ÙRÙM 4:2 - Ala Ane Wene Ket Mene Warogo Wo'ninapike Wene

² At okawerek en hano aike hagasike ba, Ala nen, “Ùkùm hoba mene korogo wokhìgìrìk, hapotkwe neperak hùnogo hagagì o,” ìlùk yogo'lepma re, okawerek en hogorakelep o. Mene re, Ala eilhanem hogorakasak mea welagaike atì.

ÙRÙM 4:2 ပူးပေါင်းရင်းမြစ်များ

1 KORÌTÙT 1:31

Atì nenat he, Ala ane helal waganogo hìkì logolìk he: “Apùnì nen yì hesik tì hesik hogorakùogolùkk halok he, ninoe Etagepogot hagasike atì hesik hogorasusak o,” i ìlùk isukwama helal waganogo hesukwa.

2 KORÌTÙT 11:30

Mene re, hogorakasak halok he, an nebe maben ìlùk hogorakasak o.

EPESÙT 2:9

Hit en, “Nit hano hagatì lagagu ba telninapike,” ìlùk, hit aike hinokawerek en hogorakasak motok lek o.

KALATIA 3:22

Ala ane ba helal waganogo hìkì logolìk he, “Apùnì hinebe obogat weak hagatì lagep mene atì ba, hineki hele homago hake welagep,” ìlùk, yogonisasike atì, nit ninetaùken Yesùt Karìsùt oba hìpìrethoumo, Ala nen abok isike mene a'nogo re, nit ninetaùken at oba hìpìrethogoin mene hùgì wo'nisagalùk isike atì.

1 KORÌTÙT 9:16

Hano wene yogoisìlìk nìgìrek atì re, yogoisasak meneat yogoisìlìk nìgìrek atì nen he, hogorakasak motok lek o. Yogoisìgì'lek kamo umo re, eige. Nokawerek nebe alema'lasusak o.

1 KORÌTÙT 1:29

Atì nen he, nit apùnì ninokawerek en Ala eilhanem hogorakasak lek o.

2 KORÌTÙT 5:12

Atì re, hit en nit hogo'ninabuageip ìlùk ninokawerek en agaugerakìkì lago lek o. We, it apùnì aike inetaùken hesik he, hogorakìgì'lek, inogat etakwe hesik hogorakikenem he, hit en oko nit ninabok hano ìkì logolìk agauge'ninabuageip en ìlùk yogohisìgì o.

ÙRÙM 15:17

Karìsùt Yesùt neperak hutik logolìk he, Ala hesik hano hagatì lagì o, ìlùk hogorakasak elok o.

2 KORÌTÙT 11:12

It aike Karìsùt en inayoko hìlìk laksa wagaike mene salek wagaikasik hagarì'lùgì mene atì nen he: “Nit Paùlùt m'nom higit o,” ìlùk ìkì logolìk hogorakìlì'lùgì mene atì, inane tokok uagalùk an yogotak hagatì lagì mene yì re, hagato motok logogin o.

1 KORÌTÙT 4:7

“It aike atì mea mene re, aike atì nek he, esin motok, ìlùk ìkì logoino,” ìlùk sa nen yakùlhisasikomo ìkì lagep. Hit hinagarok yì mene tì mene helìkì lagep atì, Ala nenat wokhisikerek lek nogo? At enat wokhisikerek o. Atì'nogo wokhisikenem helìkì lagep meneat he, hit en elalhep mene salek hinokawerek en hogorakìkì lagep atì nenahalok.