TITUT 3:3 - Ala Ane Wene Ket Mene Warogo Wo'ninapike Wene

³ It atì'nogo hagatì logousak atì re, nit alep ninetaùken lek ninoabùt kepù negen, ninasuk ware'legat, nong-hong hogo hagatì logolìk he, apùnì inogogì kaintek inawe a'ma welagaikarek hak, inoba aiyage lagagìk, ina'la nen yì mene tì mene walok akìgìk, egarek atì mene awe a'ma negen welagagu. Atì'nogo logolìk, it aike weagarinapìk, ua palhìk, it aike nit inapsìrì'ninapìk, nit en it ninapsìrìrinapìk, ìkì lagagu.

TITUT 3:3 ပူးပေါင်းရင်းမြစ်များ

KOLOSE 1:21

Alep he, hit hina'la weak wene ebetì logolìk, hinoabùt weak hagatì lagagip atì ba, Ala hinom heksek logolìk weim palek negen welagagip.

ÙRÙM 6:17

Hit alep he, weak hagatarek atì awe a'ma kìlìk were'ma, hobuk, wene yakùlhisikenem, wene atì hinetaùkenma wanhigip atì nen he, Ala hai wasuok o.

KOLOSE 3:7

Hit alebat he, atì mene hesigat hagatì logolìk, hinoabùt atì'nogoat hagato welagagip.

ÙRÙM 6:22

Mene re, hit weak hagato kolek, weak mene nen hakhisek were'ma, Ala nen hele hikalogo wulakhikasikomo re, yogota'ne at awe a'ma kìlìk welagep atì. Logolìk he, hinebe at hesik hisìlìk welagep atì sabùregep o. Atì'nogo logopik, elùgùn oba hineluk motok logogunat o.

1 PETERÙT 1:14

Hit alebat he, wene atì hinokot logolìk, yì mene tì mene walok en hinetaùken nen nikenem hagatì lagagip atì, hobuk he, hinoabùt atì mene wanhùp. Yekerùgì nen inopaselak inane hologo logolìk higit hogo hagatarek atì hak, hit Ala ane hinasuk hologo higit hogo hagatì logoino.

2 KORÌTÙT 12:20

An hobuk hinoba wesigin atì wìrìk he, an nen, “It inoabùt hano were'ma legein,” ìlùk akìkì lagì hak, lek. We, weak were'ma hisa wagìk, nen, hit en he, “At Paùlùt oabùt hano,” ìlùk egesep hak, lek. We, weak logolìk hisa wagìk, inogo ìlùk, nalabut hìrì'logo. Hit-hit hinom weak welagìk, ua palhìk, hina'mage lagagìk, hinokawerek hesik enek hagatìk, inabok weak weinam palhìk, hinagasogo palhìk, hinokawerek en hogorakìgìk, yùgùneke-yaganeke hagatìk, ikenem an wesusak atì, nayùk.

YOHANET 8:34

at en he, mel yogoisasike: “Apùnì weak hagaterek mane atì inebe lopok he, weak hagatarek atì atitigekeat, ìlùk eberogoat yogohisìgì o.

MATÌÙT 21:29

Yogosikomo, at aput a'nogo nen he, Ì o, nopase, isike meneat he, yabu ebe hagasi lagì'lek kamo isike.

YAKOBÙT 1:26

Nen, sa nen, “An Ala awe a'ma logolìk higit hogo hagatì lagì,” ìlùk, akìkì logolìgat he, ane elùgùn ware'lek yùgùn-yagan ikerek halok, okawerek en lalìkì logolìk, Ala a'la hanorogo hagatì lagì salek, we tùlemat hagarì'logo o.

KALATIA 6:3

Mene re, hat aike hetage lek logolìgat he, “An kain,” ìlùk, ha'la nen akìkì lagen halok he, hokawerek en lalìkì lagen atì.

LUKAT 21:8

at Yesùt en he, mel yogoisasike: “Apùnì nen lalhinabinogo nen he, hinoabùt hebelogo logoino o. Apùnì inebe apigat en, inetage an netage mene salogo nen mel ìlìk wesugun: At wesigin isukwa a'nogo an nebe wagì yìat o, ìgìk, Haga'lasigin a'nogo arat hakok i waga, ìgìk, ìlìk wesugun a'naga, it atì inane hinasuk holhìlìk inopolik lagùp o.

