ÙRÙM 7:5 - Ala Ane Wene Ket Mene Warogo Wo'ninapike Wene

⁵ Alep he, nit ninoabùt he, apùnì inoabùt ninesogat welagagu. Atì'nogo logolìk, wene Ala nen ninasuk wasike wene a'nogo werek en, ninoba aiyage lagaikenem he, nineki ninesok ninebe abirat en weak hagatenem elùgùn oba re, motok wa'laga lagagu atì.

ÙRÙM 7:5 ပူးပေါင်းရင်းမြစ်များ

EPESÙT 2:3

Alep nit obogat it hagarì'lùgì hagat hagatì lagagu. Ninoabùt apùnì inoabùt inesogat logolìk hagatarek hak hagatì logolìk, ninoba aiyage lagaikenem weak hagatìk, nina'la akalùk weak hagatìk, ìkì lagagu. Atem sat he, apùnì inoabùt inesogat logolìk hagatarek mene ninom higirat were'ma, Ala a'mage lagalìk he, weaga'ninabigìlùk welagaike.

KALATIA 5:24

Ninebe Karìsùt Yesùt agoromì mene hùgì, ninoabùt ninesogat logolìk, yì walok tì walok akìkì lagagu mene atì, Karìsùt Yesùt ebe e ba menhìlìk wasukwa atì ba warogo hesugu.

KALATIA 3:10

Nen, Ala nen mel isikomo helal waganogo hesukwa: “Wene an nen inasuk wasigimo helal waganek werek atì obogat apùnì inasuk holìk he, higit hogo hagatarek lek halok, inebe lopok homan hisegein werek o,” ìlùk isikomo, helal waganogo hesukwa hak, it apùnì aike nen wene Ala nen ninasuk wasike wene a'nogo higit hogo hagasuogolùk, inetaùken atì ba hìpìrethìlìk welagaikerek mene hùgì, Ala nen homan hisegein weregat o.

ÙRÙM 6:13

Hineki hinesok hinebe ba welagarek mene aike inom obogat he, weak mene asike arìge negen arìk he, weak hagatì logouagalùk, at wogotì logogùp. Hinebe warek hake were'ma Ala nen hineluguthinapikomo hineluk logolìk hagasusak higit hogoat, hinebe abirat Ala wogo'ni o. Hineki hinesok hinebe ba welagarek mene inom aike obogat he, at asike arìge negen arìk he, higit hagatì logouagalùk Ala wogo'ni o.

ÙRÙM 6:21

Mene re, atì'nogo hagatì lagagip atì hesik, nena mene sabùrasigip nogo. Alep hagatì lagagip mene atì hesik, yogotak hinekalì arì'logo atì. Atì'nogo hagatì logopik he, wùrep oba re, inebe motok wa'lagaikarek atìat o.

1 YOHANET 3:4

Nen, apùnì nen weak hagatarek atì Ala aneat sagalharek atì nen he, sa nen weak hagarì'logo halok, Ala aneat sagalogo hagarì'logo o.

KOLOSE 3:5

Ati nen he, hinoabùt hinesogat logolìk, hina'la nen yì walok tì walok akegesep mene atì warogo heraksìkì logoino. Hinoabùt atì re, pailak haksagarek atì mel, ina'la nen, walok ìlùk wesi nekarek atì mel, inetaùken nikeresik inoba aiyage lagaikerek atì mel, ineileken lagisìlìk ina'la nen walok akagarek atì mel, tùgì hareken oba hìpìrìk logou hak, ina'la nen, “Yì mene tì mene, an mene nek logoilep,” ìlùk akagarek atì mel, hinoabùt atì mene obogat warogo heraksìkì logoino.

1 KORÌTÙT 15:56

Wa'lagaikarek mene ero aik en lìbìlninaperek atì ebe re, nit weak hagatorek atì ba aik en lìbìlninapenem wa'lagorek atìat o. Nen, weak hagatorek mene omame agaike atì ebe re, wene Ala nen ninasuk wasike atì ba omame agaike o.

YAKOBÙT 4:1

Hit en wene palhik, tùgì yapìk, ìkì lagep atì, ero nena ba nen hagatì lagep nogo. Weim inapotma wùlùbuogolùk, weim abok, “Yì ba lano, tì ba lano,” ilik inebe inoatarek atì hak, hinetaùken nen nìlìk, “Yì walok, tì walok,” akegesep atì nenat hagatì lagep akìgì.

YAKOBÙT 1:15

Hobuk nina'la nen yì mene tì mene walok weak akogorek mene atì, hìmì nen omalik taginaparek atì hak, nina'ma aga halok, eak tagasogo weak hagatorek atì. Nen, weak hagatorek mene atì wurik aga halok he, eak tagasogo ninebe wa'lagorek atì.

