ÙRÙM 1:3 - Ala Ane Wene Ket Mene Warogo Wo'ninapike Wene

^3-4 Wene helal waganogo hesukwa atì, ebe re, Ala aput ninoe Etagepogot Yesùt Karìsùt hesigat o. Apùnì ta'lagaikarek hak he, ebe Taùt en tagokwe mene nen ta'lagaike. Meneat he, ebe wa'lagaikesi'mo nen, Ala Areagùn omame ba eluguthesike atì ba, Ala apurat o, ìlùk enagat agaike atì.

ÙRÙM 1:3 ပူးပေါင်းရင်းမြစ်များ

MATÌÙT 1:1

At Yesùt Karìsùt Aberaham en, Taùt en, tagomakwe a'nogo apu opalak ero ba nen taginabìk wagaukwa mene inetage yì o.

KALATIA 4:4

Were'ma re, at Ala nen aput ayoko hìlìk kweangma lakhei wesusak arat higit asi wagaikomo re, lakhei wagaikomo, he kweangma mene nenat tasike. Atì'nogo tasikomo, wene Ala nen ninasuk wasike wene a'nogo awe a'ma logolìk asuk hologo hagatì lagaike.

YOHANET 1:14

Ebe Wene a'nogo abat agaikesik ninomat welagagu. Ninomat logolìk he, at ebe atì Ala aput omakeat tago nogo nen he, hogoratarek mene nineileken hasugu o. At oabùt hano nen, hanorogo haga'ninapik, wene ebe wene yogonisìgìk, iko motok were'ma nineileken hasugu.

YOHANET 1:49

at Nataniel en he, mel yogosike: “Noe. Ala aput nit Isirael mene ninoe kain Hetagepogot harat hììgì o,” ìlùk yogosike.

LUKAT 1:35

at malaikat a'nogo nen he, “Ala Areagùn hoba louk i wìrìk he, kuna'ma kagarek hak, ninopase Ala Etagepogot omame apik atì awe a'ma hagagin o. Hagoumo, heak Ala aligat aput tasumo re, apùnì nen, At atì Ala aput, ìlùk ìkì logogun o.

ÙRÙM 9:5

Nit ninopalak he, it en tagokwe mene. At Karìsùt ebe nit apùnì ta'lagorek hak ta'lagaike atì, it mene nen tasukwa mene re, ebe Ala meneat o. Yì mene tì mene obogat he, a'ma negen meneat he, at enek he, abel pokwe hesaksek atì nen he, at enek hogoratì logogun atì, ebe asuak, ìlùk u hak, “Amin,” ìkì logouok.

YOHANET 20:28

Atì'nogo yogosikomo, at Tomat en he, “Egi! Noe, hebe Hetagepogot Ala at hììgì o,” ìlùk yogosikomo,

YOHANET 10:30

Nopase neperak ninebe re, omakeat o,” ìlùk yogoisìkì lagaikomo,

MATÌÙT 1:16

Yakùp en Yùsùp, he Marìa agùn a'nogo, tatìk, he Marìa nen he, Yesùt nit en Karìsùt ìkì lago a'nogo tatìk, ero ba nen taginabìk wagaukwa.

2 TIMOTÌÙT 2:8

An hano wene yogoisìlìk nìgìrek atì re, Yesùt Karìsùt, at Taùt en tagokwe meneat ebe wasukwama, Ala nen eluguthesike wene atì, ha'la eberek motok logoino.

1 KORÌTÙT 1:9

At Ala nen aput ninoe Etagepogot Yesùt Karìsùt hinom hutik logouageip ìlùk hinayoko hesike atì. Atì'nogo, at oabùt hùpùn mene nen hinayoko hesike atì nen he, ebe asigin ìlùk hinetaùken menenù sikip hogo logousak o.

LAKSASIKE 2:30

At Taùt ebe Ala ane yogoisìkì lagaike mene nogo nen he, Ala nen hopuk palogo wene mel ìlùk waresike mene eluat welagaike: Hat kain welagatek atì hak logouagalùk, ap hat en tagokwe mene aike hobùlù'mo menhegein o, ìlùk wene waresike.

YOHANET 20:31

Atì'nogo meneat he, helal waganek werek yì obogat he, hit en he, Yesùt atì Ala aput, nit apùnì telninabuagalùk wenagasogo lakhei wagaike a'nogo eberogoat, ìlùk hùthìlìk hinetaùken at oba hìpìrethìlìk, at etage palhenem hineluk logouageip ìlùk, helal waganogo hìgì o.

YOHANET 10:36

an nen he, Nebe Ala aput, ìgì atì nen, Ala etage weagate, ìlùk nenahalok ìkì lagep. Ala nenat nayoko hìlìk eberogoat nebe wenagasogo kweangma yoma lakhani wagaike meneat he, atì'nogo nenahalok ìkì lagep.

