YAKOBÙT 1:17 - Ala Ane Wene Ket Mene Warogo Wo'ninapike Wene

¹⁷ Ninopase Ala pogot oba mene a'nogo nenat yì mene tì mene lorek mene wo'nisìgìk, hano motok mene wo'nisìgìk, pela'nisa wagarek atì. At enat pogot obakwe lìa welagarek mene atì elalhikesik he, at ebe hùnogoat haga'lagìk, abel etenogo mùm agìk, lìa agìk, ikerek lek.

YAKOBÙT 1:17 ပူးပေါင်းရင်းမြစ်များ

YOHANET 3:27

Atì'nogo yogosukwama, at en he, mel yogoisasike: “Ap sanì. Nagoromì. Ap aike Ala nen yogotì'le'ma, at okawerek a'la nen kagalogo elok hagasusak mea o.

MATÌÙT 7:11

Hit hinoabùt weak hagatesep meneat he, inagainapùrì hano mene wogisagarek atì hinelumo re, hano mene wogisegesep o. Atì hak he, hinopase Ala pogot oba mene atì re, kìno yogosugun mene hùgì motok hano mene wogisegein lek nogo? Wogisegeinat o.

IBERANI 13:8

At Yesùt Karìsùt ebe re, o holo nen, yogotak en, esok motok welagarek atì hak, hobuk atì'nogoat esok motok logogin o.

YOHANET 8:12

Hobuk he, at Yesùt en it apùnì amanogo wene aike mel yogoisasike: “Apùnì lìarinapìrek atì, anat o. Sa nen an nopolik nìkì logogin halok he, an nebe lìa logolìk inelugurinapìrek mene a'nogoat wo'nabigin atì nen he, at atì o mùmmo nìkì logogin lek o,” ìlùk ìkì lagaikomo,

1 YOHANET 1:5

Ala aput en yogonisìkì logolìk he: “Ala ebe re, lìa atìat ma re, o mùm at oba welagarek motok lek,” ìlùk yogonisasike mene, nit ninasuk arat holhugu mene yogohisìkì lago atì.

YAKOBÙT 3:17

Atì'nogo meneat he, apùnì Ala nen ina'la kagalhenem, inoabùt esin hagatarek he, weak aike hagatì'lek ineil lopok hogo welagaikarek atì. Atì'nogo logolìk, apùnì aike inom lìok hogo welagìk, inoabùt enago welagìk, inane hologo hagatìk, e eken hano mene ìterek atì hak, hanorogo hagatìk, apùnì inetawìrogo motok welagìk, apùnì aike inelokoma hisìgìk, aike inapotma hisìgìk, ìgì'legat, inetaùken pìre welagì'legat, hanorogo hagatarek atì.

EPESÙT 2:8

Hit hinetaùken at oba hìpìrethikenem he, at oabùt hano a'nogo nen telhinapikomo welagep atì, ero hinokawerek en telegep hùk. We, yì mene tì mene oko legat wogisagarek hak, at Ala nenat telhinapikomo welagep atì.

LUKAT 11:13

Hit hinoabùt weak hagatesep meneat he, inagainapùrì atì hano mene wogisagarek hinelumo re, hano mene wogisegesep atì. Ati hake, hinopase Ala pogot oba mene yogotì logolìk, Hareagan atì wo'nisan o, ìlùk, kìno yogotep halok he, wokhisegein lek nogo? Wokhisegeinat o,” ìlùk yogoisasike.

1 KORÌTÙT 4:7

“It aike atì mea mene re, aike atì nek he, esin motok, ìlùk ìkì logoino,” ìlùk sa nen yakùlhisasikomo ìkì lagep. Hit hinagarok yì mene tì mene helìkì lagep atì, Ala nenat wokhisikerek lek nogo? At enat wokhisikerek o. Atì'nogo wokhisikenem helìkì lagep meneat he, hit en elalhep mene salek hinokawerek en hogorakìkì lagep atì nenahalok.

1 YOHANET 4:10

It aike inetawìrinaparek atì ebe re, nit en Ala ninetawìrasugu hùk, lek o. We, at Ala nen nit etawì'ninapikesik, at en nit weak hagatorek mene sagalogo legetsìlìk ho'ninabuagalùk, aput ninoba pelakhei wagaike atì.