TITUT 3:3

It atì'nogo hagatì logousak atì re, nit alep ninetaùken lek ninoabùt kepù negen, ninasuk ware'legat, nong-hong hogo hagatì logolìk he, apùnì inogogì kaintek inawe a'ma welagaikarek hak, inoba aiyage lagagìk, ina'la nen yì mene tì mene walok akìgìk, egarek atì mene awe a'ma negen welagagu. Atì'nogo logolìk, it aike weagarinapìk, ua palhìk, it aike nit inapsìrì'ninapìk, nit en it ninapsìrìrinapìk, ìkì lagagu.

EPESÙT 2:11

Hit alep he, hinebe etakwe mene welagagip atì, hina'la ebe'ni. It ap Yahuri mene apùnì ineram en inogat inekalìma mene palinapukwa mene atì nen, hit hesik he, “Inogat inekalìma mene pale'lek mene,” ìlùk ìkì lagaukwa.

ÙRÙM 7:23

neki nesok nebe abirat he, hùnogo mene hagatì logolìk, wene Ala nen ninasuk wasike wene a'nogo na'la nen hano akìgìrek mene atì sebeligìlùk ikerek. Neki nesok nebe abirat yoma weak enek hagatìrek atì nen he, nebe weak hagasuagalùk hele warogo negen hanherek atì.

ÙRÙM 6:23

Weak hagatarek atì oko re, wa'lagaikarek atì. Nen, ninoe Etagepogot Yesùt Karìsùt ninom hutik were'ma re, Ala oabùt hano nen oko legat nineluk motok logouagalùk haga'ninaperek atì.

ÙRÙM 6:19

Hit hinoabùt he, wene yogohisìgì atì hùthasak mea hake nen, hùthoageip en ìlùk he, apùnì inatitigeke logolìk hagatarek mene inoba lìrogo yogohisìkì lagì atì. Hit alep he, hineki hinesok hinebe ha welagarek mene aike inom obogat he, weak mene atitigeke salek wogorìk, yùgùnat hagatìk, hinasuk ware'lek yì weak tì weak hagatìk, ìkì lagagip atì. Atì hagat he, yogotak hit hineki hinesok hinebe ba welagarek mene aike inom obogat he, Ala okawerek hesik hisìlìk higit hogo hagatì logouogolùk, at wogotì logoino o.

ÙRÙM 5:20

Mene re, at aike weak hagasikesik oba Ala ane sagalogo weak hagatarek mene ekin asuagalùk, Ala nen wene ninasuk wasike wene hobuk wo'nisasike. Weak hagatarek atì wìalarìk laga kolegat he, Ala oabùt hano nen etawì'ninaperek atì, yì mene tì mene oba hilarogo nekarek hak, etawì'ninapenem hùkorogo wìalarìk lagarek atì.

ÙRÙM 4:15

Wene Ala nen ninasuk wasike wene atì ba re, Ala a'mage ninoba hikerek. Wene ninasuk wasike atì watì'lek logoilepma re, wene sagalogo weak hagarì'lùgì, ìlùk ilep legat o.

ÙRÙM 3:20

Wene Ala nen ninasuk wasike wene atì ba re, nit apùnì weak hagatorek mene hukalagarek atì nen he, nit obogat en wene at en ninasuk wasike wene atì hologo logolìk, at eilhanem higit hogo hagasusak mea o. Hologo hagatì logoumo, at en ninom hobuk hùnogo hinasak meneat he, mea o.

ÙRÙM 1:26

It atì'nogo hagatarek atì nen, at Ala nen, it inetaùken nen nikenem inekalì lek hagatì logouagalùk, “Inoba lopok,” ìlùk heraksasike. It hìmì nen he, ap inom nogo egarek hagat nogo usak meneat he, it hìmì-hìmì nogo usak lek meneat nogo egarek atì.

YOHANET 3:6

Nen, apùnì nen taginaparek atì, apùnìat ta'lagaikarek o. Nen, Ala Areagùn nen taginaperek atì, Ala Areagùn meneat ket ta'lagaikarek o.

MATÌÙT 15:19

Ina'la nen wene weak mene ebetìk, apùnì inoatìk, hìmì ap inagagwì mene pailak haksìgìk, hìlìmìkìrùgì pailak haksìgìk, yogot wanhìk, inapeliagat it aike ùkùm inoba hìgìk, inabok wiik-weak hogo palhìk, egarek atì re, ina'la nenat kagalogo lagai waganem wulaparek o.

2 KORÌTÙT 10:3

Nit ninebe kweangma logolìk apùnì sike sìge ba weim yaparek hak yapì lago lek o.