ÙRÙM 7:3 - Ala Ane Wene Ket Mene Warogo Wo'ninapike Wene

³ He aike nen he, agùn eluk werek kolegat he, ap aike wanhe halok, apùnì nen he, “Pailagat wanhe o,” ìlùk abok weak usagat o. Mene re, agùn ebe wa'laga halok he, wene Ala nen ninasuk wasike wene atì ba hele homago negen welagaika atì, arat hikalaga ìlùk, ap aike elok wanusagat o. Wanhenem he, “Pailak wanhe,” usak lek o.

ÙRÙM 7:3 ပူးပေါင်းရင်းမြစ်များ

MATÌÙT 5:32

Atì'nogo meneat he, an nen wene aike yì yogohisak. Ap aike agwe waganek mene, it ap aike nen pailak hakhìgì'le'maat he, lologo heraksike halok, he atì pailak hagasuagalùk heraksike o. Nen, at ap aike nen, he lologo hegein mene atì wanhe halok, pailagat wanigin o,” ìlùk yogoisasike.

ÙRÙM 7:2

It hìmì inagonì waganek mene re, inagonì inebe ineluk werek kolek, wene Ala nen ninasuk wasike wene atì ba, inom hele homago negen hano welagì'lek halok, ùkùm inoba asusak. Mene re, inagonì wa'laganem enek he, hele homago hake atì hikalaga halok, ùkùm inoba asusak lek.

ÙRÙM 7:4

Atì hak he, nerùgì nagaiya'lak. Hit alep he, hìmì inagonì inom hele homage hake welagaikarek ogo atì hak, wene Ala nen ninasuk wasike wene a'nogo ba homago were'ma, at Karìsùt ebe wasukwama wa'lagaike atì, hinomat wa'laga logolìk, hele hake homago welagagip mene atì arat hikalagaike atì. Atì nen he, hìmì inagonì wa'laganem aike elok woginabusak atì hak, hit Ala hesik hano hagatì logouagalùk, at Yesùt wa'lagaikesi'mo Ala nen eluguthesike mene a'nogo nen wokhinapikomo welagep o.