ÙRÙM 7:7 - Ala Ane Wene Ket Mene Warogo Wo'ninapike Wene

⁷ Atì halok he, nit en nìkì'nogo ugun. Wene Ala nen ninasuk wasike wene atì weak usak nogo? Motok lek o. Mene re, wene atì'nogo ninasuk watì'lek logoilepma re, weak hagatarek atì nìkì'nogo he, nokorat logoile o. Ala nen he, wene ninasuk wasike atì watì logolìk he, “Apùnì aike inagarok mene, Namolo e, ìlùk hina'la akagùp o,” ìlùk ìgì'lek logoilepma re, apùnì aike inagarok mene, Namolo e, akìgìrek atì nokorat logoile o.

ÙRÙM 7:7 ပူးပေါင်းရင်းမြစ်များ

ÙRÙM 3:20

Wene Ala nen ninasuk wasike wene atì ba re, nit apùnì weak hagatorek mene hukalagarek atì nen he, nit obogat en wene at en ninasuk wasike wene atì hologo logolìk, at eilhanem higit hogo hagasusak mea o. Hologo hagatì logoumo, at en ninom hobuk hùnogo hinasak meneat he, mea o.

ÙRÙM 4:15

Wene Ala nen ninasuk wasike wene atì ba re, Ala a'mage ninoba hikerek. Wene ninasuk wasike atì watì'lek logoilepma re, wene sagalogo weak hagarì'lùgì, ìlùk ilep legat o.

1 KORÌTÙT 15:56

Wa'lagaikarek mene ero aik en lìbìlninaperek atì ebe re, nit weak hagatorek atì ba aik en lìbìlninapenem wa'lagorek atìat o. Nen, weak hagatorek mene omame agaike atì ebe re, wene Ala nen ninasuk wasike atì ba omame agaike o.

ÙRÙM 13:9

Wene atì ninasuk watì logolìk he, mel isike: “Pailak haksìgìk, haksoagalùk hagatìk, usak lek o. Apùnì inebe inoasusak lek o. Yogot wanusak lek o. It aike inagarok mene hina'la nen he: Namolo e, ìlùk akasak lek o,” ìlùk wene ninasuk wasike atì inom, aike ninasuk wasike mene inomat he, omakeat lapuk hogo wene esin hake re, mel isike: “Hit he, hinokawerek hinebe hinetaùken hutik welagasep atì hak, it apùnì aike hinom welagasep mene atì, hinetaùken hutik logoino o,” ìlùk isike atì.

ÙRÙM 7:8

Atì nenat, wene Ala nen ninasuk wasike wene atì ba, weak mene nen he, an weak hagasuagalùk, “Yì mene tì mene apunì inagarok mene, ha'la nen, walok akan o,” ìlùk na'la kagalhì lagaike. Wene Ala nen ninasuk atì watì'le'ma re, weak hagasu re, ninoake palek welagagu.

1 TESALONIKA 4:5

It apùnì etakwe mene, an nebe inokot logolìk inoba aiyage lagaikenem yùgùnat haksìlì'lùgì atìtì'nogo hagatì logousak lek.

ÙRÙM 3:5

Meme re, nit apùnì nen he, ninoabùt kolo hagatorek atì ba nen he, Ala oabùt higit hogo hagaterek ìlùk enagat haga'lagarek halok, nìkì'nogo usak. Apùnì nen egarek hak ik. At Ala a'mage lagalìk weagarinaperek atì kolo nogo?

KOLOSE 3:5

Ati nen he, hinoabùt hinesogat logolìk, hina'la nen yì walok tì walok akegesep mene atì warogo heraksìkì logoino. Hinoabùt atì re, pailak haksagarek atì mel, ina'la nen, walok ìlùk wesi nekarek atì mel, inetaùken nikeresik inoba aiyage lagaikerek atì mel, ineileken lagisìlìk ina'la nen walok akagarek atì mel, tùgì hareken oba hìpìrìk logou hak, ina'la nen, “Yì mene tì mene, an mene nek logoilep,” ìlùk akagarek atì mel, hinoabùt atì mene obogat warogo heraksìkì logoino.

