ÙRÙM 7:6 - Ala Ane Wene Ket Mene Warogo Wo'ninapike Wene

⁶ Alep he, wene Ala nen ninasuk wasike wene a'nogo ba hele warek negen welagagu mane, Karìsùt wa'laga logolìk nit ninomat wa'lagagu atì ba, Ala nen hele hikalninapikomo welago. Yogotak he, Ala atitigeke logolìk, wene at en ninasuk wasike wene helal waganek mene nineileken enek hìthìkì logolìk, hagatì lagagu atì hak he, hagatì lago lek. We, Ala Areagùn nen ninoabùt ket mene haga'ninapo kolek, hagatì lago.

ÙRÙM 7:6 ပူးပေါင်းရင်းမြစ်များ

2 KORÌTÙT 3:6

Ala nen wene ket wene ninoba wasike atì, nit en wolok loagalùk, at enat ninomame'ninapikomo elok wolok lasak welago. Wene alep inasuk wasikomo helal waganogo hesukwa mene higit hogo hagatì'lek halok, atì ba inebe inoaterek Meneat he, Ala Areagùn nen inelugurinaperek atì nen, nit wene alep helal waganek mene wolok lagì'lek, we, at Areagùn nen yogonisìlì'logo mene wolok laga lago atì.

ÙRÙM 7:4

Atì hak he, nerùgì nagaiya'lak. Hit alep he, hìmì inagonì inom hele homage hake welagaikarek ogo atì hak, wene Ala nen ninasuk wasike wene a'nogo ba homago were'ma, at Karìsùt ebe wasukwama wa'lagaike atì, hinomat wa'laga logolìk, hele hake homago welagagip mene atì arat hikalagaike atì. Atì nen he, hìmì inagonì wa'laganem aike elok woginabusak atì hak, hit Ala hesik hano hagatì logouagalùk, at Yesùt wa'lagaikesi'mo Ala nen eluguthesike mene a'nogo nen wokhinapikomo welagep o.

ÙRÙM 6:4

Ima pela'ninapì logolìk he, at ebe warek salhukwa hak, nit at ninom hutigat were'ma warogo hinasukwa. Nan, at Karìsùt wa'lagaikesi'mo nen, opase omame apik hogoratarek mene a'nogo nen eluguthesike hak, nit yogotak ninelugu'ninapikomo ninoabùt ket hùnogoat hagatì logouok o.

KALATIA 3:13

Ala ane ba helal waganogo hìkì logolìk he, mel isukwa: “Inebe e ba menhisìlìk inoasumo, it inebe wa'lasugun mene atì, Ala nen homan hisegein werek o,” ìlùk, helal waganogo hesukwa hagat, wene Ala nen ninasuk wasike wene atì ba re, homan hinasak higit were'ma, at Karìsùt en ninoko palogo telninabìgìlùk ùkùm nit ninoba mene korogo at oba hakasike atì.

KALATIA 6:15

Ninogat ninekalìma mene palek halok mel, pale'lek halok mel, ebe atì mene esin hùk. At he, Ala nen ninebe ket hùnogoat haga'ninabì'logo atìat esin o.

ÙRÙM 12:2

Apùnì yoma hagarì'lùgì mene atì inoabùt wanhùp o. Hinoabùt ket hùnogoat haga'lasuagalùk, at Ala nenat hina'la ket mene hagathinapì logouak o. Atì'nogo hagathinapì logoumo re, at a'la nen: “Yì'nogo hagasuak, tì'nogo hagasuak,” ìlùk akikerek atì ebe hinelu asigin o. Hana mene ebe atìat o. At Ala a'la hanorogo hagatìk, inetaùken wurik agìk, ikerek he, atì nenat o.

ÙRÙM 6:22

Mene re, hit weak hagato kolek, weak mene nen hakhisek were'ma, Ala nen hele hikalogo wulakhikasikomo re, yogota'ne at awe a'ma kìlìk welagep atì. Logolìk he, hinebe at hesik hisìlìk welagep atì sabùregep o. Atì'nogo logopik, elùgùn oba hineluk motok logogunat o.

2 KORÌTÙT 5:17

Apùnì inebe Karìsùt inom hutik werek halok he, inoabùt ket mene elalinapomo werek o. Alep mene legat aga. Hobuk ket mene haga'laga.

ÙRÙM 7:1

Nerùgì nagaiya'lak. Ala nen he, “Yì'nogo haga'no, tì'nogo haga'no,” ìlùk ninasuk wasike atì, apùnì inebe ineluk logolìk wene atì hesogo logolìk higit hogo hagatì'lek halok ùkùm inoba agarek. Mene re, inebe wa'lago halok, ùkùm inoba agarek lek ìlùk hinokot nogo? Lek o. Hinelu mene yogohisìkì lagì o.

ÙRÙM 6:2

Motok mea o. Nit weak hagatì lagagu atì hesik he, arat wa'lagagusigat he, hobuk weak hagatì logousak nogo? Mea o.

ÙRÙM 6:19

Hit hinoabùt he, wene yogohisìgì atì hùthasak mea hake nen, hùthoageip en ìlùk he, apùnì inatitigeke logolìk hagatarek mene inoba lìrogo yogohisìkì lagì atì. Hit alep he, hineki hinesok hinebe ha welagarek mene aike inom obogat he, weak mene atitigeke salek wogorìk, yùgùnat hagatìk, hinasuk ware'lek yì weak tì weak hagatìk, ìkì lagagip atì. Atì hagat he, yogotak hit hineki hinesok hinebe ba welagarek mene aike inom obogat he, Ala okawerek hesik hisìlìk higit hogo hagatì logouogolùk, at wogotì logoino o.

ÙRÙM 6:11

Atì hagat he, hit hina'la nen he, “Weak hagatì logousak hesik waregat logolìk, Karìsùt Yesùt ninom hutik logolìk he, Ala hesigat nineluk logogun,” ìlùk hina'la akìkì logoino o.

ÙRÙM 1:9

Atì'nogo hai watì logolìk he, hit hesik kamo ìgì'lek sapan ikoat welagì mene, at Ala elu o. An Ala awe a'ma logolìk, hano wene at aput hagatì lagaike wene atì apùnì yogoisìlìk nìgìrek atì, netaùken oba nen, at Ala hesik hagathisìkì lagì o.

PILIPI 3:3

Nit he, ninogat ninekalìma mene arat palek logou hak, ebe meneat hagatì lago. Ala Areagùn nen nina'la kagalho kolek, Ala ebe hogoratìk, Karìsùt Yesùt ninom hutik welago, ìlùk, hogorakìgìk, ìkì logolìk he, yì wene tì wene ninogat etakwe yì hesik hagatorek atì ba hano'ninabigin ìlùk akìkì lago lek.

ÙRÙM 7:2

It hìmì inagonì waganek mene re, inagonì inebe ineluk werek kolek, wene Ala nen ninasuk wasike wene atì ba, inom hele homago negen hano welagì'lek halok, ùkùm inoba asusak. Mene re, inagonì wa'laganem enek he, hele homago hake atì hikalaga halok, ùkùm inoba asusak lek.

EPESÙT 4:24

Hinebe eberogoat, at Ala nen okawerek hesik hakìlìk, at en he, hinoabùt higit hogo hagatì logouagalùk, at oabùt hake ket mene hagathinape mene atì, su labetarek hagat labetì logoino o.