TITUT 3:2 - Ala Ane Wene Ket Mene Warogo Wo'ninapike Wene

² It Ala againapùrì atì nen he, apùnì aike inabok weak palhì'legat, inane pak weak wenagisìgì'legat, it aike nen inoabùt enagat hùtsoagalùk apùnì obogat hesik inoabùt enago lìok hogoat hagatì logouagalùk inasuk watì logoinoat.

TITUT 3:2 ပူးပေါင်းရင်းမြစ်များ

EPESÙT 4:31

Inane aik weak ìgìk, ina'makwe heperìgìk, ina'mage lagalìk, inane uarek-puarek wene palhìk, inapeliak inabok weak palhìk, egarek mene atì heraksìkì logolìk he, weagarinaparek mene inom obogat heraksìkì logoino o.

EPESÙT 4:2

Hit-hit netawì-hetawìrogo leberisìgìk, ninhùp-nanhùp hinetaùken seberogo hagatìk, hinoabùt enago welagìk, hinepe morogo welagìk, ìkì logoino o.

1 TIMOTÌÙT 3:3

i anggur amusu oba lagolek nikerek lek mene halok, oabùt asialok hogo hagatì'lek, enago, lìok hogo welagarek mene halok, a'la nen uang walok apik akikerek lek mene halok,

1 PETERÙT 3:10

Wene atì hesik mel isukwa: “Apùnì inoabùt ninopase Etagepogot a'la walok akikerek mene higit hogo hagarì'lùgì mene hùgì, at eileken inoba logolìk, sapan ayoko hikenem inane asuk holherek o. Meneat he, it weak hagarì'lùgì mene hùgì, elokoken age warisikerek o, atì nen, sa nen, An neluk aike inom logoile, ninhùp-nanhùbat hano mene nek haga'laganem hìkì logoile, ìlùk logou walok halok he, ameli ba weak wene ìgì'lek welagìk, ape ba nen apeliak apùnì aike lalinapì'lek welagìk, weak mene apotma heraksalùk hano mene nek hagatìk, oabùt apùnì aike inom lapuk hogo hano welagaikarek atì mene esinethìlìk omamerogo hagarìk lagìk, ìkì logousak o,” ìlùk Ala ane ba helal waganogo hesukwa.

1 PETERÙT 3:8

Wene atì elùgùn warogo mel yogohisak. Hit hinebe obogat hina'la nen he, “Ninebe Ala againapùrì ninerùgì ninagaiya'lak ninom,” ìlùk hinetaùken hutik logolìk, hina'la omakeat mene akìgìk, hinetaùken omakeat mene ebetìk, ìkì logoino. Atì'nogo ìkì logolìk, hinokawerek en hogorakìgì'lek, hinetaùken seberogo logolìk, hit-hit netawì-hetawìrogo hagatì logoino.

YAKOBÙT 4:11

Nerùgì nagaiya'lak. Hit-hit hinabok pal-pal ìkì logousak lek. Hinerùgì hinagaiya'lak aike inabok palhìk, ùkùm inoba hìgìk, egep halok he, wene Ala nen ninasuk wasike wene a'nogoat weak ìlùk u hagat ìkì lagep atì. Nen, wene atì weak ìlùk ìkì lagep halok, wene atì hinasuk hologo hagatì lagep hùk. We, hit en he, “Wene atì weak. Ebe hano re, tì'nogo usak mene isikomo,” ìlùk u hak ìkì lagep atì.

KALATIA 5:22

Nen, e eken ìterek hak, Ala Areagùn apùnì ina'la logolìk inoabùt hagatarek he, ebe yì. Apùnì aike inebe inetaùken butik welagìk, ina'la hai hakìgìk, apùnì aike inom lìoksek welagìk, inepe morogo welagìk, inoabùt enago welagìk, inoabùt hano welagìk, inoabùt lopok hogo welagìk,

MATÌÙT 11:29

An nasukwe kalek su a'le sakore'ma re, hano kalogo wokhikamo seweagat hogoin atì nen he, hinomolo ba wìlìk, an noabùt enago logolìk inawe a'ma negen welagìrek a'nogo tùkùm hogo yakùlìk nìkì logoino o. Atì'nogo nìkì logogun halok, hinetaùken hapuk igin o,” ìlùk yogoisasike.

1 PETERÙT 2:1

Atì nen, hit weak hagatì lagep mene atì motok heraksìlìk logoino o. Apùnì aike lalinapìk, hinetaùken pìre hagatìk, ua palhìk, hinapeliak en apùnì aike inabok weak palhìk, ìkì lagep atì, heraksìkì logoino o.

YAKOBÙT 3:17

Atì'nogo meneat he, apùnì Ala nen ina'la kagalhenem, inoabùt esin hagatarek he, weak aike hagatì'lek ineil lopok hogo welagaikarek atì. Atì'nogo logolìk, apùnì aike inom lìok hogo welagìk, inoabùt enago welagìk, inane hologo hagatìk, e eken hano mene ìterek atì hak, hanorogo hagatìk, apùnì inetawìrogo motok welagìk, apùnì aike inelokoma hisìgìk, aike inapotma hisìgìk, ìgì'legat, inetaùken pìre welagì'legat, hanorogo hagatarek atì.

KALATIA 6:10

Ma re, nit o yogotak hano mene hagasusak elok welago ya ba re, apùnì aike inebe obogat leberisìkì logolìgat, esin hake re, ninerùgì ninagaiya'lak inetatùken Karìsùt oba hìpìrìk werek mene hùgì hanorogo leberisìkì logouok o.