YOHANET 5:25

Nen, apùnì warek mene nen, an Ala aput nane inasuk holugun oba oan werek meneat he, arat asi wagasik werek o. It nane inasuk holugun mene halok, ineluk arìk ineluk motok logogun o, ìlùk, eberogoat yogohisìgì.

LUKAT 1:69

Telninabuagalùk he, at atitigeke Taùt en tagokwe mene omame werek mene menhikomo werek yì.

MATÌÙT 27:43

Etaùken Ala oba hìpìrìk logolìk, An Ala aput o, ìlùk ìkì laga a'nogo re, at Ala nenat teligin akike halok he, telìnìk he,” ìlùk isukwa.

MATÌÙT 26:63

at Yesùt ane ìgì'lek kamo isikomo re, at ap kain Ala esewerek mene a'nogo nen he, “Ala aput Karìsùt lakhei wesigin isukwa a'nogo, ebe hat halok he, yogonisanok ìlùk, at Ala eluk motok welagarek mene etage hopuk palogo yogohetì o,” ìlùk yogosikomo,

MATÌÙT 15:22

Lagai waganem he, he aike o Kana'an atoma awìwerek mene Yesùt oba wagaikesik ane hùkorogo mel yogosike: “Taùt en tagokwe mene noe. An neak helekerek mene mokareke oabùt weak mene a'la kikesik weak werek. Halok he, hetawì nean o,” ìlùk yogosike meneat he,

MATÌÙT 12:23

Atì'nogo hagasikomo re, it apùnì era'lu atogorek welagaukwa mene nen he, “Egi! Taùt aput wesigin ìlùk ìkì lagaukwa a'nogo ebe yì he a,” isukwa.

MATÌÙT 9:27

At Yesùt o atoma nen laganem ap inebe pìre ineileken mùm mene opolik laga logolìk inane hùkorogo mel yogosukwa: “Ap Taùt en tagokwe mene noe a! Hetawì'ninabin o,” ìlùk yogosukwa.

MATÌÙT 3:17

Labok i pi wagaikomo re, Ala ane pogot oba nen, “Naput netawì e. Noba lìok ike o,” ìlùk ane pelakhei wagaike.

MATÌÙT 1:6

Isaì nen he, ap Taùt etagepogot a'nogo tatìk, atì'nogo taginabìk wagaukwa. Nen, atì nen he, at Taùt en ap Ùrìa agwe telogo wolok wùlìpikesik he, Salomo tatìk,

ABÌKAKAN 2:18

Atì'nogo yogonetesik hobuk mel yogonete: “An Ala aput neileken etu amulok hake, nen, nesok he, tembaga etumo weratenem apipin here-here ikerek atì hake a'nogo nen wene yì yogohesik: At Ala nen malaikat ayoko hìlìk lakhei wesu hak, at againapùrì o Tiatira atogotarek mene inayoko hìlìk hisasikomo werek a'nogo, wene an nen it yogoisegein mene yì, hat en helal waganogo inoba lakheinok en, it mel yogoisak:

2 YOHANET 1:7

Atì'nogo hagatì logousak atì re, it apùnì inebe apigat en, “Yesùt Karìsùt atì abat ta'lasi wagì'lek,” ìlùk, lalinaparek mene inebe weinam agaikasik kweangma o yì awì tì awì obogat nùgì atì nen, netawì-hetawìrogo hagatì logousak ìgì atì o. It atì inebe re, Karìsùt inom motok weak logolìk apùnì lalinaparek mene a'nogoat o.

1 YOHANET 5:20

At Ala aput ninoba pi wagaikesik, Ala ebe mene ninelu asuagalùk ninetaùken kagalogo yogonisasike. Atì'nogo yogonisasikomo, nit he, Ala ebe mene aput Yesùt Karìsùt eperak ninom hutik motok welago. Nen, at Yesùt he, ebe Ala ebe mene logolìk nabùlal-habùlal ero arat welagarek o.

1 YOHANET 5:5

Apùnì inoabùt inesogat logolìk weak hagatarek mene mabenetsìlìk inomame agaikarek atì sanì nen nogo? Atì re, nit en, “Yesùt atì Ala aput,” ìlùk ninetaùken at oba hìpìrethogorek mene hùgì nenat o.

1 YOHANET 5:1

Apùnì nen he, “Yesùt atì Ala nen ayoko hìlìk lakhei wagaike mene eberogoat Karìsùt a'nogoat o,” ìlùk inetaùken at oba hìpìrethagarek mene hùgì inebe lopok he, Ala nen taginapomo, at againapùrì werek o. Nen, nit ninopase Ala ninetawìrogo logolìk halok he, at againapùrì tago mene atì ninetawìrogoat logousak o.

1 YOHANET 4:15

Sa nen, “Yesùt atì Ala aput,” ìlùk pak hogo yogoisikerek halok, at Ala nen at eperak hutik motok, nen, at en Ala eperak hutik motok, welagaikarek o.

