Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ÙRÙM 2:8 - Ala Ane Wene Ket Mene Warogo Wo'ninapike Wene

8 Atì'nogo meneat he, it apùnì o'moko nen inokawerek hesik enek hagatì logolìk, ebe wene ikenem inasuk hologo hagatì'lek heraksìlìk, weak wene nek inasuk hologo hagatarek mene atì, Ala a'mage heperìlìk ùkùm hùkorogo inoba hegein o.

အခန်းကိုကြည့်ပါ။ ကော်ပီ




ÙRÙM 2:8
34 ပူးပေါင်းရင်းမြစ်များ  

Atì'nogo ikenem he, o sili hùko a'nogo kweang pak hogo 3 mogologo haga'lagìk, apùnì inùkùl etage lopok Ala ebe inokot mene inawì sili lopok obogat tukwak-lapuk hogo yeloken tagalagìk, ikenem, Ala nen he, “An na'mage apik anggur amusu hinago negen a'nogo, at o Pabel hùko a'nogo wogosigin,” ìlùk abok yogosike mene atì a'la ebetesik, wogotì laga hìgì.


Ala nen ninanema waganogo ùkùm ninoba hìgìk, kotik, igin atì arat horogat asi waga. Atì'nogo hagatì logolìk he, nit Ala againapùrì mene tak ninanema waganogo ùkùm ninoba hìgìk, kotìk, ìgìn halok, hobuk it apùnì aike Ala ane hano wene wanhì'lek mene nìkì'nogo hagarinabigin akegep.


apùnì nen, i inom lek, we anggur eken amusu nek ale weak hinatharek atì hak, Ala a'mage hit etawìthinapì'lek, ùkùm ning hogo hinoba hegein o. Atì'nogo hinoba hìlìk, nit malaikat Ala hesik welagorek mene mel, Topa Eak a'nogo mel, nineilhanem hinebe, etu mel, hetalì al hake obasi weak mene etage belerang mel, inom-inom nikere'ma atoma lakhikamo, heinet wato motok logogun o.


At Aberaham hogo re, Ala nen ayoko hìlìk, “Hat o aike ese logoinogolùk wokhesik en he, lano,” ìlùk abok yogosikomo, at en he, “Wene atì eberogoat,” ìlùk etaùken Ala oba hìpìrethìlìk o koma legein heat okot logolìgat wagaike.


Ala a'mage lagalìk o elùgùn oba ùkùm inoba hìgìk, kotìk, igin atì ba, at aselei mene hùgì inebe etu aik oba inoatì logolìk, nit at ane heraksìlìk weak hagatì logogun halok, ninomat ninoasinogo ìlùk, nit en hùthìlìk ninayùk hogoat logouok o.


Atì'nogo yakùlhì logolìk, elugùn warogo katok hogo hagasikomo, nit at ane hologo logogun mene hùgì ninebe obogat nineluk moto'-motok logouagalùk at ebe telninapùkwe mene ero hagarogo hesike atì.


Mene re, apùnì inetaùken lek en wene serep agaikarek atì mel, inebe ta'larìk wagaukwa mene ero ba nen pìlìngìtarek atì mel, Ala nen ninasuk wasike wene a'nogo hesik, wene palharesik apùnì inom weak agaikarek atì mel, obogat atì ba hano asigin le'ma, we, tùlemat ìlì'lùgì ìlùk, hat en heraksìkì logoino.


Mene re, it aike nen he, atì hesik wene palusak werek halok he, nit mel, Ala againapùrì o yì awì tì awì atogotarek mene mel, hùnogoat hagatì'lek, atì'nogoat hagatorek o.


An nen wene hùnogoat wene u nayùk. We, it apùnì etakwe mene Ala nen awe a'ma hisoagalùk he, at Karìsùt en nayoko hìlìk wene ìgìk, eki nen hagatìk, ìlìk wagaike atì nayù'legat igin.


