ÙRÙM 7:8 - Ala Ane Wene Ket Mene Warogo Wo'ninapike Wene

⁸ Atì nenat, wene Ala nen ninasuk wasike wene atì ba, weak mene nen he, an weak hagasuagalùk, “Yì mene tì mene apunì inagarok mene, ha'la nen, walok akan o,” ìlùk na'la kagalhì lagaike. Wene Ala nen ninasuk atì watì'le'ma re, weak hagasu re, ninoake palek welagagu.

ÙRÙM 7:8 ပူးပေါင်းရင်းမြစ်များ

ÙRÙM 7:11

Ala nen ninasuk wasike wene atì ba re, weak hagatarek atì na'la kagalogo re, lalnapikesik he, nebe noasike atì.

1 KORÌTÙT 15:56

Wa'lagaikarek mene ero aik en lìbìlninaperek atì ebe re, nit weak hagatorek atì ba aik en lìbìlninapenem wa'lagorek atìat o. Nen, weak hagatorek mene omame agaike atì ebe re, wene Ala nen ninasuk wasike atì ba omame agaike o.

ÙRÙM 4:15

Wene Ala nen ninasuk wasike wene atì ba re, Ala a'mage ninoba hikerek. Wene ninasuk wasike atì watì'lek logoilepma re, wene sagalogo weak hagarì'lùgì, ìlùk ilep legat o.

ÙRÙM 7:13

Halok he, wene atì hano motok isike mene atì nen an nebe wa'lagagi nogo? Motok lek o. Weak hagatarek atì nenat o. Weak hagatarek atì nen, hano mene atì ba warogo hanhikomo re, enagat agaike. Wene Ala nen ninasuk wasike atì baat he, inoabùt weak hagatarek atì motok weak, ìlùk enagat haga'lagaike atì.

ÙRÙM 5:20

Mene re, at aike weak hagasikesik oba Ala ane sagalogo weak hagatarek mene ekin asuagalùk, Ala nen wene ninasuk wasike wene hobuk wo'nisasike. Weak hagatarek atì wìalarìk laga kolegat he, Ala oabùt hano nen etawì'ninaperek atì, yì mene tì mene oba hilarogo nekarek hak, etawì'ninapenem hùkorogo wìalarìk lagarek atì.

YOHANET 15:22

An wagagisik, wene obogat atì it yogoisìgì'lek logoilema re, it weak ìlùk ùkùm inoba hìlìk logoilep lek akìgì. Meneat he, yogotak, wene yogoisa wagì atì nen, it en, An weak hagatì'lek, ìlùk, ùkùm inoba mene nokolasak meaat aga o.

ÙRÙM 7:17

An noabùt atì'nogo hagatì lagì atì re, an nen hagatì lagì hùk. We, weak hagatarek mene na'la logolìk hagarì'logo.

YOHANET 15:24

It apùnì he'nakìt en hagatarek motok lek mene, yì wene tì wene ineilhanem hagatì lagagi a'nogo hagatì logoile le'ma re, It weak, ìlùk ile lek o. Atì'nogo meneat he, an nen wene atì obogat hagatenem ineileken neasukwasik en, an nopase neperak inapsìrì motok haga'ninabì'lùgì o.

ÙRÙM 3:20

Wene Ala nen ninasuk wasike wene atì ba re, nit apùnì weak hagatorek mene hukalagarek atì nen he, nit obogat en wene at en ninasuk wasike wene atì hologo logolìk, at eilhanem higit hogo hagasusak mea o. Hologo hagatì logoumo, at en ninom hobuk hùnogo hinasak meneat he, mea o.

ÙRÙM 7:9

An alep he, wene Ala nen ninasuk wasike wene atì nokot logolìk he, neluk hano welagì salek welagagi. Mene re, wene ninasuk wasike wene a'nogo nelu agagisik oba nen he, weak hagatarek atì mene omame agaikomo,