ÙRÙM 5:2 - Ala Ane Wene Ket Mene Warogo Wo'ninapike Wene

² Nit ninetaùken Yesùt oba hìpìrethesugu atì baat, at en Ala oabùt hano nen hano'ninaperek atì a'ma hinikomo atì ba hakothìlìk welago. Logolìk, Ala hogorato motok welagaikarek atì hak, nit atì'nogoat hogo'ninabigin o, ìlùk nina'la hai hakìkì lago.

ÙRÙM 5:2 ပူးပေါင်းရင်းမြစ်များ

EPESÙT 3:12

Nit ninetaùken at oba hìpìrethìlìk, at ninom hutik logolìk, ninayù'lek hogo ninetaùken hapuk hogo Ala oba kusak atì.

1 KORÌTÙT 15:1

Nerùgì nagaiya'lak. Yogotak he, an nen wene aike hina'la ebethisak. An nen hano wene yogohisa wagagimo re, wanhigisip he, hinetaùken hano wene atì ha wurik agagisip welagep atì.

1 PETERÙT 3:18

Nit apùnì weak hagatorek atì hesik nineki elùgùn oba, at Karìsùt hobuk wa'lagì'lek logoigìlùk omake hesigat wa'lagaike. Ninebe Ala oba wo'nisek lagalùk he, at oabùt higit hagaterek mene nen, nit ninoabùt kolo hagatorek mene hesik wa'lagaike atì. Ebe nit apùnì mene atì wasukwama wa'lagaike meneat he, areagùn mene atì Ala nen eluguthesike atì.

ÙRÙM 12:12

Hit en he, “Hobuk at Ala nen hano hagasigin werek o,” ìlùk, hina'la hai hakìlìk, yì aik tì aik hìkì logolìk he, hinepe morogo sapan kamo igì'lek iko motok logoino o.

IBERANI 3:6

Meneat he, at Yesùt enek he, Ala ebe aput nogo nen he, at esewerek enat hagaterek. Nit hano'ninabigin wene atì hesik ninetaùken ning hogo oba hìpìrìk motok logogun halok he, Ala awì wùrìk atì, nit ninebeat o.

2 TESALONIKA 2:16

At ninoe Etagepogot Yesùt Karìsùt, ninopase Ala eperak inoabùt hano a'nogo nen, inetawì'ninapukwasik, ninetaùken abolo'lek motok logouagalùk ago wathinìgìk, hano asigin ìlùk oba eberek logouagalùk nina'la kagalhìk, egarek.

YOHANET 10:9

Kwe re, an nebeat o. Sa nen an nebe ba kike halok, ebe tegelek hano motok logolìk, wùlhìk-kìgìk ìkì logolìk he, eka hano mene nek nìkì logogin o.

2 KORÌTÙT 4:17

Nit yogotak, yì aik tì aik haga'ninabì'lùgì atì re, elama hesik hamùlùgat negen o. Meneat he, atì'nogo haga'ninabì'lùgì atì ba, hobuk hogoratarek mene esok motok logogin mene motok hùkoat ese asugun o.

YOHANET 5:24

“It apùnì aike nen, an nane wanhì logolìk, inetaùken an lakhani wagaike mene a'nogo oba hìpìrethogoin halok, apùnì wa'la'lùk lagaikarek ero hebisalùk ineluk motok logogun mene ero ba arat wagaikasik werek o. Ineluk motok logogun mene ese agaikasik werek atì nen he, hobuk ùkùm inoba hegein lek o, ìlùk eberogoat yogohisìgì.

ÙRÙM 15:13

“Hobuk hano asigin,” ìlùk nina'la hai hakogorek atì, ero at Ala nenat haga'ninaperek. Hit atì'nogo hina'la hai hùkorogo hakìkì logouagalùk Ala Areagùn omame ba hagathinabuak. Atì'nogo hagathinabuak en he, hinetaùken at oba hìpìrethesigip atì ba hakothìlìk were'ma, at en hina'la hai apik hakìkì logouagalùk hagathinapìk, hinetaùken hapuguthinapìk, uak o.

ABÌKAKAN 21:23

Nen, o kota atoma Ala apopok yatìk, Topa Eak a'nogo esage hake yatìk, lìarogo yato kolek nogo nen he, mo mel, tugi mel, yatì logousak legat welaga hìgì.

ABÌKAKAN 21:3

Atì'nogo hìgìrìk oba nen, hobuk nasuk holhì hak he, at Ala kain welagarek obùlùk oba a'nogo nen, at aike ane hùkorogo ìkì logolìk: “Lakhani! Ala apùnì inom motok logogin mene, awì a'lì lakhani! Atì'nogo logolìk, it at againapùrìat logogun, nen, at Ala it inopase oba hìpìrìk logogun meneat logolìk, inom motok logogun o.

ÙRÙM 5:5

Hano asigin ìlùk nina'la hai hakìkì lago atì ba, Ala nen Areagùn wo'nisasikomo nina'la logolìk, i hinatarek hak, Ala nen etawì'ninaperek mene atì nina'la hùkorogo hinikerek atì ba ninayù'lek welago.

ÙRÙM 3:23

Nit apùnì obogat hageat en weak hagatorek atì ba, Ala ebe hogorato motok welagaikarek mene atì heraksalùk ninalepma walegat asi lagagusik welago.

