ÙRÙM 6:3 - Ala Ane Wene Ket Mene Warogo Wo'ninapike Wene

³ Nit Karìsùt Yesùt ninom hùnesuogolùk ima pisugu mene hùgì yì re, at ebe wa'lagaike hagat, ima pela'ninapenem ninom hutigat wa'lagagu, ìlùk hinokot nogo?

ÙRÙM 6:3 ပူးပေါင်းရင်းမြစ်များ

KALATIA 3:27

Nen, Karìsùt hinom hùnesuogolùk ima pisigip mene hinebe obogat, su labetarek hak Karìsùt oabùt wanhìgip atì.

ÙRÙM 6:8

“Nit he, Karìsùt ninom hutigat wa'lagagu halok, ninom hutigat nineluk logogun o,” ìlùk ninetaùken at oba hìpìrìk welago.

1 KORÌTÙT 12:13

Nit he, ninebe obogat Yahuri mene lek, Yunani mene lek, inatitigeke mene lek, inalepma welagaikarek mene lek, at Karìsùt ebe omakeat mene ninom hùnesuagalùk, at Areagùn nen ima pela'ninapike atì. Nen, i elesi omakeat mene nekarek hak, at Areagùn omakeat mene nina'la hesike atì.

1 PETERÙT 3:21

It i ba telinapike atì inomanem, nit yogotak ima pogorek atì ba telninaperok o. I ba telninaperek atì re, ima pelakhiaikenem, ninogat i atì ba sobalagarek atì ba telninaperek hùk. At he, ninetaùken oba nen wene ninoba selek asuagalùk Ala ayoko hikenem, Yesùt Karìsùt wa'lagaikesik eluk agaike atì ba telninaperek o.

LAKSASIKE 2:38

Atì'nogo yogoisasukwama, at Peterùt en he, “Weak hagatì lagep mene atì heraksìlìk hinoabùt hebela'ni o. Atì'nogo hebelasumo re, weak hagatì lagep mene atì, Ala nen sagalogo legetsoagalùk hinebe lopok Yesùt Karìsùt etage palogo ima pelakhinabuak. Atì'nogo hagasumo re, Ala Areagùn atì wokhisegein o.

MATÌÙT 28:19

Halok he, yì apùnì tì apùnì ìnùkùl etage lopok obogat an nagoromì haga'lasuagalùk, nopase Ala etage ba, an aput netage ba, Areagùn etage ba, ninetage palogo ima pelaginapìk, an nen wene hinasuk watì mene atì obogat it apùnì aike nen higit hogo hagatì logouagalùk yakùlisìgìk, ìlìk laga logoino o. Lakhani! Hit atì'nogo hagarinabìk laganem, an nebe ninom moto'-motogat were'ma, hùlì o elùgùn oba haga'lasigin o,” ìlùk yogoisasike.

YAKOBÙT 4:4

Hìmì nen inagonì ineil salharek atì hak, Ala eil salogo hagatì lagep atì rì! Apùnì kweangma mene yoma inoabùt inesogat logolìk hagarì'lùgì mene atì hinom hutik welagep halok, Ala hinom weim palek hakeat welagep atì, hinokot nogo? Hit aike nen apùnì kweangma yoma mene inoabùt inesogat logolìk hagarì'lùgì mene atì hinom hùnesuogolùk ìkì lagep halok he, hinokawerek en at Ala hinom weim kagalhì lagep o.

1 KORÌTÙT 9:13

It ap Ala awì wùrìk esewerek logolìk yabu atoma hagatì logolìk, inapùrùk he, Ala awìla mene nekarek ìlùk he, hinokot nogo? Nen, Ala ako warerìk etu loletarek oba loletì logolìk atì'nogoat o'moko kùrogo it nekarek ìlùk he, hinokot nogo?

ÙRÙM 7:1

Nerùgì nagaiya'lak. Ala nen he, “Yì'nogo haga'no, tì'nogo haga'no,” ìlùk ninasuk wasike atì, apùnì inebe ineluk logolìk wene atì hesogo logolìk higit hogo hagatì'lek halok ùkùm inoba agarek. Mene re, inebe wa'lago halok, ùkùm inoba agarek lek ìlùk hinokot nogo? Lek o. Hinelu mene yogohisìkì lagì o.

ÙRÙM 6:16

Hit he, ap aike atitigeke arìk he, ane holek logouogolùk, awe a'ma kìlìk logolìk, at ane holhì lagep halok he, at atitigeke meneat welago ìlùk hinokot nogo? Weak hagatarek mene atì awe a'ma kìlìk he, wùrep oba wa'lagaikarek atì. Meneat he, at Ala ane hologo logolìk he, at awe a'ma kìlì'mo, wùrep oba at en ùkùm ninoba mene korogo wokhìlìk at ninom hobuk ninapotkwe hùnogo hinikerek atì.

LAKSASIKE 19:5

Atì'nogo yogoisasikomo it inasuk holhukwama re, ninoe Etagepogot Yesùt etage palogo hobuk ima pelaginapukwaat.

1 KORÌTÙT 6:9

Apùnì weak hagarì'lùgì mene Ala awe a'ma hisikere'ma atì esewerek asugun lek o, ìlùk he, hinokot nogo? Hinokawerek en lalagùp. Pailak haksagarek mene mel, tùgì hareken oba hìpìrìk logolìk hogoratarek mene mel, ap inagagwì mene pailak haksagarek mene mel, ap en hìmì haksagarek hak it ap-ap haksagarek mene mel,

1 KORÌTÙT 5:6

Apùnì nen inane lagak hogo ìkì logolìk, “Eken sùpùrùk horoti mene hisuagalùk a'la pelaparek mene hamùlùgat a'la pelabì'mo nen, horoti ebe obogat hìterek o,” ìlùk egarek a'nogo hinokot nogo? Hinelu logolìk hogorakìkì lagep atì hano hùk. Weak o.

2 KORÌTÙT 13:5

Hit en he, “Nit ninetaùken Karìsùt oba hìpìrethesugu a'nogo hìpìrìgat welago a? Lek a,” ìlùk hinokawerek en hinoabùt tùkùm hogo palano. Atì'nogo palìkì logolìk, mea haga'lagì'lek halok, “Yesùt Karìsùt nina'la werek,” ìlùk enagat hogoin o.

1 KORÌTÙT 15:29

Wene aike re, it apùnì wa'lagaukwa mene hobuk inelugurinabigin motok lek logoilepma re, it hesik it aike ima pelaginapì lago atì re, nìkì'nogo hagasugun akegep. Nenahalok ima pelaginapì logousak.

1 KORÌTÙT 3:16

Nit ninebe Ala awì wùrìgat, ìlùk he, hinokot nogo? Ala Areagùn nina'la awì wùrogo welagarek, ìlùk he, hinokorat nogo?

1 KORÌTÙT 6:19

Hit en he, “Ala nen, Areagùn wo'nisasikomo, ninebe at awì wùrìk welago,” ìlùk he, hinokot nogo? Hinebe hinokawerek esewerek hùk. At esewerek o.

1 KORÌTÙT 9:24

Sa awewerek sa awewerek lùogolùk he, inebe logoin mene atì, inebe obogat lagaikarek meneat he, omakeragùn tak lìlì'mo oko hano mene wogotarek ìlùk hinokot nogo? Atì hagat, oko hano mene wokhisoagalùk he, humusek hinomamerogo laga logoino o.

1 KORÌTÙT 10:2

It en he, Musa opolik nìkì logogun o, ìlùk ima pu hak he, ohena atì a'ma kìgìk, i laut yekelek atì oake palhìk, isukwa atì.