ÙRÙM 3:9 - Ala Ane Wene Ket Mene Warogo Wo'ninapike Wene

⁹ Halok he, nit Yahuri mane nek he, hano aga kolek, it etakwe mane nong asugun usak nogo? Motok lek o. Apùnì Yahuri mene lek, Yunani mene lek, obogat lapuk hogo weak mene awe a'ma logolìk weak hagatarek enek ìlùk alep yogohisìgì atì.

ÙRÙM 3:9 ပူးပေါင်းရင်းမြစ်များ

KALATIA 3:22

Ala ane ba helal waganogo hìkì logolìk he, “Apùnì hinebe obogat weak hagatì lagep mene atì ba, hineki hele homago hake welagep,” ìlùk, yogonisasike atì, nit ninetaùken Yesùt Karìsùt oba hìpìrethoumo, Ala nen abok isike mene a'nogo re, nit ninetaùken at oba hìpìrethogoin mene hùgì wo'nisagalùk isike atì.

ÙRÙM 6:15

Halok he, wene atì elùgùn oba re, nìkì'nogo usak? Nit ninebe wene Ala nen ninasuk wasike wene a'nogo oba hìpìrìk welago lek. We, Ala oabùt hano nen etawì'ninaperek atì oba hìpìrìk welago atì nen he, weak hagatì logousak nogo? Motok lek o.

ÙRÙM 11:32

At Ala nenat he, apùnì weak hagatenem ineki hele hobuk hikaluogolùk warogo hisagarek atì hak, apùnì inebe obogat etawìrinabigìlùk he, inebe obogat at en at ane hologo hagatì'lek en hokole'ma hisasike atì.

ÙRÙM 3:19

Wene Ala nen ninasuk wasike wene atì, it hologo logousak mene nek yogoisasike, ìlùk nit ninelu. Ala aligat en apùnì o yì awì tì awì obogat ùkùm inoba hìgìk, kotìk, ikenem, at aike nen ùkùm oba korasak mea asuagalùk ninasuk wasike atì.

PILIPI 1:18

Mene re, it aike nen inetaùken pìre logolìk yogoisìgìk, it aike nen inetaùken omakeat logolìk yogoisìgìk, ìlì'lùgì meneat he, wene Karìsùt hesigat yogoisìlì'lùgì halok, yùgùnat. Na'la hai hakìkì lagì. Yì'nogo haga'napo were'ma, hit en sapan an hesik ìkì logoumo re, Yesùt Karìsùt Areagùn nen an lebe'niiko kolek, Ala nen telnabigin ìlùk an nelu logolìgat, na'la hai hakìkì logoginat o.

KALATIA 3:10

Nen, Ala nen mel isikomo helal waganogo hesukwa: “Wene an nen inasuk wasigimo helal waganek werek atì obogat apùnì inasuk holìk he, higit hogo hagatarek lek halok, inebe lopok homan hisegein werek o,” ìlùk isikomo, helal waganogo hesukwa hak, it apùnì aike nen wene Ala nen ninasuk wasike wene a'nogo higit hogo hagasuogolùk, inetaùken atì ba hìpìrethìlìk welagaikerek mene hùgì, Ala nen homan hisegein weregat o.

1 KORÌTÙT 14:15

Halok he, an nìkì'nogo hagasik. Yì'nogo hagasigin. Sapan atì re, Ala Areagùn nen yogoneto kolek inane nokot mene ba elalinat ìgìk, ninokawerek ninane ba netaùken hùthìlìk en ìgìk, igin o. Nen, wùni atì re, Ala Areagùn nen yogoneto kolek inane nokot mene ba elalinat watìk, ninokawerek ninane ba netaùken hùthìlìk en watìk, iginat o.

1 KORÌTÙT 10:19

Halok he, nena igin. Tùgì hareken atì ebe mene igin? At ako waretarek mene kùrìk atì ebe mene igin? Lek o.

1 KORÌTÙT 4:7

“It aike atì mea mene re, aike atì nek he, esin motok, ìlùk ìkì logoino,” ìlùk sa nen yakùlhisasikomo ìkì lagep. Hit hinagarok yì mene tì mene helìkì lagep atì, Ala nenat wokhisikerek lek nogo? At enat wokhisikerek o. Atì'nogo wokhisikenem helìkì lagep meneat he, hit en elalhep mene salek hinokawerek en hogorakìkì lagep atì nenahalok.

ÙRÙM 11:7

Halok he, nit en wene nìkì'nogo ugun? It apùnì Isirael mene hano mene esewerek asuogolùk ning hogo hagatì lagaukwa meneat he, ebe ese agì'lek. We, it aike inebe hamùlùgat Ala nen wenaginapike mene hùgì hano mene esewerek aga kolegat he, inebe hùkokwe inetaùken ningethesike.

ÙRÙM 3:5

Meme re, nit apùnì nen he, ninoabùt kolo hagatorek atì ba nen he, Ala oabùt higit hogo hagaterek ìlùk enagat haga'lagarek halok, nìkì'nogo usak. Apùnì nen egarek hak ik. At Ala a'mage lagalìk weagarinaperek atì kolo nogo?

ÙRÙM 1:18

Apùnì nen he, Ala ebe inobaken nen hìgìk heraksìlìk, inoabùt koloat hagatì logolìk, ebe wene apùnì aike inelu asinogo ìlùk sebelì'lùgì atì nen he, Ala a'mage lagalìk pogot oba nen sele'mathesike.

LUKAT 7:39

Atì'nogo hagatenem, ap Parisi mene nen, “Yesùt, sùpùrùk neperak nùok,” ayoko hesike mene a'nogo a'la nen mel akasike, “Ap yì Ala ane yogoisikerek mene logoilepma re, He yì weak hagaterek mene nen haga'nape, ìlùk enagat hùtheilep,” ìlùk a'la akikenem,

ÙRÙM 2:1

Atì halok he, hit nerùgì nagaiya'lak yì. Ùkùm it aike nek inoba hìkì logolìk he, hit hinokawerek hinoba nokolasak mea o. Atì'nogo ùkùm it aike inoba hìkì logolìgat he, hit en it hinom higirat hagatì lagep yoma rì! Hinokawerek en ùkùm hinoba motok hakìkì lagep o.

ÙRÙM 3:1

Atì'nogo meneat he, it apùnì aike nen he, “It Yahuri mene hano,” ìlùk ìlì'lùgì atì, nenahalok ìlì'lùgì akegep. Nen, inogat inekalìma mene atì nenahalok palharek akegep.

ÙRÙM 7:14

Wene Ala nen ninasuk wasike wene atì, at Areagùn nen yogonisasikesi'mo nogo nen he, hano motok, ìlùk ninelu. Mene re, an noabùt he, apùnì inoabùt inesok meneat welagì. Weak hagatarek atì mene nen awe a'ma hanigìlùk oko palogo negen wo'napikomo welagì.