YAKOBÙT 1:19 - Ala Ane Wene Ket Mene Warogo Wo'ninapike Wene

¹⁹ Nerùgì nagaiya'lak. Hinebe netawì e. Wene yì hina'la eberek logoino o. Hinebe lopok wene hinasuk hepok holìk he, hinane ba nen erogat ìgìk, hina'mage lagai waganem hinetaùken sebelogo logopik en erogat ìgìk, ìkì logoino o.

YAKOBÙT 1:19 ပူးပေါင်းရင်းမြစ်များ

EPESÙT 4:26

Hina'mage lagaike halok, weak hagatùp. Hina'mage ìlìgìk were'ma, Ibilit en hina'la kagalinogo ìlùk, o mo eileken kopok hogo kìgì'lek werek kolek, sagalogo lìogora'no o.

KOLOSE 3:8

Atì'nogo meneat he, yogotak hit hinoabùt aike yì mene obogat heraksasagat. Ina'mage lagaikerek atì mel, ina'makwe heperikerek atì mel, it aike weagarinaparek atì mel, inape ba re, inabok weak palhìk, weak hagatarek mene asegen sabok ìgìk, egarek atì mel, heraksìkì logoino.

EPESÙT 4:31

Inane aik weak ìgìk, ina'makwe heperìgìk, ina'mage lagalìk, inane uarek-puarek wene palhìk, inapeliak inabok weak palhìk, egarek mene atì heraksìkì logolìk he, weagarinaparek mene inom obogat heraksìkì logoino o.

KOLOSE 3:15

At Ala nen Karìsùt ebe omakeat mene hinom lapuk hogo hutik logouageip ìlùk hinayoko hesike atì nen, yì hesik tì hesik hagasuogolùk, hina'la nen he, “Karìsùt en ninom lapuk hogo hinasikomo welago,” ìlùk, wene atìat esinethìkì logolìk he, higit hogo hagatì logoino. Atì'nogo hagatì logolìk, Ala ebe hai watì logoino.

MATÌÙT 5:22

Mene re, an nen wene aike yì yogohisak. Hat sa nen hagaiyak hesik ha'mage lagaiko halok he, wene aike hoba hegein werek o. Nen, hat sa nen hagaiyak aike yogotì logolìk he, Hat he, hebe kepù yì rì! ìlùk iko halok he, it ap wene ero pìlìngìtare'ma atoma wokharek lìlìk, ùkùm hoba hogoinat o. Nen, hat sa nen, Hat he, hetaùken motok lek yì rì! ìlùk iko halok he, wene hoba hìlìk etu aik api'mo lakhagagin o.

YAKOBÙT 1:26

Nen, sa nen, “An Ala awe a'ma logolìk higit hogo hagatì lagì,” ìlùk, akìkì logolìgat he, ane elùgùn ware'lek yùgùn-yagan ikerek halok, okawerek en lalìkì logolìk, Ala a'la hanorogo hagatì lagì salek, we tùlemat hagarì'logo o.

1 TESALONIKA 2:13

Nit en wene Ala ane a'nogo yogohisasugumo, hit en he, “Wene atì apùnì inane mene lek o. We, Ala aneat o,” ìlùk wanhìgip atì re, eberogoat Ala aneat wanhìgip o. Ati nen nit kamo ìgì'lek Ala hai wato motok welago. At Ala nen hit hinetaùken Karìsùt oba hìpìrethesigip mene hùgì hina'la kagalho motok welagarek o.

LAKSASIKE 17:11

It apùnì Yahuri o Perea mene inoabùt he, apùnì o Tesalonika mene ina'la pùk welagaukwa atì hak he, lek. We, it he, wene akìlùk hogo wanhì logolìk, “Wene ike atì eberogoat a? Mel a,” ìlùk, Ala ane helal waganogo hesukwa mene a'nogo ninhùp-nanhùbat etage salogo tùkùm hogo hìthìkì lagaukwa.

LUKAT 19:48

Atì'nogo abok palhì lagaukwa meneat he, it apùnì hùkokwe re, at Yesùt ane ikenem inasuk hologo motok welagaukwa atì nen he, at ebe nìkì'nogo wasu heat haga'lagaike.

MAREKÙT 2:2

Inasuk holìlùk he, apùnì inebe logolegat atogosi wagaukwa. Wagaukwama re, ouma peserogo re, seleponmakwe inom pese isikomo re, hano wene a'nogo yogoisasike.

LAKSASIKE 10:33

Atì nenat, an neki aike welagì'legat he, ap aike hayoko hoba laksìgìma, hat hoabùt hano nen kamo ìgì'lek hano wagen, noe. Nit obogat yogotak Ala eilhanem welago yoma re, ninoe Etagepogot en, Wene yogoisano, ìlùk yogohete mene, wene atì obogat ninasuk holuogolùk welago, noe,” ìlùk yogosike.

