YAKOBÙT 1:16 - Ala Ane Wene Ket Mene Warogo Wo'ninapike Wene

¹⁶ Nerùgì nagaiya'lak. Hinebe netawì e. Hinokawerek en hinebe lalanogo ìlùk yogohisìgì atì.

YAKOBÙT 1:16 ပူးပေါင်းရင်းမြစ်များ

MATÌÙT 22:29

at Yesùt en he, mel yogoisasike: “Hit he, Ala ane helal waganek atì mel, Ala omame atì mel, hinokot logolìk, hinane kolo egep atì.

MAREKÙT 12:24

at en he, mel yogoisasike: “Hit he, Ala ane helal waganek atì mel, Ala omame atì mel, hinokot logolìk, hinane kolo egep atì.

MAREKÙT 12:27

At Ala re, apùnì warek mene inopase hùk. Ineluk mene inopase o. Atì'nogo meneat he, hit hinane kolo motok egep atì,” llilk yogoisasike.

LAKSASIKE 1:15

Atì sat, Ala againapùrì aike inom inebe 120 hake atogorek logolìk, at Peterùt ina'la mel agaikesik he, wene mel yogoisasike:

1 KORÌTÙT 6:9

Apùnì weak hagarì'lùgì mene Ala awe a'ma hisikere'ma atì esewerek asugun lek o, ìlùk he, hinokot nogo? Hinokawerek en lalagùp. Pailak haksagarek mene mel, tùgì hareken oba hìpìrìk logolìk hogoratarek mene mel, ap inagagwì mene pailak haksagarek mene mel, ap en hìmì haksagarek hak it ap-ap haksagarek mene mel,

KALATIA 6:7

At Ala lal-pal hogo yogosusak nogo? Motok lek o. Mene re, “Atì'nogo yogosusak elogat,” ìlùk akogoin halok, hinokawerek en lalogoin o. Apùnì nen yì mene tì mene awì yatarek mene, eken atì meneat wurik aganem, ebe palharek atì hak,

PILIPI 2:12

Nerùgì nagaiya'lak. Hinebe netawì e. An ninom logolìk, nane ninhùp-nanhùbat ikenem hologo hagatì lagagip atì hagat, an yogotak nebe walegat werek kolek, nane atìat esinethìlìk he, hologo motok hagatì logoino. At Ala nen, hit en hagatì logouageip ìlùk, hina'la kagalogo hagathinapenem, hit hina'la nen he, “Ì, nit atì'nogo hagatì logou walok,” ìlùk ìlìk, Ala a'la walok mene hagatì lagep atì nen, at ebe hinayùk hogo hinoagelekwe lei'-leik ìkì logolìk, “At en telninabigin,” ìlùk atì hesigat hagato motok logoino.

PILIPI 4:1

Ati nenat, nerùgì nagaiya'lak. Hinebe netawì e. Ninoe Etagepogot hinom hutik ning hogoat logoino. Hit hinoabùt hagatì lagep oba an na'la hai hakìgìk, hogorakìgìk ìkì logolìk, hinoba wìrìk nebe ninom logoilo e, ìlùk, akìkì lagì.

KOLOSE 2:4

It aike inapeliak meneat he, inane eberogoat salek lalhinabinogo ìlùk yogohisìgì atì.

KOLOSE 2:8

Atì'nogo iko were'ma, apùnì aike ina'la kagalek mene salek, wene we mene inapeliagat yogohisìkì logolìk, lalhinabinogo ìlùk he, hinoabùt hebelogo logoino. Wene atì re, Karìsùt en isike mene higit hogo ìlì'lùgì hùk. We, apùnì ta'larìk waga kolek, inopalak en he, “O yoma yì mene tì mene hìpìt he, mokareke inoabùt weak mene atìat o,” ìlùk ìkì lagaukwa mene higit hogo lalhinabì'lùgì atì.

2 TIMOTÌÙT 2:18

ebe wene heraksalùk kwanìrogo wùlìbìk, it en he, “Ala nen apùnì warek mene inelugurinabigin ìlùk abok isike a'nogo arat haga'lagama yì,” ìlùk, it aike yogoisikenem, inetaùken Ala oba hìpìrìk werek mene weagarinabì'lùgì atì.

