Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ÙRÙM 8:9 - Ala Ane Wene Ket Mene Warogo Wo'ninapike Wene

9 Atì'nogo meneat he, hit enek he, Ala Areagùn eberogoat hina'la werek halok he, hinoabùt apùnì inoabùt inesogat logolìk hagatarek hak hagatì'lek. We, Ala Areagùn oabùt waganogo hagatesep atì. Nen, sa nen Karìsùt Areagùn a'la lek halok he, at atì ebe Karìsùt mene lek o.

အခန်းကိုကြည့်ပါ။ ကော်ပီ




ÙRÙM 8:9
35 ပူးပေါင်းရင်းမြစ်များ  

Atì'nogo hele hikalogo hinasikomo, ninebe Ala againapùrì welago atì nen he, at aput Areagùn ninetaùkenma hina wagaikomo logolìk, at Ala hesik he, nit en, “Nopase, nopase e,” ìkì logouagalùk ikerek atì.


Nit ninebe Ala awì wùrìgat, ìlùk he, hinokot nogo? Ala Areagùn nina'la awì wùrogo welagarek, ìlùk he, hinokorat nogo?


Ala nen he, “Wene hano mene atì apùnì aike nen weagatheinogo ìlùk, hanorogo ha'narek logoino,” ìlùk, ninoba hesike mene atì, at Areagùn nina'la hesikomo werek atì omame ba hanorogo hesogo logoino.


Hit en he, “Ala nen, Areagùn wo'nisasikomo, ninebe at awì wùrìk welago,” ìlùk he, hinokot nogo? Hinebe hinokawerek esewerek hùk. At esewerek o.


At Ala nen he, Karìsùt Yesùt wa'lagaikesi'mo eluguthesikomo re, at Areagùn hina'la logolìk he, hinebe hinogat wa'lagasep mene yì hineluguthinabiginat. Atì re, at Areagùn nen Karìsùt ebe wa'lagaikesi'mo eluguthesike a'nogo hina'la welagarek atì nen hineluguthinabigin o.


Atì hagat he, hit en wene ebe wene, hano'ninaperek wene a'nogo hinasuk holhigisip he, hinetaùken Karistùt oba hìpìrethesigipmo re, Ala nen he, “Nareagùn wokhisegein,” ìlùk, abok yogonisasike higit hogoat, “It an nokawerek nagainapùrì o,” ìlùk Areagùn wokhisasike atì.


Ninebe Karìsùt Yesùt agoromì mene hùgì, ninoabùt ninesogat logolìk, yì walok tì walok akìkì lagagu mene atì, Karìsùt Yesùt ebe e ba menhìlìk wasukwa atì ba warogo hesugu.


Atì hak he, hit Karìsùt hinom hutik were'ma, it aike hinom o omakeat Ala awì wùri'mo Areagùn logouagalùk, wùrogo hikìlì'logo atì.


An alep he, weak hagataresik elùgùn oba inebe motok wa'lagaikarek atì mene nen hele warogo negen ha'narek welagaike. Atì'nogo were'ma, hobuk Ala Areagùn nen Karìsùt Yesùt ninom hunogo hinìkì logolìk ninelugu'ninaperek a'nogo nen hele hikalogo hanhikomo welagì.


Nen, apùnì nen taginaparek atì, apùnìat ta'lagaikarek o. Nen, Ala Areagùn nen taginaperek atì, Ala Areagùn meneat ket ta'lagaikarek o.


Ala nen Areagùn wo'nisasike atì ba, nit en akìkì logolìk, “At nit ninom hutik werek. Nen, nit at ninom hutik welago,” ìlùk hùthìkì lago o.


Hit hinoabùt weak hagatesep meneat he, inagainapùrì atì hano mene wogisagarek hinelumo re, hano mene wogisegesep atì. Ati hake, hinopase Ala pogot oba mene yogotì logolìk, Hareagan atì wo'nisan o, ìlùk, kìno yogotep halok he, wokhisegein lek nogo? Wokhisegeinat o,” ìlùk yogoisasike.


Mene re, nagainapùrì e. It apùnì kweangma mene ina'la welagarek mene atì omame lek meneat he, hit enek he, hinebe Ala againapùrì ma re, at Areagùn omame motok apik mene hina'la werek atì nen he, it ap atì mabenetsìlìk welagep atì o.


