ÙRÙM 1:1 - Ala Ane Wene Ket Mene Warogo Wo'ninapike Wene

¹ Hit Ala againapùrì o Ùrùm welagep mene nerùgì nagaiya'lak. At Ala hinebe etawì mene obogat an Paùlùt Karìsùt Yesùt atitigeke mene a'nogo nen wene helal waganogo hinoba lakhei wagì atì o. An nen hano wene a'nogo apùnì yogoisìlìk nìkì logouagalùk, Ala nen wenagasogo menhanhikesik lakhani wagaike o.

ÙRÙM 1:1 ပူးပေါင်းရင်းမြစ်များ

LAKSASIKE 9:15

Atì'nogo yogosike meneat he, ninoe Etagepogot en he, “Lan o. At en he, apùnì etakwe mene mel, inogogì inetagepogot mene mel, apùnì Isirael mene mel, an netage yogoisìlìk nìkì logouagalùk, an nen ap atì ebe weteberogo ayoko hìgìma o.

ÙRÙM 15:16

An nebe at Karìsùt Yesùt awe a'ma logolìk apùnì etakwe mene woginabuagalùk nayoko hesikomo, at Ala a'la hanorogo Areagùn atì ba it inebe Ala hisagalùk, at ane hano wene atì yogoisìlìk nìkì lagì o.

1 KORÌTÙT 1:1

Hit Ala againapùrì o Korìtùt atogotì lagep mene, nerùgì nagaiya'lak. An Paùlùt Ala a'la akasike ba, Karìsùt Yesùt en nayoko hìlìk lakhani wagaike mene a'nogo, ninagaiyak Sosetenet neperak en, wene yì helal waganogo hinoba lakhei wago atì. Hit o Korìtùt mene Ala nen hinayoko hesikomo ninoe Karìsùt Yesùt hinom hutik were'ma, Ala nen, “It yì an nagainapùrì o,” ìlùk hinebe at okawerek hakasikomo welagep. Atì'nogo logolìk, apùnì o yì awì tì awì atoma nen, it mel, nit mel, ninoe Etagepogot Yesùt Karìsùt etage palì'lùgì mene hinom obogat wene yì helal waganogo hinoba lakhei wago atì o.

KOLOSE 1:1

Hit Ala againapùrì o Kolose atogotesep mene Karìsùt hinom hutik logolìk, at hesik hinoabùt hùpùn hogo hagatì lagep mene, nerùgì nagaiya'lak. An Paùlùt Ala a'la akasike ba, Karìsùt Yesùt en nayoko hìlìk lakhani wagaikomo wagagi mene a'nogo, ninagot Timotìùt neperak en wene yì helal waganogo hinoba lakhei wago atì. Ninopase Ala oabùt hano a'nogo nen, hano mene wokhisìgìk, hinetaùken hapuguthinapìk, ìkì logouak o.

TITUT 1:1

Titut naput e. An Paùlùt, Ala atitigeke logolìk, apùnì at en wenaginapike mene inetaùken at oba hìpìrethìlìk were'ma ago warisìgìk, nen, nit at awe a'ma logolìk ebe wene yakùlisìkì lago wene a'nogo tùkùm hogo inelu asuagalùk yakùlisìgìk, uagalùk Yesùt Karìsùt en nayoko hìlìk lakhani wagaike mene a'nogo nen, wene yì helal waganogo hoba lakhei wagì atì.

ÙRÙM 1:9

Atì'nogo hai watì logolìk he, hit hesik kamo ìgì'lek sapan ikoat welagì mene, at Ala elu o. An Ala awe a'ma logolìk, hano wene at aput hagatì lagaike wene atì apùnì yogoisìlìk nìgìrek atì, netaùken oba nen, at Ala hesik hagathisìkì lagì o.

2 KORÌTÙT 1:1

Nerùgì nagaiya'lak. An Paùlùt Ala a'la akasike ba, Yesùt Karìsùt en nayoko hìlìk he, lakhani wagaike mene a'nogo, ninagaiyak Timotìùt a'nogo neperak en hit Ala againapùrì o Korìtùt atogotesep mene mel, o propinsi Akaya ya ta atoma welagasep mene obogat mel, wene yì helal waganogo hinoba lakhei wago atì.

1 KORÌTÙT 9:1

An nalepma welagìrek lek nogo? At Ala nen nayoko hìlìk lakhani wagaike lek nogo? Ninoe Etagepogot Yesùt ebe an neileken hìgì'lek nogo? Ninoe Etagepogot neperak hutik logolìk hagatì mene, hinebe welagep atì lek nogo?

