TITUT 3:8 - Ala Ane Wene Ket Mene Warogo Wo'ninapike Wene

⁸ ìgì atì eberogoat o. Hat en it aike inetaùken Ala oba hìpìrìk werek mene hùgì nen, apùnì aike hesik hanorogo leberisagarek atì mene esinethìlìk akiluk hogo hagatì logoumo, apùnì obogat hesik hano motok, ìlùk, atì'nogo hagatì logouagalùk, inasuk ning hogo watì logoinogolùk, an na'la akìgì mene yogohetì atì.

TITUT 3:8 ပူးပေါင်းရင်းမြစ်များ

TITUT 3:14

Apùnì nit Ala againapùrì mene aike, e eken hano mene ìtì'lek welagarek hak, it atì hano mene ese agì'lek tùlemat alemarogo logoinogo ìlùk, it aike yì mene tì mene lek en nong arìk were'ma, it inokawerek hano hagatì logolìk leberisìkì logouogolùk, atì mene esinethìlìk yakùlhì logouak o.

TITUT 2:14

Nit alep Ala ane heraksìlìk yì weak tì weak hagatì lagagu atì nen nineki hele warogo negen ha'nisek were'ma, at Yesùt Karìsùt en he, “It inebe an nokawerek nagainapùrì atìk he, inoabùt hano mene akiluk hogo hagatì logouak en, inebe hele hikalogo inoko paligìlùk, an nebe wa'lasigin,” ìlùk isike.

TITUT 1:9

Wene apùnì hanorinaperek wene yakùlisìkì logolìk inasuk hanorogo watìk, at en ebe wene ikenem, it aike nen, at ane sagalogo hagatenem, at en inane elok sagalogo hisìgìk, elogat ìkì logouagalùk, wene nit en yakùlesugumo, eberogoat ìlùk wanhìkesik, oabùt higit hogoat ning hogo hesogo welagarek mene halok menhousak o.

TITUT 3:1

Ala againapùrì hat en hagisek welagen mene atoma nen, inogogi pemerintah mene kaintek inawe a'ma were'ma, it en yì mene tì mene higit hogo hagasuagalùk ikenem, “Ì o,” ìlùk inane hologo hagatì logouagalùk inasuk watì logoino.

1 PETERÙT 1:21

Ebe wa'lagaikesi'mo Ala nen eluguthìlìk hogoratì logouagalùk menhesikomo, hinetaùken Ala ba hìpìrethìlìk, “Hobuk at en hano'ninabigin,” ìlùk oba eberek welagep atì.

1 TIMOTÌÙT 1:15

Apùnì weak hagato were'ma Karìsùt Yesùt en ninebe telninabigìlùk kweangma yoma pi wagaike ìlùk ìgì atì, apùnì nen he, “Wene atì eberogoat,” ìlùk tùkùm hogo wanusak mene. Apùnì aike weak hamùlùgat negen hagatarek meneat he, an enek he, weak hùko motok hagatì lagagi atì.

ÙRÙM 4:5

Atì'nogo meneat he, apùnì aike nen Ala a'la hanorogo yì mene tì mene hagatì'lek logolìgat he, ina'la nen he, “It apùnì aike nen Ala ebe ina'la meathìkì lagaika meneat he, at en he, it ùkùm inoba mene elok korogo legetsìlìk hobuk inapotkwe at inom hùnogo hisikerek,” ìlùk inetaùken at oba hìpìrethikenem he, at en he: “Hinoabùt higit hogo hagatì logou hak, hinetaùken an noba hìpìrethegepma ùkùm hinoba mene korogo wokhìgìrìk, hinapotkwe ninom hùnogo hikìgì atìat o,” ìlùk yogoisikeregat.

YOHANET 12:44

It atì'nogo hagatì lagaukwa meneat he, at Yesùt en ane hùkorogo mel yogoisasike: “At sa nen etaùken an noba hìpìrethegein halok he, an noba hìpìrethegein hùk. Lek o. We, an lakhani wagaike mene a'nogo oba etaùken hìpìrethegein o.