EPESÙT 1:18

At enat hina'la lìathinapenem, hit en he, “Ninayoko hesike mene a'nogo nen hobuk hano'ninabigin,” ìlùk, hina'la hairogo oba eberek welagep mene a'nogo hinelu agìk, yì mene tì mene hano mene hogorato motok logogun mene at againapùrì wo'nisagalùk hùkorogo hologo hinasike mene atì, hinelu agìk,

YOHANET 1:9

At lìa ebe mene atì, kweangma yoma waga logolìk, nit apùnì obogat ninebe lopok lìa'ninabi wagaike.

ABÌKAKAN 21:23

Nen, o kota atoma Ala apopok yatìk, Topa Eak a'nogo esage hake yatìk, lìarogo yato kolek nogo nen he, mo mel, tugi mel, yatì logousak legat welaga hìgì.

2 KORÌTÙT 4:6

At Ala nen ìkì logolìk he: “O mum atì a'la nen lìa a'nìk,” ìlùk isike atì hak, at enat nit nina'la mùm mene atì lìa'ninapikomo welago. Atì'nogo logolìk, at Karìsùt elokoken apipin yatenem nineileken lakhìlìk he, at Ala hogoratarek mene a'nogo ebe atìgìnìk ìlùk hùthìkì logouagalùk atì'nogo lìa'ninapike atì.

ABÌKAKAN 22:5

Nen, Ala ebe apopok it inebe lìarinapo kolek nogo nen he, a hùako legat, nen esage mel, mo mel, yatì logousak legat, werek kolek, it kaintek inetagepogot logolìk, apùnì aike inawe a'ma hisìlìk hagisek moto'-motok logogun isìgì o.

YAKOBÙT 1:5

Mene re, at Ala oabùt hano nen apùnì obogat etawì logolìk wenagisìgì'lek wogisikerek atì nen, hit aike hina'la kagale'lek halok, at kìno yogosumo hina'la kagaliginat o.

ÙRÙM 6:23

Weak hagatarek atì oko re, wa'lagaikarek atì. Nen, ninoe Etagepogot Yesùt Karìsùt ninom hutik were'ma re, Ala oabùt hano nen oko legat nineluk motok logouagalùk haga'ninaperek atì.

YAKOBÙT 3:15

Atì'nogo hagatarek atì re, Ala nen ina'la kagalhenem hagatarek hùk. We, ero at Ibilit enat ina'la kagalhenem apùnì kweangma mene inoabùt inesogat logolìk walok akagarek mene hagatarek o.

PILIPI 1:29

At Ala oabùt hano nen, hit hinetaùken Karìsùt oba hipìrethouagalùk enek hinayoko hesike hùk. Lek o. At hesik yì aik tì aik hìkì logouagalùk hinayoko hesikeat o.

LAKSASIKE 11:18

At Peterùt en atì'nogo yogoisasikomo, it en wenagatì lagaukwa a'nogo re, hobuk kamo ìlìk mel isukwa: “Halok he, Ala oabùt hano nen, nit haga'ninaperek hagat, it apùnì etakwe mene inoabùt hebelaganem ineluk motok logouagalùk elok hagarinabusagat hìgì,” ìlùk Ala hogorasukwa.

LAKSASIKE 5:31

Eluguthikomo werek atì, apùnì Isirael mene weak hagarì'lùgì mene atì heraksìlìk inoabùt hebelasumo re, Ala nen it weak hagatarek mene atì sagalogo legetsagalùk, Yesùt ebe eluguthikesik he, at ebe ninoe Etagepogot logolìk telninapì logouagalùk era'lu menhikomo werek atì.

YOHANET 3:3

Atì'nogo yogosikomo, at Yesùt en he, mel yogosike: “Apùnì Ala nen inebe hobuk inapotkwe taginapì'lek halok he, at awe a'ma hisikere'ma atoma ineileken hogoin motok lek o, ìlùk, nane eberogoat yogohetì lagì,” ìlùk yogosikomo,

1 TIMOTÌÙT 6:16

Nen, at ebe wa'lagì'lek esok motok welagarek he, at aligat o. At ebe o lìa ba motok were'ma, ineileken siluk pabuk ìlìk, oba horok hogo lasak mea. At ebe apùnì aike nen ineileken hìgì'legat. Atì'nogo hasak mea. Omame motok logogin mene atì, hogorato motok logouok o, ìlùk “Amin,” ìgì atì.