YAKOBÙT 1:26 - Ala Ane Wene Ket Mene Warogo Wo'ninapike Wene

²⁶ Nen, sa nen, “An Ala awe a'ma logolìk higit hogo hagatì lagì,” ìlùk, akìkì logolìgat he, ane elùgùn ware'lek yùgùn-yagan ikerek halok, okawerek en lalìkì logolìk, Ala a'la hanorogo hagatì lagì salek, we tùlemat hagarì'logo o.

YAKOBÙT 1:26 ပူးပေါင်းရင်းမြစ်များ

EPESÙT 4:29

Weneane uogolùk halok he, weak mene ìkì logogùp o. Wene hano mene ikenem it aike inetaùken akut mene inasuk holugun mene atì Ala nen hanorinapenem, inetaùken wurik asuagalùk, wene hano mene nek ìkì logoino o.

1 PETERÙT 3:10

Wene atì hesik mel isukwa: “Apùnì inoabùt ninopase Etagepogot a'la walok akikerek mene higit hogo hagarì'lùgì mene hùgì, at eileken inoba logolìk, sapan ayoko hikenem inane asuk holherek o. Meneat he, it weak hagarì'lùgì mene hùgì, elokoken age warisikerek o, atì nen, sa nen, An neluk aike inom logoile, ninhùp-nanhùbat hano mene nek haga'laganem hìkì logoile, ìlùk logou walok halok he, ameli ba weak wene ìgì'lek welagìk, ape ba nen apeliak apùnì aike lalinapì'lek welagìk, weak mene apotma heraksalùk hano mene nek hagatìk, oabùt apùnì aike inom lapuk hogo hano welagaikarek atì mene esinethìlìk omamerogo hagarìk lagìk, ìkì logousak o,” ìlùk Ala ane ba helal waganogo hesukwa.

EPESÙT 5:4

Pailak haksagarek mene abok ìgìk, wene inetaùken lek egarek mene ìgìk, inekalìma mene hesik asegenabok ìgìk, usak lek mene atì ìgì'legat, Ala at hai watì logoino o.

KOLOSE 4:6

Hinane yì hesik tì hesik it aike yogoisìkì logolìk, yì mene tì mene mayu helhenem etuk hano egarek hak, “Wene atì hano ù,” ìlùk, wanuagalùk, hinane lìok hogo yogoisìkì logoino. Atì'nogo yogoisikenem, it hinoba hinok wanhenem, wene oko inebe lopok yogoisoageip en, hinelùrogo logoino.

YAKOBÙT 1:22

Wene Ala ane atì hinasuk enek holìk kamo umo re, hinokawerek en lalogoin atì nen, hinasuk holìk, tùkùm hogo hagatì logoino o.

YAKOBÙT 1:19

Nerùgì nagaiya'lak. Hinebe netawì e. Wene yì hina'la eberek logoino o. Hinebe lopok wene hinasuk hepok holìk he, hinane ba nen erogat ìgìk, hina'mage lagai waganem hinetaùken sebelogo logopik en erogat ìgìk, ìkì logoino o.

LUKAT 8:18

atì nen he, wene hinasuk holhì lagep mene atì, hanorogo hùthìkì logoino o. It apùnì inagarok werek mene atì re, aike inom sabarogo wogisegein. Meneat he, it aike lek mene atì re, ina'la nen he, Hamùlùgat ya elok werek, akìlì'lùgì mene atì telogo helegein o,” ìlùk yogoisasike.

KALATIA 6:3

Mene re, hat aike hetage lek logolìgat he, “An kain,” ìlùk, ha'la nen akìkì lagen halok he, hokawerek en lalìkì lagen atì.

KALATIA 2:6

It aike ina'la nen he, “Inetagewerek he, it atem,” egarek mene atì nen wene an yogoisìlìk nìgìrek mene a'nogo hobuk hùnogoat yogoisìlìk nìkì logouak en ìlùk yogonetì'legat. Ala nen apùnì inogat etakwe nek eileken isìlìk he, “Yì weak. Yì hano,” ìlùk ikerek lek atì nen, an it atì hesik alebat inetagewerek welagaika mene he a? Lek mene he a, ìlùk, wenesùgì ebetì lagagi lek atì.

MAREKÙT 7:7

Wene apùnì inane meneat he, an nen isigi mene negen yakùlisìlì'lùgì atì nen he, we tùlemat an hogo'nabì'lùgì o, ìlùk isikomo Yesaya nen helal waganogo hesikomo werek atì, hit hesigat isike o.

1 KORÌTÙT 15:2

Hano wene yogohisa wagagi wene atìat hineki ning hogo hesogo logogun halok he, atì baat telhinabì'logo. Atì'nogo meneat he, hit we tùlemat alemarogo hinetaùken Ala oba hìpìrethesigisip welagep halok he, mea o.

MATÌÙT 15:9

Wene apùnì inane meneat he, an nen isigi mene negen yakùlisìlì'lùgì atì nen he, we tùlemat hogo'nabì'lùgì o, ìlùk isikomo, Yesaya nen helal waganogo hesikomo werek atì, hit hesik higit hogoat isike o,” ìlùk yogoisasike.

1 KORÌTÙT 15:15

Nit en Ala abok ìkì logolìk he: “At en he, Karìsùt eluguthesikomo nineileken hasugu,” ìlùk yogoisogorek. Mene re, apùnì wa'larì'mo Ala nen inelugurinabigin lek logoilepma re, at Karìsùt elugutheilep legat o. Nen, at elugutheilep le'ma re, it aike nen he: “Hit en ìkì logolìk, Ala nen atì'nogo hagasikomo nineileken hasugu, ìlùk ìkì lagep atì re, hinera nenat lìbìlogo ìkì lagep,” ìlùk higirat yogoniselep o.

YAKOBÙT 2:20

Hat hebe kepù negen ìkì lagen atì rì! Ala eberogoat ìlùk atì mene nek akìkì logolìk, heki ba leberisìgì'lek halok, we tùlemat akìkì lagen ìlùk enagat hùthanogolùk wene yì yogohesik.

KALATIA 3:4

Ala nen obogat atì'nogo hagathinapenem hasigip mene atì, we tùlemat alema'lasusak nogo? Mea o.

KALATIA 2:9

Atì'nogo hùthinasukwasik he, it Yakobùt mel, Peterùt mel, Yohanet mel, Ala againapùrì nen he, “Nit ninogogì it werek,” ìlùk egarek mene nen he, “Hit en he, wene apùnì etakwe mene yogoisìlìk lano. Nen, nit en he, apùnì inogat inekalìma mene palek mene hesik yogoisìlìk logoin. Ninom hutigat hagatì logouok,” ìlùk he, Parenapat neperak nineki hak-hak hai wa'ninapukwa.

1 KORÌTÙT 3:18

Hinokawerek en hinebe lalagùp o. Hat aike nen he: “An apùnì yoma inawene mene na'la kagalek o,” ìlùk akìkì lagen halok he, ha'la ebe wene atì kagalasuak en he, apùnì inawene atì ha'la abit asuak o.