TITUT 3:5 - Ala Ane Wene Ket Mene Warogo Wo'ninapike Wene

⁵ Atì'nogo weinam agaikesik, Ala Areagùn nen nina'la sobalogo ninebe ket mene ta'ninapìk, ninoabùt hùnogoat haga'ninapìk, isike atì re, nit ninokawerek en ninoabùt higit hogo hagatì lagagu ba haga'ninapike hùk. We, ninebe at enat etawì'ninapikesik telninapike atì.

TITUT 3:5 ပူးပေါင်းရင်းမြစ်များ

2 TIMOTÌÙT 1:9

At Ala nen ninebe telninapìk, at okawerek againapùrì asuagalùk ninayoko hìgìk, isike atì re, nit en aike hagasugu ba ninayoko hesike hùk. At he Ala oabùt hano nen, emakum yì mene tì mene oan elalhì'lek logolìk, hobuk Karìsùt Yesùt hagasigin oba hano'ninabigìlùk, okawerek a'la akalùk ninayoko hesike atì.

1 KORÌTÙT 6:11

Alebat hit aike atì'nogo hagatì lagagip meneat he, yogotak he, Ala nen hina'la hano sobalogo hikasikesik, hinebe at okawerek hesik hakasikomo welagep o. Ùkùm hinoba welagaike mene atì, ninopase Ala Areagùn nen ninoe Etagepogot Yesùt Karìsùt etage ba, korogo wokhasikesik Ala hinom lapulogo hikasikomo welagep o.

1 PETERÙT 3:21

It i ba telinapike atì inomanem, nit yogotak ima pogorek atì ba telninaperok o. I ba telninaperek atì re, ima pelakhiaikenem, ninogat i atì ba sobalagarek atì ba telninaperek hùk. At he, ninetaùken oba nen wene ninoba selek asuagalùk Ala ayoko hikenem, Yesùt Karìsùt wa'lagaikesik eluk agaike atì ba telninaperek o.

1 PETERÙT 1:3

Ninoe Etagepogot Yesùt Karìsùt opase Ala a'nogoat hogoratì logouok. At Ala ninebe etawì motok en, Yesùt Karìsùt wa'lagaikesi'mo nen eluguthesike atì ba nit ninelugu'ninapike atì. Ninelugu'ninapikomo logolìk he, nina'la nen, “At en, hobuk hanothinabigin, isike atì sùge asigin lek,” ìlùk nina'la hai hakìkì lago.

ÙRÙM 12:2

Apùnì yoma hagarì'lùgì mene atì inoabùt wanhùp o. Hinoabùt ket hùnogoat haga'lasuagalùk, at Ala nenat hina'la ket mene hagathinapì logouak o. Atì'nogo hagathinapì logoumo re, at a'la nen: “Yì'nogo hagasuak, tì'nogo hagasuak,” ìlùk akikerek atì ebe hinelu asigin o. Hana mene ebe atìat o. At Ala a'la hanorogo hagatìk, inetaùken wurik agìk, ikerek he, atì nenat o.

EPESÙT 2:4

Atì'nogo welagaike meneat he, hobuk at oabùt hano motok en, hùkorogoat etawì'ninapike.

EPESÙT 5:26

At Karìsùt en atì'nogo hagasike atì re, nit Ala againapùrì obogat ninebe ninoba ninagapùt lek, ninogat pulongsek lek, hano logou hak, at eilhanem ùkùm ninoba lek, hano motok tegelek logouagalùk, ninebe ima pela'ninapenem, at ane a'nogo ba, sobalogo hinìlìk, at okawerek hesik hakagalùk ebe wa'lagaike atì.

ÙRÙM 11:6

It apùnì nen hano aike hagasukwa ba, Ala nen inoabùt palogo wenaginabilepma re, at oabùt hano nen wenaginapike ìlùk usak lek atì nen he, it en hano aike hagasukwa ba Ala nen inoabùt palogo wenaginapike hùk. We, at oabùt hano nen wenaginapike atì.

IBERANI 4:16

Atì nen he, nit weak asusak were'ma, hanoasuak, ninopase Ala oabùt hano nen etawì'ninapìk, lebe'nisigìk, uagalùk, at Ala kain welagarek oba logolìk oabùt hano oba heanerogo hagatarek atì nen, ninayù'legat oba horok hogo kuok o.

KALATIA 2:16

Mene re, apùnì wene Ala nen ninasuk wasike wene a'nogo higit hogo hagatenem he, Ala nen ùkùm inoba mene korogo wokhìlìk inom hobuk inapotkwe hùnogo hisikerek lek. We, inetaùken Yesùt Karìsùt oba hìpìrethikenem enek, hùnogo hisikerek ìlùk hineluat o. Wene atì hesik, Ala ane ba helal mel waganek werek: “Apùnì aike nen higit hogo hagatenem, ùkùm inoba mene korogo wokhìlìk, inom hobuk inapotkwe hùnogo hisikerek lek,” ìlùk helal waganogo hesukwa atì nen, nit en wene Ala nen ninasuk wasike wene a'nogo higit hogo hagatenem hùk. We, ninetaùken Karìsùt oba hììrethikenem ùkùm ninoba mene korogo wokhìlìk, at ninom ninapotkwe hùnogo hinoagalùk, ninetaùken Karisùt Yesùt oba hìpìrethesugu atì.

ÙRÙM 3:20

Wene Ala nen ninasuk wasike wene atì ba re, nit apùnì weak hagatorek mene hukalagarek atì nen he, nit obogat en wene at en ninasuk wasike wene atì hologo logolìk, at eilhanem higit hogo hagasusak mea o. Hologo hagatì logoumo, at en ninom hobuk hùnogo hinasak meneat he, mea o.

