YAKOBÙT 1:25 - Ala Ane Wene Ket Mene Warogo Wo'ninapike Wene

²⁵ Nit apùnì nineki hele warek negen were'ma, wene hano wene Ala nen ninasuk warogo katok hogo yogonisikerek atì ba hikalninaperek. Halok, sa nen wene atì asuk enek holìk he, lì'mathikerek hùk. We, tùkùm hogo hùthìlìk, oba eberek motok logolìk, wene atì higit hogo hagate halok, yì mene tì mene hagatenem, Ala nen a'la hairogo lebethìkì logogin o.

YAKOBÙT 1:25 ပူးပေါင်းရင်းမြစ်များ

LUKAT 11:28

at Yesùt en he, mel yogosike: “At atì nek lek o. It aike Ala ane atì inasuk holìk higit hogo hagatì logogun halok he, ina'la hai apik hakìkì logouagat o,” ìlùk yogosike.

YOHANET 13:17

An nen wene yogohisìgì atì hinelu arìk hagatì logogun halok he, hina'la hai hakìkì logogun o.

1 PETERÙT 2:16

Atì'nogo logolìk, hit en he, “Nit weak mene awe a'ma were'ma, Ala nen hele hikalogo ninalepma hinasikomo welago,” ìlùk, weak aike hinagasogo hagatì logogùp. We, hinoabùt Ala atìtigeke logolìk hagasusak mene higit hogoat hagatì logoino o.

YAKOBÙT 2:12

Ninebe nineki hele warek negen were'ma, Ala ane atì baat hikalogo hiaikerek atì. Wene atì baat ninanema wanigin o, ìlùk, hinane higit hogo ìgìk, hineki nen higit hogo hagatìk, ìkì logoino o.

KALATIA 5:1

Nit Karìsùt en ninalepma hinasikomo yogotak ninalepma welago. Atì nen he, yì mene tì mene ekin weak mene it apùnì inatitigeke mene nen e pok hogo wolok loagalùk inomolo ba hagarek hak, ekin mene atì hobuk hinoba heinogo ìlùk, ning hogo metek logoino.

1 KORÌTÙT 15:58

Atì nenat, nerùgì nagaiya'lak. Hinebe netawì. Hinetaùken wurik hogo, hapuk hogo logoino. Ninoe Etagepogot ninom hutik logolìk he, at hesik yì mene tì mene hagatenem alema'lasigin lek o, ìlùk, hùkorogo hagato motok logoino o.

1 TIMOTÌÙT 4:16

Atì'nogo hagatì logolìk, hokawerek hesik inom, it apùnì aike yakùlisìkì lagen mene hesik inom, hoabùt hebelogo logoino. Hebelogo logolìk, ha'la pùk agì'lek, atì meneat hagato motok logoino. Atì'nogo hagatì logogin halok he, hokawerek en hebe telìgìk, apùnì aike hane holì'lùgì mene inebe telinapìk, igin o.

2 KORÌTÙT 13:5

Hit en he, “Nit ninetaùken Karìsùt oba hìpìrethesugu a'nogo hìpìrìgat welago a? Lek a,” ìlùk hinokawerek en hinoabùt tùkùm hogo palano. Atì'nogo palìkì logolìk, mea haga'lagì'lek halok, “Yesùt Karìsùt nina'la werek,” ìlùk enagat hogoin o.

ÙRÙM 11:22

Ala oabùt he, hano inom, weak inom, welagarek atì hani! It alema'lagaukwa mene hesik he, oabùt weak atì. Nen, hit at oabùt hano mene hinom hutik logogun halok he, oabùt hano atì. Mene re, atì'nogo hutik logogun lek halok he, hit atì'nogoat palogo lakhikegein o.

KALATIA 2:4

Atì'nogo meneat he, it aike meneat he, ninagaiya'lak Ala againapùrì mene negen haga'larìk hinagasogo ki wìrìk he, ogat ekalìma mene paluagalùk isukwaat. Atì'nogo hinagasogo ki wìrìk he, nit Karìsùt ninom omakeat arìk ninalepma logolìk ninoabùt hagatorek mene atì, it en he, “Ero nìkì'nogo nen haga'lagaikasik hagarì'lùgì,” ìlùk ero herasuogolùk ki wagaukwa atì. Atì'nogo herakìlìk inawe a'ma hinìlìk, it hagatarek mene atì hagatì logouagalùk ineileken nisa ki wagaukwa atì.

YOHANET 8:36

Atì hak he, an Ala ebe aput en, hit hele hikalogo hinalepma hikìgì halok, eberogoat hele hikalek hinalepma logogun o,” ìlùk yogoisasike.

