ÙRÙM 5:3 - Ala Ane Wene Ket Mene Warogo Wo'ninapike Wene

³ Atì hesik enek nina'la hai hakìkì lago hùk. Yì aik tì aik hogorek atì ba, ninetaùken wurik agarek atì nen he, atì'nogo weaga'ninapo kolek, nina'la hai hakìkì lagoat o.

ÙRÙM 5:3 ပူးပေါင်းရင်းမြစ်များ

YAKOBÙT 1:12

Hit aike Ibilit en hina'la kagaligìlùk yì ùkùm tì ùkùm hinoba aga kolek, hinepe morogo logogun halok, hina'la hai hakogoin o. Atì'nogo hinepe morogo logogun halok, Ala nen he, “An nebe hinetawì mene hùgì hineluk motok logogun mene wokhisegein o,” ìlùk, abok yogonisasike a'nogo hit hinoabùt palogo nenat wokhisegein o.

1 PETERÙT 3:14

Meneat he, higit hogo hagatenem weagathinapa halok, yì aik tì aik hìkì logolìk, hina'la hai hakìkì logoino. Hinayùk asuagalùk hagathinapenem, hinayùk arìk hina'la wenesùgì uan horo ebetùp o.

2 KORÌTÙT 4:17

Nit yogotak, yì aik tì aik haga'ninabì'lùgì atì re, elama hesik hamùlùgat negen o. Meneat he, atì'nogo haga'ninabì'lùgì atì ba, hobuk hogoratarek mene esok motok logogin mene motok hùkoat ese asugun o.

LUKAT 21:19

Halok he, hinetaùken hapuguthakìlìk he, hinepe morogoat logogun halok he, nabùlal-habùlal helogoin o,” ìlùk yogoisasike.

EPESÙT 3:13

Atì nen he, an yogotak ya hit hesik weaga'nabì'lùgì atì nen hina'la pùk agì'lek logogun halok, hogothinabugun atì nen, hinasuk warogo yogohisìgì atì.

LAKSASIKE 5:41

Wulaksasukwama, it ap wene ero pìlìngìtì lagaukwa mene amanogo heraksalùk wùlùpukwasik, it-it ìkì logolìk he, “Ala nen he, Hit Yesùt etage hesik apùnì nen, Hit weak, ìlùk wenakhisamo elok, ìlùk a'la akike higit hogoat wena'nisaga atì hano,” ìlùk ina'la hai hakìlìk wùlùpukwa.

PILIPI 1:29

At Ala oabùt hano nen, hit hinetaùken Karìsùt oba hipìrethouagalùk enek hinayoko hesike hùk. Lek o. At hesik yì aik tì aik hìkì logouagalùk hinayoko hesikeat o.

ÙRÙM 5:11

Mene re, atì nek hùk. Ninoe Etagepogot Yesùt Karìsùt hagasike atì ba, Ala ninom hobuk ninapotkwe hùnogo hinasikomo ninom hano welago atì nen he, nina'la hai hakìkì lago.

ÙRÙM 8:23

Pogot kweang yì mene tì mene an nek heinet watì logolìk, inetawì ane ìlì'lùgì hùk. Ala nen he, “Hinebe an nagainapùrì. Arat wokhinapì o,” ìlùk ninebe ninetaùken ninogat obogat hano'ninabigin mene oan logolìk, sùpùrùk emakum lilu nekarek hak, at Areagùn emakum wo'nisasike meneat he, ebe hobuk haga'ninabigin mene atì serogo logolìk he, heinet watì logolìk ninetawì ane ìkì lago.

ÙRÙM 9:10

Mene re, wene atì nek hùk. At he Ìrìpìka eagwì re, inopase Isak ninapu omakeat atì nen ap inebe pìre taginapike.

2 KORÌTÙT 8:19

Atì nek hùk. It Ala againapùrì nen it atì leberisùogolùk hisaga mene atì, at atì ninom en atogorogo hìlìk wogisa loagalùk menhagaat o. Atì'nogo wogisa laganem, ninoe Etagepogot hogoratì logolìk, “It Paùlùt lak inoabùt he, it aike leberisasak elok werek,” ìlùk enagat asigin atì.