2 TIMOTÌÙT 1:11

Atì'nogo isikesik, an hano wene atìat yogoisìgìk, yakùlisìgìk, ìlìk nìkì logouagalùk nayoko hìlìk lakhani wagaikomo nìkì lagì atì.

1 TIMOTÌÙT 1:1

Timotìùt naput e. Hetaùken Karìsùt oba hìpìrethesigin atì nen, an naput eberogoat agaginmo re, wene yì an Paùlùt en helal palogo hoba lakhei wagì atì. At Ala telninapùkwe ho, Karìsùt Yesùt en hano'ninabigin ìlùk nina'la akìkì lago mene a'nogo ho, eperak enat nayoko hìlìk, at Karìsùt Yesùt hesik hagatì logouagalùk lakhani wagaukwama wagagi atì. Ninopase Ala ho, ninoe Etagepogot Karìsùt Yesùt ho, eperak inoabùt hano a'nogo nen, hano mene wokhetik, inetawìthapìk, hetaùken hapuguthapìk, ìkì logouak o.

KALATIA 1:1

Hit Ala againapùrì o Kalatìa atogotì lagep mene nerùgì nagaiya'lak. An Paùlùt nerùgì nagaiya'lak Ala againapùrì he'na o yoma ninom welago mene inebe obogat ninom en wene yì helal palogo hinoba lakhei wago atì. An nayoko hìlìk lakhani wagaikomo wagagi atì re, ero apùnì nen hùk. Ap aike wene oba warogo hìlìk lakhani wagaike hùgat o. We, at Yesùt Karìsùt ebe wa'lagaikomo opase Ala nen eluguthesike mene a'nogo eperak enat nayoko hìlìk lakhani wagaukwama wagagi atì.

1 TIMOTÌÙT 2:7

Atì'nogo akikerek atì nen, at en he, “Hat en ebe wene atì apùnì etakwe mene nen eberogoat ìlùk ina'la akìlìk wanuagalùk, yakùlisìlìk nìkì logoino,” ìlùk, an nayoko hìlìk lakhani wagaikomo, yogoisìlìk nìgìrek atì. Atì'nogo ìgì atì eberogoat ìgì. Napeliak ìgì lek o.

1 TESALONIKA 2:2

Hit hinoba oan wagì'lek, o Pilipi atoma were'ma, apùnì atoma mene nen ina'la mea'nisìlìk yì aik tì aik haga'ninapì lagaukwa. Ati'nogo meneat he, ninopase Ala nen ane hano wane a'nogo ninayù'lek hogo yogohisa wesuagalùk haga'ninapikomo wagagusik yogohisiko were'ma apùnì apigat en, “Wene atì ninabìt,” ìlùk, iko kolegat, ninomamerogo yogohisìkì lagagu a'nogo, hineluat o.

ÙRÙM 1:5

At wa'lagaikesi'mo nen Ala Areagùn nen eluguthesike atì ba, an nen yì apùnì tì apùnì inùkùl etage lopok inetaùken at Yesùt oba hìpìrethìlìk ane hologo hagati logousak mene yakùlisikenem, at etage hùko asuagaluk Ala oabùt hano nen nayoko hìlìk lakhani wagaike o.

PILIPI 1:1

Hit Ala againapùrì Karìsùt Yesùt hinom hutik logolìk, o Pilipi welagasep mene, hinebe obogat mel, hakhisek welagaikarek mene mel, lebethisagarek mene mel, nerùgì nagaiya'lak. An Paùlùt Timotìùt neperak en Karisùt atitigeke logolìk wene helal waganogo hinoba lakhei wago atì.

ABÌKAKAN 1:1

Wene ebe re, yìtogo. Yì wene tì wene hinago welagaike mene hobuk heageak haga'lasigin mene atì, Ala atitigeke mene tùkùm hogo yogoisoagalùk Ala nen at Yesùt Karìsùt hukalogo yogosikomo, at Karìsùt en malaikat lakhei wagaikomo, wene atì at Ala atitigeke mene aike an Yohanet yogonete.

YURAT 1:1

An Yùrat, Yakobùt agot, Yesùt Karìsùt atitigeke a'nogo nen, hit wene yì helal waganogo hinoba lakhei wagì atì. Nerùgì nagaiya'lak. Ala nenat hinayoko hesikesik hinebe etawì logolìk, Yesùt Karìsùt hesik sethisek werek atì.