ABÌKAKAN 14:13

Wene atì'nogo ikenem holhìrìk oba nen, opolik he, pogot oba nen ane mel yogonetenem nasuk holhì: “Yogotak apùnì ninoe Etagepogot inom hutik logolìk, at hesik hano hagatenem inoasugun mene, ina'la motok hai hakogoin o, ìlùk helal waganogo heino o,” ìlùk yogonetenem Ala Areagùn pogot oba nen ane hùkorogo mel yogonete: “Atì eberogoat o. It apùnì atì Yesùt hesik set kwìl-kwal hogo hagatì lagaukwa mene atì, ebe hagasukwa mene wolok logoin atì nen, set hano walogoin o,” ìlùk yogonetenem nasuk holhì.

1 TIMOTÌÙT 2:15

Atì'nogo meneat he, it hìmì inetaùken Ala oba hìpìrethìlìk he, inebe Ala hesik hisìlìk tegelek logolìk, apùnì aike inetawìrinapìk, ineil lopok hogo hagatìk, ìkì logogun halok he, omalik taginapenem, Ala nen telinabiginat o.

ÙRÙM 7:12

Wene Ala nen ninasuk wasike wene atì re, Ala aneat o. “Yì'nogo hagasusak lek, tì'nogo hagasusak lek,” ìlùk ninasuk wasike wene atì ebe lopok he, at aneat o. Wene atì higit hano motok isike ù.

LAKSASIKE 26:22

Noasuogolùk isukwa meneat he, Ala nen ha'narek motok were'ma, an yogotak yoma metek logolìk hit ap kaintek mei, hinagoromì mel, wene an nen yogohisìkì lagì yì. Wene yì re, hageat en, it ap Ala ane yogoisìkì lagaukwa mene nen mel, at Musa nen mel, Hobuk tì'nogo haga'lasigin, ìlùk isukwa meneat yogohisìkì lagì o.

LAKSASIKE 13:43

Yogoisasukwama, it sapan ìkì lagaukwa ba nen wùlùpukwasik laganem he, it apùnì Yahuri mene mel, etakwe mene Ala ane wanhukwasik Yahuri mene negen welagaukwa mene mel, inebe logolegat inopon lagaukwa. Lagaukwama, it Paùlùt Parenapat eperak en he, mel yogoisasukwa: “Ala oabùt hano nen haga'ninaperek mene atì, hinetaùken tùlem logolìk hagatì logoino o,” ìlùk inasuk wasukwa.

IBERANI 12:15

Apùnì hit mene aike Ala oabùt hano nen wo'nisikerek mene atì heraksalùk wùlùpenem he, alealeka hulelek were'ma, hano mene oba arìk alethikerek atì hak, at atì nen apùnì obogat weagarinabinogo ìlùk hineileken hanorogo logoino o.

LAKSASIKE 2:42

Inom lapuk hogo hanoat logolìk he, it ap Yesùt en weteberogo inayoko hìlìk laksasike mene amanogo nen wene yakùlisikenem hutik-hutigat inasuk holhik, sùpùrùk inom kùrogo nìkìk, sapan inom ìgìk, ìkì lagaukwa.

ABÌKAKAN 22:14

Nen, it aike inasu hanorogo sobalogo hakìlìk logogun mene hùgì nek he, Ala nen hanorinapenem ina'la hai hakìlìk, e eken nikenem inelugurinaperek mene a'nogo eken nìkìk, nen o kota atoma kwe ape palekkwe nen wùlhìk-kìgìk, ìkì logouogolùk esewerek arìk logogun.

1 YOHANET 2:24

Nen, hit he, wene alebat hinasuk holhigip mene atì, hina'la Wìlìk he, eberek motogat logoino. Atì'nogo logogun halok he, hinebe ninopase Ala aput Yesùt eperak hinom hutik logogun o.

KOLOSE 1:23

Halok he, hano wene hinasuk holhigisip he, hina'la nen, “Hobuk hano asigin,” ìlùk, akasigip mene atì, hinetaùken abolok ìlìk kopologo hebìgì'lek ning hogoat hesogo logoino. Hano wene atì, at en o yì awi tì awi apùnì inebe obogat yogoisasike wene atì yogoisìlìk nìkì logouagalùk, an Paùlùt nayoko hesike atì.

ÙRÙM 2:13

Wene Ala nen ninasuk wasike wene a'nogo inelu atì ba, ùkùm inoba mene korogo wokhikerek hùk. We, wene ebe ninasuk wasike mene higit hogo hagatarek mene halok, ùkùm inoba mene korogo wokhikerek o.

ÙRÙM 8:2

An alep he, weak hagataresik elùgùn oba inebe motok wa'lagaikarek atì mene nen hele warogo negen ha'narek welagaike. Atì'nogo were'ma, hobuk Ala Areagùn nen Karìsùt Yesùt ninom hunogo hinìkì logolìk ninelugu'ninaperek a'nogo nen hele hikalogo hanhikomo welagì.

KALATIA 6:2

Hit-hit hinoba ekin aike werek halok, hinebe lopok aike nen aike lebet-lebet ìkì logoino o. Atì'nogo hagatì logogun atì ba nen, wene Karìsùt en ninasuk warogo yakùlnisasike wene a'nogoat higit hogo hagatì logogun atì.