ÙRÙM 16:3 - Ala Ane Wene Ket Mene Warogo Wo'ninapike Wene

³ Nen, aike re, he Perisikila agùn Akwila eperak ninom Karìsùt Yesùt hesik hagatì lagosik wagaika mene a'naga Paùlùt en hai wathinape ìlùk yogoisano o.

ÙRÙM 16:3 ပူးပေါင်းရင်းမြစ်များ

2 TIMOTÌÙT 4:19

He Perisikila ho, agùn Akwila ho, at Onesiporùt againapùrì lnebe obogat inom, “Paùlùt en hai wathinape,” ìlùk yogoisano.

1 KORÌTÙT 16:19

Ala againapùrì o propinsi Asia ya ta atogorì'lùgì mene yoma nen hit hai wathinapa o. Ap Akwila agwe Perisikila eperagat, nen, Ala againapùrì it inaua atogorì'lùgì mene inomat en, ninoe Etagepogot inom hutik logolìk hai apik wathinapaat o.

LAKSASIKE 18:26

Yesùt ane wanhikesik he, o it apùnì Yahuri mene sapan ìkì lagaukwa ba kìlìk, ayù'lek logolìk, wene pak hogo yogoisìkì lagaike. Yogoisikenem he, it he Perisikila agùn Akwila eperak inasuk holhukwasik, ebe wolok inaua lìlìk he, Ala nen at opolik laga logouagalùk a'la akikerek wene atì tùkùm hogo yakùletì lagaukwa.

1 KORÌTÙT 16:16

It inoabùt hake halok, it aike it inom ning hogoat hagato halok he, obogat inawe a'ma kìlìk inane hologo logoino o.

ÙRÙM 16:9

At Ùrùpanùt atì ninomat Karìsùt hesik hagatì lagagu mene atì ho, Isitakìt netawì mene atì ho, “At en hai wathinape,” ìlùk yogoisanoat o.

ÙRÙM 8:1

Yogotak nit Karìsùt Yesùt ninom hutik welago mene hùgì Ala nen ùkùm ninoba hìlìk weaga'ninabigin lek o.

ÙRÙM 8:2

An alep he, weak hagataresik elùgùn oba inebe motok wa'lagaikarek atì mene nen hele warogo negen ha'narek welagaike. Atì'nogo were'ma, hobuk Ala Areagùn nen Karìsùt Yesùt ninom hunogo hinìkì logolìk ninelugu'ninaperek a'nogo nen hele hikalogo hanhikomo welagì.

ÙRÙM 8:11

At Ala nen he, Karìsùt Yesùt wa'lagaikesi'mo eluguthesikomo re, at Areagùn hina'la logolìk he, hinebe hinogat wa'lagasep mene yì hineluguthinabiginat. Atì re, at Areagùn nen Karìsùt ebe wa'lagaikesi'mo eluguthesike a'nogo hina'la welagarek atì nen hineluguthinabigin o.

ÙRÙM 16:4

It an telnabuogolùk laganem, inoa'lep atì nen, “Netawìlak e,” ìlùk an enek hai warinapì lagì hùk. It apùnì Ala againapùrì etakwe mene mel, inebe obogat ninom enat hai warinapì lago o.

ÙRÙM 16:7

At Ateronikùt, Yuniat eperak, “At en hai wathinape,” ìlùk yogoisanoat o. It he, an ninom ninùkùl omakeat mene nineki hele ninom warek welagagusik Apùnì apigat negen Karìsùt en inayoko hìlìk laksa wagaike meneat he, inetagewerek he, irat o. It tak inetaùken Karìsùt oba hìpìrethesukwasi'mo nen, an hobuk hìpìrethesigi.

ÙRÙM 16:10

At Apelet Karìsùt eperak hutik logolìk hùpùn hogo hagatenem oabùt hano palì'lùgì mene atì, “At en hai wathape,” ìlùk yogotìk, Arisitobùlùt againapùrì atì, “At en hai wathinape,” ìlùk yogoisìgìk, inoat o.

2 KORÌTÙT 5:17

Apùnì inebe Karìsùt inom hutik werek halok he, inoabùt ket mene elalinapomo werek o. Alep mene legat aga. Hobuk ket mene haga'laga.

2 KORÌTÙT 12:2

An 14 tahun alebat neileken hasigi mene it aike inoba lìrogo igin o. Ap aike Karìsùt eperak hutik welagaike mene Ala nen pogot hùlì pìre sekelek hebìlùk hùlì aike po atoma ba lìakhesike atì nelu. At atì ebeat lìakhesike he a? Areagùn lìakhesike he a. An nokot. Nopase Ala at elu o.

KALATIA 1:22

Ati sat he, it Ala againapùrì Karìsùt inom hutik logolìk, o Yurea atogotì lagaukwa mene nen an nebe inokorat welagaukwa.

PILIPI 2:25

At ninagaiyak Epaporolìtùt an Ala hesik naligat en hagasusak mea were'ma, lebe'neoagalùk noba lakhei wagagipmo re, weim yapì logolìk ning hogo yaparek hak, neperak Ala hesik ning hogo hagatì lagosik he, hobuk apotkwe hinoba lakhei wesigin akìkì lagìat o.

KOLOSE 4:11

At Yùsìtùt, etage aike Yesùt a'nogo nen, hai wathinapeat o. Inogat inekalìma mene palek mene re, inebe hìnagan atem enek Ala awe a'ma logogun wene a'nogo ninom en yogoisìkì logolìk lebe'niikenem na'la hano arì'logo.