YOHANET 5:24

“It apùnì aike nen, an nane wanhì logolìk, inetaùken an lakhani wagaike mene a'nogo oba hìpìrethogoin halok, apùnì wa'la'lùk lagaikarek ero hebisalùk ineluk motok logogun mene ero ba arat wagaikasik werek o. Ineluk motok logogun mene ese agaikasik werek atì nen he, hobuk ùkùm inoba hegein lek o, ìlùk eberogoat yogohisìgì.

PILEMON 1:11

At alebat he, hat hesik hanorogo hagasusak mea negen welagaike meneat he, yogotak hat hesik enek hùk. An neperagat hesik hanorogo haga'nisìkì logogin mene elogat werek o.

2 KORÌTÙT 4:13

At Ala ane ba helal waganogo hìkì logolìk he, mel isukwa: “Netaùken at oba hìpìrìk logolìk nane ìgì o,” ìlùk isikomo helal waganogo hesukwa higit hogoat, nit he, ninetaùken at oba hìpìrethìlìk wene yogoisìkì lago atì.

LAKSASIKE 12:15

Atì'nogo yogoisasikomo, it en he, “Eige. Hele yì lùgùlùgì palhen hìgì,” ìlùk yogosukwama, at en he, “Lek o. Eberogoat,” ìlùk ane keirogoat isike. Atì'nogo isikomo, it en he, “Halok he, atì malaikat Ala nen yoko pelaksa wagarek mene amanogo, aike Peterùt hesik pelakhei waga mene he a,” ìlùk isukwa.

EPESÙT 4:28

Hit aike nen hineki abusak wanhì lagep mene halok, hobuk atì'nogo wanhì'lek logolìk, it inelageik mene leberisìkì logouogolùk, hinokawerek yabu hineki omamerogo wanhì logoino o.

1 TIMOTÌÙT 2:8

Nen, o yì awi tì awi sapan ìkì logolìk, it ap en he, ineki nen aike weak hagatì'lek, ina'mage lagagì'lek, wene serep agì'lek, tegelek logolìk, sapan ìkì logouagalùk, yakùlisasak ìlùk na'la walok akìgìrik en yogohetì atì.

1 TIMOTÌÙT 5:10

It apùnì aike nen it hìmì soge mene atì inabok ìkì logolìk, “It inoabùt hano hagarì'lùgì,” ìlùk egarek mene halok, inetage palusak. Hano hagatarek atì re, inokawerek ineagwì hanorogo kùlinapìk, ap pok waganem inebe hanorogo woginapìk, Ala againapùrì aike inesok obakwe sobalisìgìk, it aike weak were'ma leberisìgìk, ineki aike kamo ìgì'lek yì hesik tì hesik leberisiko motok welagìk, egarek mene halok, inetage palusak o.

2 TIMOTÌÙT 1:12

Atì'nogo lakhani wagaikomo nìkì lagì atì nen, apùnì nen yì aik tì aik haga'napo kolegat he, netaùken ebe nelu mene oba hìpìrìk welagì, ìlùk nekalì agì'lek, na'la pùk hogo welagì. At en he, “An mene yì ha'narek logoino. Ha'narek were'ma, hùlì an nebeat wesigin o,” ìlùk, noba hìlìk nayoko hesike mene atì, okawerek omame ba elok ha'narek logogin o, ìlùk na'la hùthìkì lagì.

TITUT 2:7

Inasuk atì'nogo watenem, it en, hat hoabùt wanhì logouak en, yì hesik tì hesik hagatì logolìk hoabùt higit hogo hagatì logoino. Atì'nogo hagatì logolìk, “Wene yì esin mene,” ìlùk, higit hogo yakùlisìkì logoino.

IBERANI 10:24

Atì'nogo hesogo logolìk, nit-nit netawì-hetawìrogo logolìk, lebet-lebet hagatì logouogolùk, ninetaùken ago wat-wat ìkì logouok o.

MATÌÙT 20:4

Isasikesik he, Ap yì sanì. Hit he, an neyabu anggur yabumo atoma hinomat hagasi lano o. Hagasumo re, an nen oko higit hogoat wokhisegein o, ìlùk yogoisasike.