ÙRÙM 10:3 - Ala Ane Wene Ket Mene Warogo Wo'ninapike Wene

³ It be, Ala nen ùkùm inoba mene korogo wokhìlìk hobuk inapotkwe inom hùnogo hisoagalùk, at awe a'ma kìlìk logolìk hagasusak mene inokot en hagatì'lek welagaukwa. We, inokawerek ina'la nen akalùk inomamerogo hagatì lagaukwa atì.

ÙRÙM 10:3 ပူးပေါင်းရင်းမြစ်များ

LUKAT 16:15

Atì'nogo isukwama re, at Yesùt en it yogoisìkì logolìk he: “An higit hagatì lagì, ìlùk apùnì ineilhanem hinoabùt higit mene hake hagatì lagep. Meneat he, Ala nen hinetaùken motok elu o. Yì mene tì mene it apùnì nen hano ìlùk esinetsagarek mene atì re, at Ala motok apsìrì o.

2 KORÌTÙT 5:21

Nit Karìsùt ninom hùneto halok, at Ala nen okawerek ninom ninapotkwe lapuk hogo hinagalùk, nit hesigat nit ninoabùt weak hagatorek mane atì, at Karìsùt weak hagatì'lek mene oba hesike atì.

ÙRÙM 5:19

Ap omakeat en Ala ane hologo hagatì'lek weak hagasike atì ba re, apùnì inebe apigat weak hagarìk wagaikarek atì hak, ap omakeat en, Ala ane hologo hagasike atì ba re, apùnì ninebe apigat ùkùm ninoba mene korogo wokhasikomo Ala a'la walok mene hagatì logogun atì.

ÙRÙM 1:17

Ala nen mel isikomo helal waganogo hìkì logolìk he: “Hinetaùken an noba hìpìrìk logogun atì ba, an nen ùkùm hinoba mene korogo wokhìlìk, ninom hobuk hinapotkwe hùnogo hikegein mene hùgì hineluk motok logogun o,” ìlùk isikomo helal waganogo hesukwa hagat, Ala ninom hobuk ninapotkwe tì'nogo hùne'lasusak, ìlùk, hano wene atì ba sele'mathesike. Ala ninom hobuk ninapotkwe hùne'lasusak wene atì ebe re, hunigat aike hagasugun oba nen hùk. We, ninetaùken at oba hìpìrethìlìk ero ba nen pìkìt hùlì erepùl oba logogun atì ba, Ala ninom hobuk ninapotkwe hùne'larìk logogun o.

LUKAT 10:29

at ap a'nogo a'la nen he, “Yesùt en, Ap atì hano hagaterek mene, ìlùk akoak,” ìlùk, mel yogosike: “Apùnì ninom welagorek mene netaùken hutik logousak atì, inebe sani,” ìlùk atì'nogo yogosikomo,

2 PETERÙT 1:1

Nerùgì nagaiya'lak. An Simon Peterùt Yesùt Karìsùt en, at atitigeke logouagalùk nayoko hìlìk lakhani wagaikomo wagagi. Ati re, at ebe Ala at logolìk, oabùt higit hogo nek hagaterek a'nogo nen, hit ninom higit hogoat ninetaùken at oba hìpìrethikenem telninabì'logo mene hùgì, wene yì helal waganogo hinoba lakhei wagì atì.

ÙRÙM 10:2

It en he, Ala hesik inomamerogo hagarì'lùgì meneat he, inoabùt he, nelu. Eberogoat hagasusak mene inelu logolìk hagarì'lùgì hùk.

ÙRÙM 10:20

Nen, hobuk Ala nen he, wene aike mel isike: “Apùnì an nebe hera'nabi'lùgì lek mene nen, hera'napa o. Nen, apùnì an noba hinok wo'napì'lek mene nen, nebe neoagalùk nokawerek en inelokoma melagì o,” ìlùk isikomo, Yesaya nen ayù'legat yogoisasike.

ÙRÙM 11:7

Halok he, nit en wene nìkì'nogo ugun? It apùnì Isirael mene hano mene esewerek asuogolùk ning hogo hagatì lagaukwa meneat he, ebe ese agì'lek. We, it aike inebe hamùlùgat Ala nen wenaginapike mene hùgì hano mene esewerek aga kolegat he, inebe hùkokwe inetaùken ningethesike.