ABÌKAKAN 18:2

Atì'nogo pi wagasik ane hùkorogo mel yogoisike: “Apùnì aike nen anggur eken amusu wogisikenem nìlìk sìnì'nùk agaikarek atì hak, he kain yanani nikerek mene a'nogo agasabu lagaikenem, Hakhanini, ìlùk, apùnì inùkùl etage lopok obogat mel, ap kaintek inetagepogot kweangma mene mel, yogoisikenem, it en pailak hakhìkì lagaika atì. Nen, at he atì agasabu lagaikenem hakhouagalùk oabùt hagaterek atì ba, apùnì kweangma mene yì mene tì mene oko ha abaragarek mene ineilmo wùlalhak hagarìkì lagaikaat. Atì'nogo hagatì lagaika meneat he, yogotak arat yeloken tagalagaika yì, heing! Atì'nogo yeloken tagalagaikama re, Ibilit agoromì inom mel, mokareke oabùt weak mene mel, Sùe atì mene nasak lek ìlùk agaseratarek mene obogat mel, it inaua haga'laga o,” ìlùk yogosike.

ABÌKAKAN 13:14

Atì'nogo aike hagatì laga atì, at yeke lo yeke hake hùko alep mene a'nogo nen, elalin mene at eilhanem hagatì logouagalùk esewerek hike mene a'nogo ebe hagatì logolìk, apùnì kweangma welagaikarek mene apeliak lalinapì laga. Atì'nogo lalinapì logolìk, it apùnì amanogo nen, yeke lo yeke hake hùko karok oba wasukwama ebe wa'lasusak mene apotkwe se agaike mene a'nogo ebe hake hagarogo sukwan aike wusuagalùk yogoisikomo ebe wùta lakhìgì.

ÙRÙM 6:6

Nit ninoabùt ninesogat logolìk weak hagatì lagagu mene atì mabenetsoagalùk he, Yesùt e ba menhìlìk ninomat ninoasukwa atì nen, nit ninoabùt alep mene atì atitigeke logousak lek o, ìlùk ninelu.

ÙRÙM 6:12

Ninebe wa'lagorek mene yì were'ma, weak hagatarek mene atì omame asinogo nen he, awe a'ma kìlìk logogùp o. Weak hagasuagalùk hina'la kagali waga halok he, weak mene atì ane hinasuk holhùp o.

ÙRÙM 11:30

Hit alep Ala ane hologo hagatì'lek welagagip. Meneat he, yogotak it Isirael mene Ala ane hologo hagatì'lek oba re, hit hinebe etawìthinapike atì o.

2 TIMOTÌÙT 3:6

Hìmì he'na yì mene tì mene ina'la nen walok akìlìk, weak haga'lùk inetaùken ekin logolìgat, wene yakùlho motok welagaikarek meneat he, ebe wene tùkùm hogo wanùhùgat were'ma, it ap inoabùt atì'nogo hagarì'lùgì mene atì nen, hìmì atì inauakwo inabusak kìlìk, inane ba lalinabìk he, inebe hele warogo negen haksìlì'lùgì atì.

2 TIMOTÌÙT 3:13

Weaga'ninapo kolegat, it aike weak hagatì logolìk lalinabì'lùgì mene atì, it aike nen lalinapenem, it en oko-oko lalinapìgat ìkì logolìk, weak arìk arìgat hùkorogo weak akogoin atì.

TITUT 1:16

It atì nen he, “An Ala ebe nelu o,” ìlùk, inane pak hogo ìkì logolìgat he, “Ebe ninokot,” ìlùk, u hak, inasuk ware'legat, Ala a'meilo mene hagatì logolìk, yì mene tì mene hanorogo hagasusak he, mea werek atì.

TITUT 2:12

Nit ninoabùt alep Ala ebe ninobaken nene heraksìkì logolìk he, nina'la nen yì mene tì mene kweangma mene walok enek akìkì lagagu atì heraksìlìk he, yogotak ya ninoabùt ninetaùken uan logolìk Ala hesik higit hogo hagatì logouagalùk, at oabùt hano atì ha yakùlnisìlì'logo atì.