LAKSASIKE 2:42

Inom lapuk hogo hanoat logolìk he, it ap Yesùt en weteberogo inayoko hìlìk laksasike mene amanogo nen wene yakùlisikenem hutik-hutigat inasuk holhik, sùpùrùk inom kùrogo nìkìk, sapan inom ìgìk, ìkì lagaukwa.

LUKAT 15:1

Atì'nogo yogoisasikesik, hobuk ineki aike sapùl he, it ap pemerintah hesik uang kìno ilik atogotarek mene mel, weak hagatarek mene mel, inebe obogat Yesùt ane inasuk holuogolùk he, ha wagaukwa.

1 YOHANET 2:21

An nen wene helal waganogo hinoba lakhei wagì atì re, ebe wene hinokot en hùk. Hinelu welagep atì nenat lakhei wagì o. Nen, inapeliak egarek atì ero re, Ala ebe mene nen hùk. Ero hunigat, ìlùk hineluat o.

LAKSASIKE 13:48

Atì'nogo yogoisikenem he, it apùnì etakwe mene inasuk holhukwasik, it en he, “Ninoe Etagepogot en wene atì hano motok isikomo hìgì,” ìlùk hogorasukwasik ina'la hai hakasukwa. Ina'la hai hakìlìk, Ala nen it nabùlal-habùlal hagarinabigìlùk wenaginapike mene hùgì nen, “Wene atì eberogoat,” ìlùk hùthasukwasik wanhukwa.

MAREKÙT 12:37

At Taùt okawerek en Karìsùt ebe hesik, An noe Etagepogot, ìlùk isike meneat he, hit en, Karìsùt atì Taùt en tagokwe mene o, ìlùk nìkì'nogo nen usak akegep. Atì'nogo usak mea o,” ìlùk yogoisasike. Wene atì'nogo yakùlisikenem it apùnì logolek amanogo, at ane holhlì logolìk he, ina'la hai hakìkì lagaukwa.

LAKSASIKE 1:15

Atì sat, Ala againapùrì aike inom inebe 120 hake atogorek logolìk, at Peterùt ina'la mel agaikesik he, wene mel yogoisasike:

YAKOBÙT 1:2

Nerùgì nagaiya'lak. At Ibilit en hina'la kagalìgìlùk yì ùkùm tì ùkùm hinoba hikenem hina'la hai hakìkì logoino o.

YAKOBÙT 1:16

Nerùgì nagaiya'lak. Hinebe netawì e. Hinokawerek en hinebe lalanogo ìlùk yogohisìgì atì.

YAKOBÙT 2:1

Nerùgì nagaiya'lak. Hinetaùken ninoe Etagepogot Yesùt Karìsùt hogoratarek mene a'nogo oba hìpìrìk logolìk, apùnì inogat etakwe nek hineileken isìlìk he, aike hinelokoma hisìgìk, aike hinapotma hisìgìk, ìkì logogùp o.

YAKOBÙT 2:5

Nerùgì nagaiya'lak. Hinebe netawì e. An wene igin yì hinasuk holino. It apùnì kweangma inagarok lek mene atì, Ala nenat wenaginapì logolìk he, “Inagarok apik hogo logou hak, inetaùken an noba hìpìrìk logouak. Nen, it an nebe inetawì mene hùgì, o an nen nawe a'ma hisikenem logogun oba atoma esewerek asugun ìlùk wene warisasigi mene atì, irat esewerek asuak,” ìlùk wenaginapike.

YAKOBÙT 3:10

Ero ninape omakeat atì nenat, Ala hogoratìk, apùnì homan hisìgìk, ogorek atì. Nerùgì nagaiya'lak. Atì'nogo hagasusak lek meneat hagatorek o.

YAKOBÙT 4:11

Nerùgì nagaiya'lak. Hit-hit hinabok pal-pal ìkì logousak lek. Hinerùgì hinagaiya'lak aike inabok palhìk, ùkùm inoba hìgìk, egep halok he, wene Ala nen ninasuk wasike wene a'nogoat weak ìlùk u hagat ìkì lagep atì. Nen, wene atì weak ìlùk ìkì lagep halok, wene atì hinasuk hologo hagatì lagep hùk. We, hit en he, “Wene atì weak. Ebe hano re, tì'nogo usak mene isikomo,” ìlùk u hak ìkì lagep atì.

YAKOBÙT 5:12

Nerùgì nagaiya'lak. Wene aike esin mene yì yogohisak. Ala nen ùkùm hinoba heinogo ìlùk he, hit en pogot oba mene aike etage palhìk, kweangma mene aike etage palhìk, hùnogoat mene aike etage palhìk, hopuk palhì logogùp o. We, “Ì o,” uogolùk halok he, kasuk hogo “Ì o,” at usak. Nen, “Lek o,” uogolùk halok he, kasuk hogo “Lek o,” at usak.

YAKOBÙT 5:19

Nerùgì nagaiya'lak. Hinerùgì hinagaiya'lak aike ebe wene heraksalùk kwanìrogo nong asi laga halok, hit aike nen hobuk apotkwe Ala oba wolok wesugun atì hesik,