YAKOBÙT 1:10 - Ala Ane Wene Ket Mene Warogo Wo'ninapike Wene

^10-11 Mene re, mo aninirogo yatì logolìk, e eka sawet agìk, eken lologo pìlìk elokoken weak agìk, ikerek hak, atì'nogoat he, it kaintek inagarok apik mene atì, yì mene tì mene oan hagato were'ma inebe lek asugun mene werek atì nen he, hit aike hinagarok apik hinebe kainat logolìk, e eken lologo pikerek atì hak, “An nagarok apik yì lek asiginat o. Ala nen netage sebelogo hanhomo welagì,” ìlùk, hina'la hai hakasagat o.

YAKOBÙT 1:10 ပူးပေါင်းရင်းမြစ်များ

1 PETERÙT 1:24

Atì, Ala ane mel ìlùk helal waganek werek hak: “Apùnì obogat he, inebe e eka hakeat o. Hano ìlùk hogorinaparek atì, e eken hogoratarek atì hak hogorinaparek atì. Eka pùk agìk, eken lologo pìgìk, ikerek atì.

1 YOHANET 2:17

Apùnì kweangma mene inoabùt hagatarek atì mel, yì mene tì mene walok ìlùk hagatarek atì mel, lek arìk wìrì'logo meneat he, apùnì Ala a'la walok akikerek mene hagatarek mene atì nek he, ineluk motok logogun o.

1 TIMOTÌÙT 6:17

Yì mene tì mene obogat lek asigin meneat he, it ap kaintek inetagewerek mene atì ina'la nen hogorakìkì logolìk, “Nagarok kweangma mene yoma motok apik yì nen nebe hano logogin,” ìlùk, akìkì logoinogo. At he, at Ala yì mene tì mene obogat nina'la hairogo helìkì logouagalùk hùkorogo wo'nisikerek a'nogo nenat hano'ninabigin ìlùk hùthìkì logouak en inasuk watì logoino.

MATÌÙT 5:3

“Apùnì ina'la nen he, An he, Ala eilhanem, ebe mene hesik nelageik welagì, ìlùk akagarek mene atì, Ala awe a'ma hisikere'ma atoma esewerek irat atì nen he, ina'la hai hakìkì logousak o.

1 KORÌTÙT 7:31

Nen, it aike kweangma yì mene tì mene helagarek mene atì, helìgì'lek mene negen logouak. Atì'nogo ìgì atì re, yì mene tì mene kweangma welagarek mene obogat arat lek arì'logo atì nen ìgì o.

YAKOBÙT 4:14

Hùen nit ùkùm ninoba tì'nogo haga'lasigin, ìlùk hinokorat logolìk ìkì lagep atì rì! Nit ninebe atì nena mene hake welagorek nogo. Ohena hamùlùgat welagaresik en hepogat lek agarek atì hak, ninebe atì'nogo welagorek atì.

MATÌÙT 6:30

Eka heleka o leimokwe welagarek atì re, yogotak hak hano welagaresi'mo nen, hùen hak etumo lolhisagarek meneat he, Ala nen inasu laberìsa hak hano mene hagarogo hisikerek atì hak, hinebe hesik, hanorogo labethikegein lek nogo? Labethikegeinat o. Hinetaùken Ala oba hipìrethùhùk yì rì!

PILIPI 3:8

Atì'nogo huthìkì lagì atì nek hùk. Noe Etagepogot Yesùt Karìsùt nelu agagi atì hano motogat o. Yì mene tì mene hùnogo mene hagatì lagagi atì, nong asigin mene hagatì lagagimo ìlùk, hùthìkì lagìat o. At ebe helìlìk he, neperak hutik motok logouogolùk, yabu aleke tegelogo wulaksagarek hak, yì mene tì mene alep hagatì lagagi mene atì, “We meneat,” ìlùk heraksasigi atì. Wene Ala nen ninasuk wasike wene atì ba, nokawerek en higit hagatì lagì hùk. It apùnì aike inetaùken Karìsùt oba hìpìrethikenem, ùkùm inoba mene korogo wokhìlìk hobuk Ala inom hùnogo hisikerek hak, an atì'nogoat netaùken at oba hìpìrethesìgìmo, ùkùm noba welagaike mene korogo wokhasike atì.