Mene re, apùnì inebe obogat hano wene atìat wanu mene re, it he'nakìt wanhì'lek werek o. At Yesaya nen he, Ala mel yogosike: “Ninopase. Nit en wene yogoisikenem he, sa nen wene atì eberogoat ìlùk hùthike nogo. Hùthìgì'lek enek werek o,” ìlùk yogosike.


Atì hak, at Ala a'la akìkì logolìk he: “Apùnì an nen elalinapigi meneat he, it aike na'mage lìabì'lùgì atì nen, weagarinabigìlùk, na'mage lagaike mene atì, it en noabùt palhìk, nomame werek atì, inelu agìk, uak o,” ìlùk epe morogo welagarek.


Hit alep he, weak hagatarek atì awe a'ma kìlìk were'ma, hobuk, wene yakùlhisikenem, wene atì hinetaùkenma wanhigip atì nen he, Ala hai wasuok o.


Apùnì nen he, Ala ebe inobaken nen hìgìk heraksìlìk, inoabùt koloat hagatì logolìk, ebe wene apùnì aike inelu asinogo ìlùk sebelì'lùgì atì nen he, Ala a'mage lagalìk pogot oba nen sele'mathesike.


Ati hak, hit hìmì aike hinagonì Ala ane wanhì'lek mene hinane yogoisogoin oba hùk. We, hinoabùt hineil lopok hogo hinagonì inane hologo hagatenem, it en ineileken hisìlìk, Ala werekwe wìrìk ane wanuagalùk, hinokawerek hinagonì lopok inawe a'ma kìlìk inane hologo hagatì logoino o.


An hobuk hinoba wesigin atì wìrìk he, an nen, “It inoabùt hano were'ma legein,” ìlùk akìkì lagì hak, lek. We, weak were'ma hisa wagìk, nen, hit en he, “At Paùlùt oabùt hano,” ìlùk egesep hak, lek. We, weak logolìk hisa wagìk, inogo ìlùk, nalabut hìrì'logo. Hit-hit hinom weak welagìk, ua palhìk, hina'mage lagagìk, hinokawerek hesik enek hagatìk, inabok weak weinam palhìk, hinagasogo palhìk, hinokawerek en hogorakìgìk, yùgùneke-yaganeke hagatìk, ikenem an wesusak atì, nayùk.


tùgì hareken oba hìpìrìk logolìk hagatìk, apùnì aike inebe weak asuagalùk wesarogo hagatìk, apùnì aike inom weim palek hagatìk, serep agìk, ua palhìk, ina'mage hakoksek welagìk, inokawerek hesik enek esin hogo hagarìgìk, apùnì inebe omakeat mene inom hùlì-hùlì hagatìk, hek-hek hagatìk,


Meneat he, it o'moko ua palì'lùgì mene atì nen, wene Karìsùt hesik yogoisìlì'lùgì atì, inetaùken omakeat logolìk yogoisìlì'lùgìi hùk. We, ina'la nen he, “Paùlùt eki hele warek werek atì, ebe weak asuak,” ìlùk, inokawerek inetage hùko asuagalùgat yogoisìlì'lùgì atì.


Yì mene ti mene hagasuogolùk, hina'la nen he, “An enek hanorogo hagatì logogin,” ìlùk, hinokawerek en agauk hogo hagatì logogùp o. Hina'la nen hogorakìgì'legat, “It aike hano. An he, mea,” ìlùk, akìkì logoino.


Mene re, hina'la kolo arìk ua palhìk, hinokawerek hesik enek ebetìk, ìkì logolìk he, hinokawerek en, “An hano,” ìlùk hogorakìkì logogùp o. Atì'nogo hagasugun halok, Ala ane ebe wene atì mene sagalogo hinapeliak en ugun atì usak lek o.


Ina'la kolo arìk ua palhìk, inokawerek hesik enek oba ebetìk, ikenem he, inane hùkoat sagalhìk, yì weak tì weak hagatìk, egarek atì.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