1 YOHANET 3:23

At en wene ninasuk wasike atì, ebe re: “Hit hinetaùken an naput Yesùt Karìsùt oba hìpìrethìlìk, at en yogohisike atì hagat, hit-hit netawì-hetawìrogo logoino o,” ìlùk ninasuk wasike atìat o.

1 YOHANET 3:8

Nen, at aike nen oabùt weak hagato motok welagarek halok he, at Ibilit oabùt ero ba nenat weak hagateresi'mo nogo nen he, at atì ebe re, Ibilit aput werek o. Mene re, at Ala aput weinam hogo wagaike atì re, at Ibilit oabùt hagaterek mene atì, motok legetsagalùk wagaike o.

1 YOHANET 1:3

Ebe nit nineileken hìgìk, ninasuk holhìk, isugu mene atì, ninopase Ala aput Yesùt Karìsùt eperak ninom hutik welagorek atì hak, hit nit ninom hano hutik logouogolùk yogohisìkì lago o.

1 TIMOTÌÙT 3:16

Wene atì, nit Ala awe a'ma logolìk eberogoat ìlùk akogorek wene hinago welagaike mene Ala nenat hukalogo weinamethesikomo, “Wene atì esin,” ìlùk pak hogo ìkì lago. Ati re: At Karìsùt ebe apùnìat weinam agaike o. At Ala Areagùn nen, “At Karìsùt atì eberogoat,” ìlùk sele'mathesike o. It malaikat Ala nen yoko pelaksa wagarek mene ineileken hasukwa o. Agoromì nen at hagatì lagaike wene a'nogo yì apùnì tì apùnì etakwe mene yogoisìlìk lagaukwa o. Apùnì o yì awì tì awì mene aike apigat en, “At ebe eberogoat,” ìlùk, inetaùken at oba hìpìrethesukwa o. Ala nen pogot oba hogorato motok welagaikare'ma lìakhesikomo welagarek o. Wene atì re, at Ala nenat weinamethesikomo pak hogo ìkì lago o.

ÙRÙM 1:9

Atì'nogo hai watì logolìk he, hit hesik kamo ìgì'lek sapan ikoat welagì mene, at Ala elu o. An Ala awe a'ma logolìk, hano wene at aput hagatì lagaike wene atì apùnì yogoisìlìk nìgìrek atì, netaùken oba nen, at Ala hesik hagathisìkì lagì o.

LAKSASIKE 9:20

Atì'nogo welagaukwa atem sat, o it apùnì Yahuri mene sapan ìkì lagaukwa bakwe kìlìk, wene Yesùt hesik yogoisìkì logolìk he, “At Yesùt atì, ebe Ala apurat o,” ìlùk yogoisìkì lagaike.

LAKSASIKE 8:36

Yogorìk motok ebekwe pìkì logolìk he, i were'ma pisukwasik, at ap kain a'nogo nen he, “I werek yì han. An ima pela'nabusak akìkì lagì. Ì a? At he, kì mene oan welagì akegen,” [

LAKSASIKE 3:13

Ninopase Ala atì, Aberaham mel, Isak mel, Yakùp mel, ninopalak aike mel, inopase Ala atì nenat he, aput Yesùt esinethike atì. Mene re, hit en, it aike nen wasuagalùk ineki ba hegepma re, at Pilatùt en eki hele hikalogo wulakheigìlùk ikenem, hit en he, Ap atì ninabìt o, ìlùk egep a'nogo.

YOHANET 7:42

Apùnì telninabigin mene Ala nen lakhei wesigin isike mene atì re, ap Taùt en tagokwe mene, at Taùt okawerek awì eroma welagaike ba, o Pe'lehem atoma ta'lasigin, ìlùk Ala ane ba helal waganogo hesukwama werek a'nogo lek?”

YOHANET 1:34

at ebe neileken tùkùm hogo hìgìrìk hùthìgì o. Atì'nogo hùthìgìrìk, at atì Ala aput eberogoat o, ìlùk, abok hit pak hogo yogohisìkì lagì yì,” ìlùk yogoisasike.

ÙRÙM 4:1

Halok he, nit apùnì Yahuri mene nen ninopa Aberaham oabùt hagatì lagaike mene hesik abok nìkì'nogo ugun.

1 KORÌTÙT 10:18

Hit en he, it apùnì inùkùl etage Yahuri mene nen hagatarek mene, hùthani o. It en he, Ala ako warerìk heta it nìkì logolìk, heta etu loletarek oba loletì logolìk, Ala inom hutik welagaikarek ìlùk, hinokot nogo?

1 TIMOTÌÙT 2:5

Ala ebe omakeat o. Nen, Ala ninom nit apùnì ninom hùlisanem logolìk lapulninabì'logo mene ap ebe Yesùt Karìsùt atì omakeat o.