EPESÙT 5:3

Hinebe Ala againapùrì logolìk hinoabùt hagatì logousak meneat hagatì logousak. Halok he, pailak haksìgìk, inekalì lek weak hagatìk, “Yì mene tì mene an enek wo'ne'lep,” ìlùk ina'la nen akìgìk, egarek atì mene, apùnì aike nen he, “It aike atì'nogo weak hagarì'lùgì,” ìlùkk, hinabok weak sagarasinogo ìlùk, weak aike hagatùp o.

ÙRÙM 7:13

Halok he, wene atì hano motok isike mene atì nen an nebe wa'lagagi nogo? Motok lek o. Weak hagatarek atì nenat o. Weak hagatarek atì nen, hano mene atì ba warogo hanhikomo re, enagat agaike. Wene Ala nen ninasuk wasike atì baat he, inoabùt weak hagatarek atì motok weak, ìlùk enagat haga'lagaike atì.

ÙRÙM 7:11

Ala nen ninasuk wasike wene atì ba re, weak hagatarek atì na'la kagalogo re, lalnapikesik he, nebe noasike atì.

ÙRÙM 7:5

Alep he, nit ninoabùt he, apùnì inoabùt ninesogat welagagu. Atì'nogo logolìk, wene Ala nen ninasuk wasike wene a'nogo werek en, ninoba aiyage lagaikenem he, nineki ninesok ninebe abirat en weak hagatenem elùgùn oba re, motok wa'laga lagagu atì.

ÙRÙM 6:15

Halok he, wene atì elùgùn oba re, nìkì'nogo usak? Nit ninebe wene Ala nen ninasuk wasike wene a'nogo oba hìpìrìk welago lek. We, Ala oabùt hano nen etawì'ninaperek atì oba hìpìrìk welago atì nen he, weak hagatì logousak nogo? Motok lek o.

ÙRÙM 4:1

Halok he, nit apùnì Yahuri mene nen ninopa Aberaham oabùt hagatì lagaike mene hesik abok nìkì'nogo ugun.

LAKSASIKE 20:33

An na'la nen, hit hinagarok uang emas mene mel, perak mene mel, hinasu mel, namolo ìlùk aike akìgì'lek.

LUKAT 12:15

apùnì apik amanogo mel yogoisasike: “Apùnì inagarok apik welagarek atì ba ineluk welagaikarek lek o. Yì mene tì mene an mene nek logoilep, ìlùk ina'la akìkì logoinogo ìlùk hinepe hebelogo logoino o,” ìlùk atì'nogo yogoisasikesik he,

MATÌÙT 5:28

Meneat he, an nen wene yì yogohisak. Ap sa nen, he aike eileken lakhìlìk he, a'la nen he, Eige. An he atì pailak hakheile e, ìlùk akike halok, a'la nen pailak eberogoat arat hakhike o.

LUKAT 20:16

At ebe wìrìk he, it atì inebe motogat warogo potsìlìk he, inobùlù'mo yabu anggur yabu a'nogo serogo logouagalùk he, ap aike hùnogoat mene menhisegeinat o,” ìlùk yogoisasikomo, it amanogo nen he: “Eige! Atì'nogo hagasusak lek o!” ìlùk yogosukwama,

ÙRÙM 5:20

Mene re, at aike weak hagasikesik oba Ala ane sagalogo weak hagatarek mene ekin asuagalùk, Ala nen wene ninasuk wasike wene hobuk wo'nisasike. Weak hagatarek atì wìalarìk laga kolegat he, Ala oabùt hano nen etawì'ninaperek atì, yì mene tì mene oba hilarogo nekarek hak, etawì'ninapenem hùkorogo wìalarìk lagarek atì.