2 PETERÙT 1:1

Nerùgì nagaiya'lak. An Simon Peterùt Yesùt Karìsùt en, at atitigeke logouagalùk nayoko hìlìk lakhani wagaikomo wagagi. Ati re, at ebe Ala at logolìk, oabùt higit hogo nek hagaterek a'nogo nen, hit ninom higit hogoat ninetaùken at oba hìpìrethikenem telninabì'logo mene hùgì, wene yì helal waganogo hinoba lakhei wagì atì.

YAKOBÙT 1:1

An Yakobùt ninopase Ala ninoe Etagepogot Yesùt Karìsùt eperak inatitigeke a'nogo nen, wene yì hit hinùkùl etage 12 nen yì awi tì awi pùgùlogo lìlìk welagasep mene obogat hinoba lakhei wagì. Nerùgì nagaiya'lak.

IBERANI 5:4

It atì'nogo hagatì logouogolùk, “An nebe Ala esewerek kain logogin,” ìlùk inokawerek en menhakagarek lek o. We, at Ala nenat, ap Harun ayoko hesikomo menhesukwa atì hak, Ala nen inayoko hiko halogat menhisagarek.

PILIPI 2:11

Atì'nogo kìlìk, inape ba lopok ninopase Ala hogoratì logolìk he, “Ninoe Etagepogot Yesùt Karìsùt atìat o,” ìlùk, pak hogo ugunat atì.

EPESÙT 4:11

Nen, sùpùrogo pelagisa wagaike atì ebe re, nit Ala againapùrì ninebe obogat Karìsùt ebe hake were'ma, o wùtarek hak wùrogo hiaikenem, ninebe obogat Ala hesik hagatì logouagalùk he, ninebe lopok ninayoko hìlìk menhinìlìk lagaike atì. It aike Ala ane wolok loagalùk inayoko hìgìk, it aike Ala ane yogoisìkì logouagalùk inayoko hìgìk, it aike hano wene apùnì etakwe mene hesik yogoisìlìk loagalùk inayoko hìgìk, it aike Ala againapùrì serisek logolìk wene yakùlisìkì logouagalùk inayoko hìgìk, ninebe lopok atì'nogo ninayoko hesike atì.

EPESÙT 1:13

Atì hagat he, hit en wene ebe wene, hano'ninaperek wene a'nogo hinasuk holhigisip he, hinetaùken Karistùt oba hìpìrethesigipmo re, Ala nen he, “Nareagùn wokhisegein,” ìlùk, abok yogonisasike higit hogoat, “It an nokawerek nagainapùrì o,” ìlùk Areagùn wokhisasike atì.

2 KORÌTÙT 12:11

It ap Karìsùt en inayoko hìlìk laksa wagarek mene negen hagarogo wìrìk, “At Paùlùt etage lek,” ìlùk egarek atì, an eberogoat netage lek. It esin inetagewerek hìgì! Atì'nogo lek o. Hit en hùthanìlìk agauk hogo yogonesusak meneat he, atì'nogo egesep lek atì nen he, eberogoat ap kepù nen egarek hak, yogohisìgì atì.

2 KORÌTÙT 11:5

It aike atì, Yesùt en inayoko hìlìk laksa wagaike mene negen hagarogo waganem, hit en he, “It atì esin negen,” ìlùk woginapo kolegat he, an na'la nen he, “It esin, nen, an mea,” ìlùk akìkì lagì motok lek o.

2 KORÌTÙT 4:5

Wene yogoisìlìk nìkì lago atì re, ninokawerek hagatorek wene hùk. Lek o. We, at Yesùt Karìsùt hagasike weneat o. At Yesùt ebe ninoe Etagepogot ìlùk he, nit at hesik hit hinatitigeke welago, ìlùk yogoisogorek atì.

ÙRÙM 1:16

Hano wene atì Ala omameat ma re, emakum apùnì Yahuri mene, nen hobuk he, apùnì Yunani mane, inetaùken Yesùt Karìsùt oba hìpìrethagarek mene hùgì obogat telinaperek atì nen he, an nayù'legat hano wene atì yogoisìlìk nìgìrek atì.

LAKSASIKE 22:21

Atì'nogo yogotenem, ninoe Etagepogot en he, It apùnì etakwe mene walegat atoma inoba lakhagagin atì nen he, lan o, ìlùk yogonesike,” ìlùkk yogoisasike.

LAKSASIKE 22:7

Yasi pi waganem he, an nebe kweangma tukwak hogo po isigi. Po isigimo, at aike nen ane yogonetì logolìk he, Saùlùt. Saùlùt. Anat yì aik tì aik haga'nabigìlùk mu'narek nìkì lagen atì nenahalok, ìlùk yogonesike.