ÙRÙM 2:7

At Ala nen he, it apùnì o'moko nen inebe hogorinaparek mene mel, agaugerinaparek mane mel, hili agarek lek mene mel, ese asuogolùk inepe morogo logolìk inoabùt higit hagatarek mene hùgì, inebe ineluk motok logouagalùk hagarinabigin.

YOHANET 14:6

at Yesùt en he, mel yogosike: “Kwe mel, ebe wene mel, inelugurinapìrek mel, atì an nebeat o. At sa nen an noba wagì'lek halok, nopase were'ma pìkìt kusak motok mea o,” ìlùk yogosikesik,

YOHANET 10:7

Atì'nogo hùthìgì'lek werek kolek, hobuk at Yesùt en he, mel yogoisasike: “Wene eberogoat aike yogohisak. Wam topa wam atì inakwe re, an nebeat o.

ABÌKAKAN 21:11

O kota atì re, Ala ebe apipin hogoratarek hagatma re, apipin helep amùlìreak oko apik palharek mene etage pailuri pandan elokoken muliak hano inapùnak hake mene hìgì.

ABÌKAKAN 3:21

“An arat nomame agagimo, nopase kain welagarek obùlùk oba neperak welago yì hak, sa nen omame asigin halok, an kain welagìrek nobùlùk oba neperak logouogolùk menhegein o,

IBERANI 6:18

Wene hopuk palogo yogoisasike atì re, nit Ala awe a'ma ki wago mene hùgì nina'la nen, “Hano'ninabigin,” ìlùk eberek welago mene ninetaùken hapuk hogo logouagalùk nirat yogonisasike. Abok ìgìk, hopuk palhìk, wene pìre isike atì, nit en he, Ala apeliak ikerek motok lek, ìlùk ninetaùken hapuk hogo logouagalùk yogonisasike atì.

ÙRÙM 8:24

Atì'nogo haga'ninabigin o, ìlùk akikenem, Ala nen telninapikomo welago. Mene re, sa hak en, “Hobuk tì'nogo haga'lasigin,” ìlùk a'la akiko were'ma, ebe arat haga'laganem eileken hìlìgat he, hobuk a'la akikoat logousak nogo? Atì'nogo aike welagaikarek lek atì nen he, nit en, “Hobuk tì'nogo haga'lasigin,” ìlùk akìkì lago mene atì, ebe arat haga'laganem en, nineileken hogo halok he, nina'la akiko motogat logousak lek o.

ÙRÙM 8:1

Yogotak nit Karìsùt Yesùt ninom hutik welago mene hùgì Ala nen ùkùm ninoba hìlìk weaga'ninabigin lek o.

LAKSASIKE 14:27

O Atiokia lìlìk, Ala againapùrì atogorinabìk he, mel yogoisasukwa: “Nit Ala ninom en yì'nogo hagato, tì'nogo hagato,” ìlùk wene pìlìngìrogo yogoisìkì logolìk mel yogoisasukwa: “It apùnì etakwe mene wene atì eberogoat ìlùk wanuagalùk, Ala nen kwe hùthikomo elok wanusak werek o,” ìlùk yogoisasukwa.

MATÌÙT 25:21

at oe a'nogo nen he, Nagot wa! Hano motok. Hat hoabùt hùpùn nogo nen he, higit hogo motok hagatì lagenma hìgì o. Hamùlùgat meneat he, wokhetì mene hùpùn hogo hesogo welagen atì nen he, hobuk motok apik hesogo logoinok ìlùk, menhagalìk wokhesigin o. An hoe na'la hai hakìkì lagì atì hak, neperagat nina'la hai hakùok en, ki me o, ìlùk yogosike.

EPESÙT 6:13

Halok he, weak mene nen weagathinabi waganem weim hineil haroweak metegat logopik, arat yabìk metek logouogolùk, sìng ìtarek hak Ala nen yì mene tì mene wo'nisikerek atì mene ì'no.

2 KORÌTÙT 3:18

Ineileken inapùnak oba it apùnì aike inebe pìkìrat lagisagarek atì hak, nit obogat ninelokoken apumeke laberek le'ma re, apùnì nen ninoe Etagepogot hogoratarek mene atì apùnak negen ineileken la'nisìlì'lùgì. Nit ninebe at ninoe hake asuagalùk he, hobugalep haga'ninapo motok were'ma re, hogo'ninabusak negen aga lago. At Ala Areagùn atì ebe Etagepogot atma at enat haga'ninabì'logo.

ÙRÙM 14:4

Ap aike inatitigeke meneat he, hit en he, ùkùm inoba housak nogo? “At yì weak hagate. Hù'la'nìk,” nen, “At atì hano hagate, metek logonìk,” ìlùk it inoe kain atì nenat usak o. Mene re, metek logouagalùk he, ninoe Etagepogot en yogoisasak elok mene nenat yogoisamo metek logogun o.

ÙRÙM 11:20

Atì'nogo higirat akìkì lagep meneat he, hina'la ebe'ni. It inetaùken Ala oba hìpìrethìgì'lek en palogo laksasike. Mene re, hit enek he, hinetaùken Ala oba hìpìrethesigip atì nen wokhinapikomo welagep atì. Halok he, hinokawerek en hogorakìgì'lek, hinayùk hogo logoino.