ÙRÙM 1:2 - Ala Ane Wene Ket Mene Warogo Wo'ninapike Wene

² Alebat Ala nen: “Wene hano wene atì, hobuk weinam asigin o,” ìlùk abok it ap at ane yogoisìkì lagaukwa mene amanogo yogoisikenem, it en Ala ane palek a'nogo ba helal waganogo hìkì lagaukwa.

ÙRÙM 1:2 ပူးပေါင်းရင်းမြစ်များ

TITUT 1:2

At Ala nen, yì mene tì mene oan elalhì'lek logolìk, nit apùnì hesik mel isike: “Apùnì an nen elalinabìk he, inebe ineluk motok logouagalùk, hano hagarinabigin,” ìlùk, abok isike atì, “Apeliak ikerek lek,” ìlùk nina'la eberek logolìk, ebe wene yakùlisìkì lago atì.

LUKAT 1:70

Atì'nogo hagate atì re, it ap ebalep mene Ala nenat okawerek hesik hakasikomo wene yogoisìkì lagaukwa mene nen yogoisìkì logolìk he,

ÙRÙM 16:26

Atì re, it ap at ane yogoisìkì lagaukwa mene amanogo nen helal waganogo re, sele'mathesukwama were'ma an nen yogohisasigi atì. Yì ap tì ap inùkùl etage lopok obogat wene atì inasuk holìk inetauken Yesùt oba hìpìrethìlìk ane hologo hagatì logouagalùk, at Ala esok motok welagarek mene a'nogo nenat: “Wene yì apùnì inelu asuak o,” ìlùk isike.

ÙRÙM 3:21

Atì'nogo meneat he, yogotak Ala nen, at ninom hùnogo hinasak wene sele'mathikomo werek. Atì re, ninasuk wasike wene atì hologo higit hogo hagatì lago nen, hobuk hùnogo hinagalùk isike hùk. At he, nit ninetaùken Yesùt Karìsùt oba hìpìrethikenem hùnogo hinagalùk isike o. Atì'nogo hùnogo hisegein ìlùk, abok wene at en ninasuk wasike wene a'nogo ba ìgìk, at ane yogoisìkì lagaukwa mene nen ìgìk, isukwa higit hogoat hùnogo hinagalùk isike atì. Atì re, nit apùnì obogat ninetaùken Yesùt oba hìpìrethogorek mene hùnogo tomok lek. We, ninom higit hogo hùnogo hinagalùk isike o.

ÙRÙM 3:2

Atì re, yì hesik tì hesik obogat hano nek. Wene atì ebe sekek hogo yogohisak. Aike re, Ala nen he, “An nane it elok hesogo logogun,” ìlùk, irat yogoisìkì lagaike.

LAKSASIKE 10:43

At Yesùt hesik, it ap Ala ane yogoisìkì lagaukwa mene amanogo obogat en he, abok ìkì logolìk, mel isukwa: At ebe waganem he, it apùnì weak hagatarek mene inetaùken at oba hìpìrethogoin mene hùgì inebe lopok, it weak hagarì'lùgì mene atì, at Ala nen at Yesùt etage ba sagalogo legetsegein o, ìlùk yogoisìkì lagaukwa,” ìlùk at Peterùt en yogoisasike.

LAKSASIKE 26:6

Yogotak ùkùm noba haga mene ero herasuogolùk melagì yì re, at Ala nen he, Tì'nogo hanothinabigin, ìlùk ninopalak wene warisasike wene atì, an nen, Eberogoat hano'ninabigin o, ìlùk netaùken at oba eberek welagì atì hesik, ùkùm noba haga mene ero herasuogolùk welago yì.

MATÌÙT 1:22

Atì'nogo hagasugun ìlùk he, ninopase Ala Etagepogot en he, ap aike hageat ayoko hesikomo wene yogoisìkì logolìk he, helal waganogo hesike mene higit hogoat haga'lasuagalùk isike atì.

LAKSASIKE 13:32

Ma re, yogotak nit en wene hano wene atì, hit yogohisa wago yì. Ala nen he, Tì'nogo wokhisegein, ìlùk ninopalak wene warisasike atì ebe re, o yogotak nit it en tagomakwe mene welago ya ba Yesùt at wo'nisasikomo wasukwama wa'lagaikomo re, Ala nen eluguthesike atì. Atì'nogo hagasigìlùk, wene Masimùt nomor 2 ba, mel isike: Hat an naput o. Hebe yogotak takhapì, ìlùk isikomo re, helal waganogo hesukwa higit hogoat haga'laga o.