LAKSASIKE 20:24

Atì'nogo meneat he, an nebe neluk logousak atìat esin ìlùk atì mene esinethìkì lagì lek. Ninoe Etagepogot Yesùt en nayoko hìkì logolìk, at en he, Ala oabùt hano nen hagarinaperek wene hano wene atìat yogoisìlìk lano o, ìlùk nayoko hesike atìat wùrep oba kobok hogo hagasìlùk esinethìkì lagì o.

ABÌKAKAN 22:9

Atì'nogo meneat he, at en mel yogonete: “Hùk. An atì'nogo hogo'nabusak lek a. An nebe re, hat mel, hagaiya'lak aike at Ala ane yogoisagarek mene mel, it aike inebe obogat wene helal waganek yì inasuk hologo higit hogo hagatì logogun mene mel, ninom higit, ninebe at Ala atitigeke ne'ma re, hetaùken at Ala oba hìpìrethìlìk, at enek hogorasusak o,” ìlùk yogonete.

KOLOSE 1:25

An he, Ala nen, hit hesik, at againapùrì mene obogat inatitigeke logouagalùk nayoko hesikomo, wene Ala nen isike wene atì obogat yogoisìlìk nìkì logousak meneat, yogoisìlìk nìkì lagì atì.

EPESÙT 1:1

Hit Ala againapùrì o Epesùt atogotì lagep mene hinetaùken Karìsùt Yesùt oba hìpìrethìlìk hinom hutik welagep mene, nerùgì nagaiya'lak. An Paùlùt, Ala a'la akasike ba, at Karìsùt Yesùt en nayoko hìlìk lakhani wagaike mene a'nogo nen wene yì helal waganogo hinoba lakhei wagì atì.

ÙRÙM 16:25

Ala hogoratì logouok o! An nen hano wene Yesùt Karìsùt hagasike wene yogohisasigi hak, at Ala omame apik a'nogo nen hinetaùken wurigethinapì logousak elok o. Wene Ala a'la wene atì, holoat en hinago welagaike mane re, yogotak Ala nen weinamethesike.

ÙRÙM 16:18

It atì re, ninoe Etagepogot Karìsùt awe a'ma logolìk, at hesik hagarì'lùgì hùk. We, inokawerek ina'la walok mene hagarì'lùgì o. Atì'nogo hagatì logolìk, inane hano ìgìk, lìok hogo ìgìk, ìkì logolìk he, it apùnì aike inoabùt, “Ì o,” nek egarek mene atì lalinabì'lùgì atì.

ÙRÙM 15:29

An arat hisa wagì halok he, at Karìsùt en hit hesik wo'nesike mene obogat wokhisa wesigin akìgì.

ÙRÙM 11:13

Wene yì hit apùnì etakwe mene yogohisak. Ala nen he, an nayoko hìlìk hit etakwe mene hinoba lakhani wagaikomo wagagisik hagatì lagì atì nen, esin motok ìlùk hogorakìkì lagi o.

LAKSASIKE 26:1

At Agarìpa nen he, Paùlùt mel yogosike: “Wene hat hokawerek hesik yogone'nogolùk yogohetì,” ìlùk yogosikomo re, at Paùlùt eki ba hai wasikesik mel yogosike:

LAKSASIKE 13:9

Atì'nogo sebeligìlùk ikenem, at Saùlùt, etage aike Paùlùt a'nogo nen he, Ala Areagùn a'la peserek logolìk eileken Pareyesùt oba lùrogo hìkì logolìk he,

YOHANET 15:15

It apùnì inatitigeke mene atì, inogogì hagatarek mene inokot atì nen he, an nen hùlì yogotak yì ba nen, Hit an natitigeke, ìlùk yogohisegein lek o. Yì wene tì wene nopase nen yogonesike mene obogat yogohisìkì lagì atì nen he, Nagaiya'lak, ìlùk yogohisìkì lagì atì o.

YOHANET 12:26

Men, at sa nen an natitigeke logolìk, a'la nen he, An Yesùt hesik hagatì logog'in, ìlùk akike halok he, an logoginmo atoma neperagat motok logouogolùk nopolik waga logousak o. Nen, at sa nen an hesik hagatì logogin mene atì, nopase nen at ebe agaugethegein o, ìlùk nane eberogoat yogohisìgì,” ìlùk yogoisasike.

