TITUT 3:6 - Ala Ane Wene Ket Mene Warogo Wo'ninapike Wene

⁶ Ala nen Areagùn wo'nisasike atì ebe re, Yesùt Karìsùt ninebe telninaperek mene a'nogo nenat hùkorogo ninoba pelakhei wagaike atì.

TITUT 3:6 ပူးပေါင်းရင်းမြစ်များ

ÙRÙM 5:5

Hano asigin ìlùk nina'la hai hakìkì lago atì ba, Ala nen Areagùn wo'nisasikomo nina'la logolìk, i hinatarek hak, Ala nen etawì'ninaperek mene atì nina'la hùkorogo hinikerek atì ba ninayù'lek welago.

LAKSASIKE 10:45

Atì'nogo pi wagaikomo, it apùnì inogat inekalìma mene palek logolìk wene eberogoat ìlùk wanhukwa mene aike Peterùt inom wagaukwasik were'ma, Ala nen Areagùn atì'nogo it etakwe mene inoba pelakhei wagaikomo, helasukwasik, wene it aike inane inokot mene ba elalinat ìgìk, Ala hogoratìk, ikenem, ineileken hìgìk, inasuk holhìk, isukwasik he, mel isukwa: “Ala nen Areagùn it apùnì etakwe mene elogat wogisikomo hìgì. Nayùk e,” ìlùk hogorasukwa. Atì'nogo hogorasukwama, at Peterùt en he, mel yogoisasike:

YOHANET 16:7

an nen wene ebe pak hogo yogohisak o. An legein lek logoilepma re, at hit lebethisìkì logogin mene atì hinoba we'lep lek meneat he, an legein atì nen, at atì an nen hinoba lakhei wesigin o. Halok he, an legein atì nen, hit hesik hano motok asigin, ìlùk eberogoat yogohisìgì o.

YOHANET 1:16

Nen, at oabùt hano motok en ninebe obogat hobugalep hano'ninabì'logo.

TITUT 1:4

Titut naput e. Hetaùken nit ninom higit hogoat Ala oba hìpìrethìlìk welagen atì ba, an nokawerek naput harat agagin atì. Ninopase Ala ho, ninoe Karìsùt Yesùt telninaperek mene ho, eperak inoabùt hano a'nogo nen, hano mene wokhetìk, hetaùken hapuguthapik, ìkì logouak o.

EPESÙT 4:2

Hit-hit netawì-hetawìrogo leberisìgìk, ninhùp-nanhùp hinetaùken seberogo hagatìk, hinoabùt enago welagìk, hinepe morogo welagìk, ìkì logoino o.

EPESÙT 3:8

Ala againapùrì mene obogat inetagewerek werek kolegat he, an netage lek, mea mene, at Ala oabùt hano nen, hano wene pìlìngìrogo usak mea mene, Karìsùt en wogisikerek a'nogo apùnì etakwe mene yogoisìlìk nìkì logouagalùk nayoko hìlìk neyabu atì wo'nesikomo welagì.

ÙRÙM 8:2

An alep he, weak hagataresik elùgùn oba inebe motok wa'lagaikarek atì mene nen hele warogo negen ha'narek welagaike. Atì'nogo were'ma, hobuk Ala Areagùn nen Karìsùt Yesùt ninom hunogo hinìkì logolìk ninelugu'ninaperek a'nogo nen hele hikalogo hanhikomo welagì.

LAKSASIKE 2:33

At ebe Ala nen eluguthikesik, era'lu kain logouagalùk menhikomo werek o. Logolìk, Ala nen, Nareagùn wokhisegein, ìlùk wene wa'nisasike hagat Yesùt wogotomo, at en hùkorogoat nit ninoba pelakhei wagama re, nit hagatenem hineileken nisìgìk, hinasuk holhìk, ìkì lagep atì.

YOHANET 7:37

Wene atì'nogo isukwasik oba nen, pesta a'nogo elùgùn kobok nikenem, Yesùt ebe melagaikesik, ane hùkorogo mel Yogoisasike: “Sa nen i nele halok, an noba na wesusak o.

YOHANET 4:10

at Yesùt en he, mel yogosike: “Ala oabùt hano nen welegat oko lek wogisikerek mene atì mel, nen an nen, I aike hinagasogo wo'nom, ìlùk kìno yogohetì atì, nebe mel, hùthanilenma, hat en i aike kìno yogonetenem, an nen i inelugurinaperek mene eberogoat wokhe'le o,” ìlùk yogosike.

ÙRÙM 2:4

“At Ala oabùt hano motok, enago lìoksek,” ìlùk, hina'la meathìkì lagep a? Hit hina'la nen he, “Ala oabùt hano nen nit weak hagatì lago mene heraksìlìk ninoabùt hebelasuagalùk, nina'la kagalherek,” ìlùk hinokot nogo? Hineluat o.

1 TIMOTÌÙT 6:17

Yì mene tì mene obogat lek asigin meneat he, it ap kaintek inetagewerek mene atì ina'la nen hogorakìkì logolìk, “Nagarok kweangma mene yoma motok apik yì nen nebe hano logogin,” ìlùk, akìkì logoinogo. At he, at Ala yì mene tì mene obogat nina'la hairogo helìkì logouagalùk hùkorogo wo'nisikerek a'nogo nenat hano'ninabigin ìlùk hùthìkì logouak en inasuk watì logoino.