.