Atì'nogo meneat he, Ala nen ninobùlù'mo lopok higit-higit ninelugu'ninabigin. Yì mene tì mene emakum lilu mene tak wanharek hak, at Karìsùt tak eluguthesikesi'mo nogo nen he, at ebe wesigin atì sat, nit Karìsùt agoromì mene hugì ninelugu'ninabigin.


Nit Ala nen wene ninasuk wasike wene atì hologo higit hogo hagatì lago halok he, at Areagùn wo'nisasikomo nina'la werek, atì ba, nit at ninom hutik, nen, at nit ninom hutik welago, ìlùk hùthìkì lago.


At Ala awì wùrìrik atì mel, tùgì atì mel, inom omakìma lapuguthousak? At Ala eluk motok welagarek mene awì wùrìk he, nit ninebe yìat o. At an he, mel isike. “It ina'la an nawì wùrogo logogin o. Ina'lakwe ama nìkì loungin o. It inopase Ala anat logogin o. Nen, an nagainapùrì irat logogun o,” ìlùk isike atì nen he.


At Ala nen lakhei wagaike mene atì, Ala Areagùn amùkwì agì'lek motogat wogosike atì nen, Ala aneat yogonisikerek o.


Atì'nogo yogoisìkì lagaukwa atì, at Karìsùt Areagùn ina'la logolìk yogoisìkì logolìk he, mel isike: “Karìsùt aik hìlìk hìlìk wa'lasigin. Wa'larìk en, hobuk eluk aganem hogoratì logogun,” ìlùk yogoisasikomo it en ìkì logolìgat he, “Nìkì'nogo haga'lasigin. Mera nen haga'lasigin,” ìlùk hinok tùkùm hogo wanhì lagaukwa.


At Ala nen he, pogot kweang oan elalhì'lek logolìk, “It atem ineluk motok logouagalùk hagarinabigin,” ìlùk, inetage helal waganogo at Atopa Eak, it hesik wasukwa mene a'nogo arùesika ba hesike. It inetage atì'nogo helal waganogo hesike mene hùgì, yeke lo yeke hake hùko a'nogo hogoratì'lek werek kolek, apùnì kweangma welagaikarek mene aike obogat inetaùken yeke lo yeke hake hùko a'nogo ba hìpìrethìlìk hogoratì lagaika isìgì.


An nen wene weinam mene igin yì re, hùthano. At aike a'la nen he: “An nebe re, Karìsùt mene welagì,” ìlùk hùthike halok he, okawerek en oabùt palìki logolìk, “An nebe Karìsùt mene hake re, it Paùlùt lak atì'nogoat,” ìlùk hùthoak o.


at Yesùt en he, mel yogoisasike: “At sa nen an nebe etaùken hutik halok he, nane hologo hagatì logogin o. Nane hologo hagatì logoumo, nopase nen at atì etaùken hutik logogin o. Atì'nogo logolìk, an nopase neperak ap atì oba wìrìk, at ninom motok logogun o.


o Misia wìrìk, atoma nen, o Pitìnìa lùogolùk isukwa meneat he, Ala Areagùn nen, “O atoma lasak lek o,” ìlùk ina'la kagalhike.


Alep he, nit ninoabùt he, apùnì inoabùt ninesogat welagagu. Atì'nogo logolìk, wene Ala nen ninasuk wasike wene a'nogo werek en, ninoba aiyage lagaikenem he, nineki ninesok ninebe abirat en weak hagatenem elùgùn oba re, motok wa'laga lagagu atì.


Yogotak nit Karìsùt Yesùt ninom hutik welago mene hùgì Ala nen ùkùm ninoba hìlìk weaga'ninabigin lek o.


Nit ninebe hesik atì'nogo haga'lagorek meneat he, ninoe Etagepogot ninom hùnì'lùk he, at ninom ninetaùken omakeat agorek atì.


Hinetaùken at Karìsùt oba hìpìrethoumo, at ebe hina'la awì wùrogo were'ma re, yì mene tì mene awì yatenem omaken yatìk, o tik ning hogo watìk, egarek hak, hinoabùt he, apùnì aike inebe inetawìrogo welagaikarek atì mene ba hinomaken yakhìlìk ning hago logouageip ìlùk, Ala ayoko hìkì lagiat o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