IBERANI 13:1

Nerùgì nagaiya'lak. Ala againapùrì hinebe omakeat mene negen netawì-hetawìrogo hagatesep mene atì, atì'nogo hinom hutigat hagatì logoino o.

YAKOBÙT 1:19

Nerùgì nagaiya'lak. Hinebe netawì e. Wene yì hina'la eberek logoino o. Hinebe lopok wene hinasuk hepok holìk he, hinane ba nen erogat ìgìk, hina'mage lagai waganem hinetaùken sebelogo logopik en erogat ìgìk, ìkì logoino o.

YAKOBÙT 1:2

Nerùgì nagaiya'lak. At Ibilit en hina'la kagalìgìlùk yì ùkùm tì ùkùm hinoba hikenem hina'la hai hakìkì logoino o.

YAKOBÙT 2:1

Nerùgì nagaiya'lak. Hinetaùken ninoe Etagepogot Yesùt Karìsùt hogoratarek mene a'nogo oba hìpìrìk logolìk, apùnì inogat etakwe nek hineileken isìlìk he, aike hinelokoma hisìgìk, aike hinapotma hisìgìk, ìkì logogùp o.

YAKOBÙT 2:14

Nerùgì nagaiya'lak. Hit aike nen, “Netaùken Ala ba hìpìrìk welagì o,” ìlùk ìkì logolìgat he, heki ba nen apùnì aike leberisìgì'lek halok he, hane nek, “Netaùken Ala ba hìpìrìk welagì,” ìlùk ìkì lagen atì ba aike haga'lasigin nogo? We, tùlemat ìkì lagen o. Nen, hetaùken enek atì'nogo hìpìrìk logoumo re, atì ba elok telhabigin nogo? Mea o.

YAKOBÙT 2:5

Nerùgì nagaiya'lak. Hinebe netawì e. An wene igin yì hinasuk holino. It apùnì kweangma inagarok lek mene atì, Ala nenat wenaginapì logolìk he, “Inagarok apik hogo logou hak, inetaùken an noba hìpìrìk logouak. Nen, it an nebe inetawì mene hùgì, o an nen nawe a'ma hisikenem logogun oba atoma esewerek asugun ìlùk wene warisasigi mene atì, irat esewerek asuak,” ìlùk wenaginapike.

YAKOBÙT 3:1

Nerùgì nagaiya'lak. Nit gurulak weak hagato halok he, hobuk Ala nen apùnì aike inanema waganogo ùkùm hamùlùgat negen inoba hegein meneat he, nit enek he, ùkùm hùkeat ninoba hegein hinelu atì nen, hinebe logolegat guru asuogolùk akagùp o.

YAKOBÙT 3:10

Ero ninape omakeat atì nenat, Ala hogoratìk, apùnì homan hisìgìk, ogorek atì. Nerùgì nagaiya'lak. Atì'nogo hagasusak lek meneat hagatorek o.

YAKOBÙT 4:11

Nerùgì nagaiya'lak. Hit-hit hinabok pal-pal ìkì logousak lek. Hinerùgì hinagaiya'lak aike inabok palhìk, ùkùm inoba hìgìk, egep halok he, wene Ala nen ninasuk wasike wene a'nogoat weak ìlùk u hagat ìkì lagep atì. Nen, wene atì weak ìlùk ìkì lagep halok, wene atì hinasuk hologo hagatì lagep hùk. We, hit en he, “Wene atì weak. Ebe hano re, tì'nogo usak mene isikomo,” ìlùk u hak ìkì lagep atì.

YAKOBÙT 5:12

Nerùgì nagaiya'lak. Wene aike esin mene yì yogohisak. Ala nen ùkùm hinoba heinogo ìlùk he, hit en pogot oba mene aike etage palhìk, kweangma mene aike etage palhìk, hùnogoat mene aike etage palhìk, hopuk palhì logogùp o. We, “Ì o,” uogolùk halok he, kasuk hogo “Ì o,” at usak. Nen, “Lek o,” uogolùk halok he, kasuk hogo “Lek o,” at usak.

YAKOBÙT 5:19

Nerùgì nagaiya'lak. Hinerùgì hinagaiya'lak aike ebe wene heraksalùk kwanìrogo nong asi laga halok, hit aike nen hobuk apotkwe Ala oba wolok wesugun atì hesik,