ÙRÙM 10:2 - Ala Ane Wene Ket Mene Warogo Wo'ninapike Wene

² It en he, Ala hesik inomamerogo hagarì'lùgì meneat he, inoabùt he, nelu. Eberogoat hagasusak mene inelu logolìk hagarì'lùgì hùk.

ÙRÙM 10:2 ပူးပေါင်းရင်းမြစ်များ

LAKSASIKE 21:20

Yogoisasikomo, Ala hagasike mene atì hogorasukwa. Hogorasukwasik, Paùlùt yogotì logolìk he, “Paùlùt nagaiyak. Apùnì Yahuri mene inebe 1.000 hake nek hùk. Motok apigat inetaùken Yesùt oba hìpìrethagasik werek o. Logolìk he, wene Ala nen ninasuk wasike wene a'nogo it obogat en hesogo logouogolùk inomamerogo hagarì'lùgì atì hat helu akìgì.

PILIPI 3:6

Ala hesik akiluk hogo hagatarek mene atì, an atì'nogoat hano hagatì lagì salek, Ala againapùrì inetaùken Yesùt oba hìpìrethesukwa mene yì aik tì aik hagarinabìk nìkì lagagi atì. Atì'nogo hagatì logolìk, wene Ala nen ninasuk wasike wene a'nogo higit hogo hagatarek atì, an motok higit hogo hagatenem, apùnì aike nen ùkùm noba housak legat tegelek motok welagagi

PILIPI 1:9

An nen sapan hit hesik ìkì logolìk, mel ìkì lagì: “Yì mene tì mene awì yatenem ero hùko arìk wùlùperek hak, hit ebe wene tùkùm hogo hinelu agìk, hùthìgìk, ìkì logolìk, apùnì inebe hinetawìrogo welagep atì mene hùkorogoat hinetawìrinapì logouageip en,” ìlùk, sapan ìkì lagìat o.

ÙRÙM 10:3

It be, Ala nen ùkùm inoba mene korogo wokhìlìk hobuk inapotkwe inom hùnogo hisoagalùk, at awe a'ma kìlìk logolìk hagasusak mene inokot en hagatì'lek welagaukwa. We, inokawerek ina'la nen akalùk inomamerogo hagatì lagaukwa atì.

KALATIA 1:14

Wena nit Yahuri mene ninopalak en yakùlnisasukwa mene a'nogo hesogo logolìk he, it an nagaiya'lak ninom higit mene nen wene ina'la seram hogo hagato kolek, an enek he, ekin hogoat hagatì lagagi atì.

2 KORÌTÙT 4:4

Atì'nogo werek atì re, it apùnì kweangma mene inopase Ibilit a'nogo nen inetaùken Ala oba hìpìrethìgì'lek mene atì, inetaùken mùmerinapikomo werek o. At Karìsùt Ala hakeatma re, ebe hogoratarek wene, hano wene atì nen lìarinabusak meneat he, lìarinabinogo ìlùk, inetaùken mùmerinapikomo werek atì.

2 KORÌTÙT 4:6

At Ala nen ìkì logolìk he: “O mum atì a'la nen lìa a'nìk,” ìlùk isike atì hak, at enat nit nina'la mùm mene atì lìa'ninapikomo welago. Atì'nogo logolìk, at Karìsùt elokoken apipin yatenem nineileken lakhìlìk he, at Ala hogoratarek mene a'nogo ebe atìgìnìk ìlùk hùthìkì logouagalùk atì'nogo lìa'ninapike atì.

LAKSASIKE 22:3

“An he, ap Yahuri mene, nebe o propinsi Kilikia o kota Tarasùt ta'lagagi meneat he, o Yerusalem yoma nen kùlnapukwama nalùge agagi. Nalùge agagimo, ap kain Kamaliel nen wene Ala nen ninopalak inasuk wasike wene a'nogo tùkùm hogo yakùlnetì lagaike. Yakùlnetenem, an nen hit yogotak Ala hesik hinomamerogo hagatì lagep atì hagat hagatì lagagi.

2 KORÌTÙT 8:3

Wogisasak higit hogo wogisìkì logolìk aike inom oba louk hogo wogisìlì'lùgì. An inoabùt nelu. Neileken isìgìrìk en yogohisìkì lagì o. It apùnì aike nen ina'la kagalhì'le'ma, inokawerek ina'la nen kagalogo,

LAKSASIKE 21:28

Hakhesukwasik he, “Ap Isirael mene a! Nit werekwe a'ni a! Ap yì nen apùnì o yì awì tì awì yakùlisìlìk nìkì logolìk he, nit apùnì Isirael mene nen hagatorek mene atì weak ìlùk, hunik mene yakùlisìgìk, wene Ala nen ninasuk wasike wene a'nogo weak ìlùk, hunik mene yakùlisìgìk, o Ala awì wùrìk yì abok weak ìgìk, ìlìk niko mene a'nogo ebe yìat a! Yogotak ap Yunani mene wogisek Ala awì wùrì'mo ki wagasik, o Ala okawerek awì wùrìk weagathikomo yì a!” ìlùk inane hùkorogo kwe isukwa.

KALATIA 4:15

Hit alebat hinoabùt akiluk hogo hagatì lagagip a'nogo, yogotak hinoabùt nìkì'nogo haga'lagasip welagep. Ineileken hemelogo wogisagarek logoilepma re, hit hinoabùt he, hineileken hemelogo wo'ne'lebat ìlùk, hinabok pak hogoat usak welagì.

KOLOSE 4:13

Ati'nogo ìkì logolìk, hit hesik mel, apùnì o Laolikia mene hesik mel, Hierapolìt mene hesik mel, omamerogo hagarì'logo ìlùk, an nen oabùt palhìrìk en yogohisìgì atì.

LAKSASIKE 22:22

Paùlùt en atì'nogo yogoisìlìk waganem, it amanogo inasuk hano holek welagaukwasigat he, hùlì atem oba ikenem inane hùkorogoat mel isukwa: “Ap oabùt yìgìnìk he, kweangma eluk logousak lek. Wasuok o!” ìlùk

YOHANET 16:2

Apùnì nen o sapan egare'ma nen hit hineki lisogo wulakhikogoinat o. Nen, hobuk it apùnì hit hinoasugun mene inebe lopok ina'la nen he, Ala hesik hano inoato, ìlùk, ugun mene weregat o.

ÙRÙM 10:1

Nerùgì nagaiya'lak. Ala nen he, it nerùgì nagaiya'lak ninùkùl etage omakeat mene atì, telinabilep e, ìlùk na'la nen wenesùgì ebetìk, Ala ayoko hìgìk, ìkì lagì.