YAKOBÙT 1:14 - Ala Ane Wene Ket Mene Warogo Wo'ninapike Wene

¹⁴ Atì'nogo meneat he, ninebe lopok ninokawerek nina'la nen yì mene tì mene walok weak akogorek atì nenat ninebe wo'ninapìk, mìmìngì'ninapìk, ìkì logolìk, nina'la kagalherek atì.

YAKOBÙT 1:14 ပူးပေါင်းရင်းမြစ်များ

EPESÙT 4:22

Alep he, hina'la yì walok tì walok akìkì lagagip atì nen lalhinapenem he, hinebe alema'lakìkì lagagip atì nen he, hinoabùt alep mene atì heraksano o.

MATÌÙT 15:18

Mene re, wene inape ba nen wulaparek atì re, ina'la nen kagalogo lagai wagarek atì nenat inebe weagarinaperek o.

IBERANI 3:13

Hit aike weak hagatì logolìk hinokawerek lalogo hinetaùken omame asinogo ìlùk Ala ane ba, “O yogotak ya ba,” ìlùk isike atì lek agì'lek werek kolek, hit-hit ninhùkwe-nanhùkwe hinetaùken ago wat-wat ìkì logoino o.

ÙRÙM 7:13

Halok he, wene atì hano motok isike mene atì nen an nebe wa'lagagi nogo? Motok lek o. Weak hagatarek atì nenat o. Weak hagatarek atì nen, hano mene atì ba warogo hanhikomo re, enagat agaike. Wene Ala nen ninasuk wasike atì baat he, inoabùt weak hagatarek atì motok weak, ìlùk enagat haga'lagaike atì.

MATÌÙT 5:28

Meneat he, an nen wene yì yogohisak. Ap sa nen, he aike eileken lakhìlìk he, a'la nen he, Eige. An he atì pailak hakheile e, ìlùk akike halok, a'la nen pailak eberogoat arat hakhike o.

ÙRÙM 7:11

Ala nen ninasuk wasike wene atì ba re, weak hagatarek atì na'la kagalogo re, lalnapikesik he, nebe noasike atì.

MATÌÙT 15:20

Wene ina'la nen kagalogo lagai wagarek atì nen inebe weagarinaperek. Mene re, ineki bakwe horatì'lek sùpùrùk nekarek atì nen weagarinaperek lek o,” ìlùk yogoisasike.

MATÌÙT 4:1

Ima pelakhesikomo re, Yesùt Ibilit en a'la kagaluagalùk he, Ala Areagùn nen wolok o leimo apùnì le'ma atoma lagaike.

YAKOBÙT 1:13

At Ala weak hagasuagalùk apùnì nen a'la kagalharek lek. Nen, at en hogo re, apùnì aike weak hagasuagalùk ina'la kagalherek legat atì nen he, hit aike hina'la nen he, “An weak hagasuagalùk Ala nenat na'la kagalì'logo,” ìlùk akasak mea.

YAKOBÙT 1:15

Hobuk nina'la nen yì mene tì mene walok weak akogorek mene atì, hìmì nen omalik taginaparek atì hak, nina'ma aga halok, eak tagasogo weak hagatorek atì. Nen, weak hagatorek mene atì wurik aga halok he, eak tagasogo ninebe wa'lagorek atì.