ABÌKAKAN 22:6

Atì'nogo isìgìrìk were'ma, at malaikat a'nogo nen hobuk yogonetì logolìk: “Yì wene tì wene haga'laganem lakhìlìk wagen atì, apùnì nen he, Wene atì eberogoat, ìlùk hùthasak mene o. Wene atì re, eil omakeat welagì'lek heageagat haga'lasigin mene o. Ma re, ninopase Etagepogot Ala Areagùn it ap at ane yogoisagarek mene wogisikerek mene a'nogo nen, an malaikat en, at atitigeke mene yogoisoagalùk lakhani wagama wagì o,” ìlùk yogonete.

IBERANI 7:26

Nit nina'la nen he, “Ap aike Ala esewerek nit hesik hano katok hogo yì'nogo kain logolìk hagatì logoilep e,” ìlùk akogorek mene, Ala nen ninoe Yesùt atìat menhesikomo werek o. At oabùt he, weak kolo aike hagatì'lek, hano tegelek motok were'ma, apùnì weak hagatarek mene ina'la nen tegelogo pogot abel pokwe po a'loma lìakhesikomo nit hesik werek o.

LAKSASIKE 26:14

Atì'nogo yasi pi waganem he, nit obogat kweangma tukwagathìgìk pisugumo, at aike nen ane yogonetì logolìk, apùnì Iberani mene ninane ba mel ikenem nasuk holhigi: Saùlùt. Saùlùt. Anat yì aik tì aik haga'nabigìlùk mù'narek nìkì lagen atì nahalok. Sapi wam sìge louk ekat kabelek mene ba ebe sathikenem, Nabìt, ìlùk okawerek en temuk hogo warikerek atì hak, hat hokawerek en hebe atì'nogoat weagathakìkì lagen o, ìlùk yogonesike.

LAKSASIKE 21:40

Atì'nogo yogosikomo re, at en he, “Ì o. Aike yogoisan,” ìlùk isikomo at Paùlùt ebe kwe lel pelarek oba metek logolìk, “Hinane,” ìlùk eki map isikomo re, inane lek agaukwama, it apùnì Iberani mene inane ba mel yogoisasike:

YOHANET 15:20

Nen, ap kain aike inawe a'ma negen werek kolek, at atitigeke mene esin negen welagarek lek o, ìlùk yogohisasigi a'nogo hina'la ebe'ni o. It en an weaga'napa halok he, hit atì'nogoat weagathinabugunat o. Nen, it en an nane hologo hagata halok he, hit hinane hologo hagasugunat o.

MAREKÙT 1:14

Hobuk he, Yohanet a'nogo eki hele wasukwasi'mo re, at Yesùt o Kalilea tokwe lagai wìrìk he, Ala ane hano wene a'nogo yogoisìlìk nìkì lagaike.

2 KORÌTÙT 2:12

An o Teroat atoma wagagi hak he, hano wene Karìsùt hagasike a'nogo wene, apùnì atoma mene hanoasuak yogoisoagalùk ninoe Etagepogot en yogonesikomo yogoisiko welagagi.

2 KORÌTÙT 11:7

An nen Ala ane hano wene atì yogohisìkì logolìk he, “Oko aike wo'ne'ni,” ìlùk ìgì'lek. Hit esinethinabigìlùk an nokawerek nebe kepù negen arìk, atì'nogo hagatì lagì atì, hit kolo hagathinapì lagì ìlùk usak nogo? Motok lek o.

1 TESALONIKA 2:8

Nit en hit hinebe ninetawìrogo welago atì nen, Ala ane atì nek sùpùthisasugu hùk. Lek o. We, hinebe ninetawì motok en, nina'la hai hakìkì logolìk, ninebe inomat wokhisasugu atì.

1 TESALONIKA 2:9

Nerùgì nagaiya'lak. Nit Ala ane hano wene atì yogohisikenem, yì mene tì mene hesik, hit aike hinoba seget asinogo ìlùk, nit ninokawerek en likene hùako ninomamerogo hagatìk, mep lagai'-lagak hogo hagatìk, ìkì lagagu a'nogo, hineluat o.

1 PETERÙT 4:17

Ala nen ninanema waganogo ùkùm ninoba hìgìk, kotik, igin atì arat horogat asi waga. Atì'nogo hagatì logolìk he, nit Ala againapùrì mene tak ninanema waganogo ùkùm ninoba hìgìk, kotìk, ìgìn halok, hobuk it apùnì aike Ala ane hano wene wanhì'lek mene nìkì'nogo hagarinabigin akegep.