1 PETERÙT 2:10

Hit alep he, Ala hinom inapik welagagip meneat he, yogotak hinebe Ala againapùrì agep o. Nen, alep he, hit en he, “Ala ninebe etawì werek,” ìlùk hinokot welagagip meneat he, yogotak “Ninebe Ala etawì nen wo'ninapikomo welago,” ìlùk hinelu agep o.

EPESÙT 4:23

Atì heraksìlìk, hinetaùken mel, hina'la ebetì lagep mene atì mel, Ala nen hinoabùt ket mene hagathinapì logouak o.

ÙRÙM 3:28

Wene atì hesik nit hathasak he, yì'nogo. Nit en wene Ala nan ninasuk wasike wene a'nogo hesogo logollìk higit hogo hagatenem, nit weak hagatorek mene legetsìlìk, at ninom ninapotkwe hùnogo hinikerek hùk. We, ninetaùken at Yesùt oba hìpìrethikenem, ninom hùnogo hinikerek o.

ÙRÙM 9:11

It ap inebe pìre atì, inebe ta'lagì'lek inoabùt hano hagatìk, weak hagatìk, ìgì'lek werek kolek, at Ala a'la nen akalùk weteberogo hisasike atì ebe arìk logouagalùk,

LUKAT 1:78

Ninopase Ala atì ninebe etawì'ninabìk he, o hìl lakhei wagarek hak, mo po'loma nen ninoba lakhei waga logolìk,

LUKAT 1:54

Hageat ninopase Aberaham mel, at en tagokwe mene mel, inom motogat hanorinabigìlùk abok yogoisasike a'nogo higit hogo, at agoromì ap Isirael mene inoba ebe'lùk etawì nen leberisa waga yì o,” ìlùk isike.

LUKAT 1:50

Apùnì obogat, hageat ta'lagaukwa mane inom, ket ta'lagaika mene inom, hobuk ta'lasugun mene inom at ebe inayùk were'ma atawì nen hano hagarinapì logogin o.

TITUT 3:4

Atì'nogo ìkì lagagu meneat he, at Ala ninebe telninaperek mene a'nogo oabùt hano nen, nit apùnì etawì'ninapike mene atì enagat weinam agaikomo ebe hùthasugu atì.

ÙRÙM 9:30

Atì halok he, nit en nìkì'nogo ugun? Mel usak. It apùnì etakwe mene nen ùkùm inoba mene Ala nen korogo wokhìlìk, inapotkwe inom hùnogo hisoagalùk hagasusak mene aike ning hogo hagatì'lek. Meneat he, inetaùken Yesùt oba hìpìrethesukwama re, Ala nen ùkùm inoba mene korogo wokhìlìk, hobuk inapotkwe inom hùnogo hisasike.

ÙRÙM 9:16

Ala nen atì'nogo ikerek atì re, apùnì ina'la nen hano ìlùk akìlìk, it an aike ning hogo hagarì'mo nen, etawìrinaperek lek. We, at Ala oabùt hano nenat etawìrinabìk inebe woginaperek atì.

ÙRÙM 4:5

Atì'nogo meneat he, apùnì aike nen Ala a'la hanorogo yì mene tì mene hagatì'lek logolìgat he, ina'la nen he, “It apùnì aike nen Ala ebe ina'la meathìkì lagaika meneat he, at en he, it ùkùm inoba mene elok korogo legetsìlìk hobuk inapotkwe at inom hùnogo hisikerek,” ìlùk inetaùken at oba hìpìrethikenem he, at en he: “Hinoabùt higit hogo hagatì logou hak, hinetaùken an noba hìpìrethegepma ùkùm hinoba mene korogo wokhìgìrìk, hinapotkwe ninom hùnogo hikìgì atìat o,” ìlùk yogoisikeregat.

LUKAT 1:72

At en ninapulak atì etawì nen hanorinabigin ìlùk abok isike a'nogo ebe hagarinapìk, Tì'nogo hagathinabigin ìlùk, wene okawerek en abok yogoisasike a'nogo ebe hagatìk, igin o, ìlùk he, na'la eberek logogin o, ìlùk yogoisasike. Tì'nogo hagasigin o, ìlùk hopuk palogo ninopase Aberaham yogosike hak hagasi waga yì.

MATÌÙT 3:11

Atì'nogo yogoisasikesik aike mel yogoisasike: “Hit weak hagatì lagep mene heraksìlìk hinepe eberogoat hebelaga ìlùk, an nebe yekerek nomame lek mene nen we ima pelakhinapì lagì. Mene re, at kain omame apik mene hobuk wesigin o. At ebe kain omame apik atì nen he, an nebe yekerek mene nen esok agùt yelik mene wolok lasak meaat. At en ima pelakhinabu hak, Ala Areagùn inom, etu inom, hinoba pelakhei wesigin o.

ÙRÙM 11:14

An nerùgì nagaiya'lak ninùkùl etage omakeat mene, Ala nen he'nakìt telinabuagalùk, an nen atì'nogo hagatì lagì atì ba, ina'mage lagalìk ua paluagalùk hagatì lagì.

IBERANI 10:22

At ebe atoma were'ma, nit nina'la nen he, “Nit weak hagato,” ìlùk nina'la wenesùgì ebetorek mene hano ho'ninapìk, ninogat obakwe i elokoken hano mene ba sobalninapìk, isike atì nen he, ninetaùken omakeat at oba hìpìrethìlìk ninayù'lek hogo, at oba horok hogo kìkì logouok o.