KALATIA 6:1

Nerùgì nagaiya'lak. At aike weak hagatenem hineileken hegep halok he, at atì apotkwe oabùt hebelasuagalùk, hit Ala Areagùn eberogoat hina'la werek mene nen hinane lìok hogo asuk wa'no o. Asuk atì'nogo watenem, hit atì'nogoat hinoba asinogo ìlùk, hinokawerek hinepe hebelogo logoino.

1 TIMOTÌÙT 3:11

Atì hagat he, it atì inagagwì inoba haro logolìk inahùsipi weak ìlìk negarek lek mene halok, weak hagasuagalùk ina'la kagalhenem tok wokhagarek hak wokhagarek mene halok, inoabùt lenurek mene halok, inoabùt atì hake halok, inagonì leberisùgùkwe mene logouagalùk menhisasak o.

1 TESALONIKA 2:7

Atì'nogo meneat he, inagosalak en ineagwì alelogo woginabìk hagisek welagaikarek hak, nit hit ninom logolìk alelogo hakhisek logolìk hagatì lagagu atì.

PILIPI 4:5

Ninoe Etagepogot a'nogo hepogat wesigin atì nen, apùnì obogat en hit hùthikoagalùk, hinoabùt lìok hogo hagatì logoino.

1 KORÌTÙT 9:19

An he, apùnì inatitigeke welagì hùk. Nalepma welagì meneat he, apùnì inebe apigat Karìsùt hesik woginabigìlùk he, apùnì obogat inatitigeke arik nìgìrek o.

2 KORÌTÙT 12:20

An hobuk hinoba wesigin atì wìrìk he, an nen, “It inoabùt hano were'ma legein,” ìlùk akìkì lagì hak, lek. We, weak were'ma hisa wagìk, nen, hit en he, “At Paùlùt oabùt hano,” ìlùk egesep hak, lek. We, weak logolìk hisa wagìk, inogo ìlùk, nalabut hìrì'logo. Hit-hit hinom weak welagìk, ua palhìk, hina'mage lagagìk, hinokawerek hesik enek hagatìk, inabok weak weinam palhìk, hinagasogo palhìk, hinokawerek en hogorakìgìk, yùgùneke-yaganeke hagatìk, ikenem an wesusak atì, nayùk.

2 KORÌTÙT 10:1

An Paùlùt Karìsùt oabùt enago hano a'nogo oabùt waganogo, nokawerek en wene aike hinasuk wasik. It aike nen he, “At ebe horok hogo ninom logolìk he, oabùt lìok hogo wene yogonisikerek. Meneat he, ebe walegat logolìk he, oabùt ayù'lek ning hogo yogonisikerek,” ìlùk egarek mene a'nogo hobuk hinoba wìrìk noabùt nayù'lek logolìk nane ning hogo yogohisanogo ìlùk, hùthoageip ìlùk nane lìok hogo yogohisìgì. It atì nen he: “Paùlùt lak atì re, apùnì inoabùt inesogat logolìk inoabùt waganogo hagarì'lùgì,” ìlùk ninabok weak palì'lùgì mene atì, noabùt nayù'lek nane ning hogo wenagisa wesigin ìlùk wenesùgì ebetì lagì.

LAKSASIKE 23:5

Atì'nogo yogogukwama, at Paùlùt en he, “Ì. Nagaiya'lak. Ala ane helal waganogo hìkì logolìk he, Hinogogì kaintek sethisek welagaikarek mene atì hina'la meatsìlìk wenagisagùp o, ìlùk helal waganogo hesukwama werek meneat he, at ebe Ala esewerek inoe kain werek ìlùk an nokotma ìgìma o,” ìlùk yogoisasike.

YURAT 1:10

Atì'nogo meneat he, it apùnì atì yì wene tì wene inokot logolìgat he, abok weak palì'lùgì atì. Atì'nogo palhì logolìk, wam etaùken lek mene nen hagaterek atì hak, inabusak inelu arìk hagarì'lùgì atì ba inoabùt oba inebe weagathakìlì'lùgì atì.

YURAT 1:8

Atì'nogoat he, it apùnì atì inabì hìlì'lùgì salek inetaùken palek logolìk he, inokawerek inebe weagathakìgìk, ninoe Etagepogot ina'la meathìgìk, pogot oba hogorinaparek mene atì inabok weak ìgìk, ìlì'lùgì atì.

2 PETERÙT 2:10

It atì esin hake re, Ala ina'la meathìlìk, yì mene tì mene inetaùken nen nikenem weak hagarìk nùgì atì, Ala nen ùkùm inoba hegein o. Inayù'lek inabulagamweak hagatì logolìk, pogot oba mene hogorinapo welagaikarek mene atoma, it inayù'legat inabok weak palhì logogun atì.

1 PETERÙT 4:4

Meneat he, yogotak hit hinoabùt it weak inamolorogo motok hagarìk lagaikarek atì hak hinom hagatì'lek kamo ìkì lagep atì nen, hit hinabok weak palì'lùgì atì.

1 KORÌTÙT 6:10

yogot wanharek mene mel, inamì'mìk weak hagatarek mene mel, amusu lùgùlùgì paluogolùk nekarek mene a'nogo niko motok welagaikarek mene mel, inane aik weak wenagisagarek mene mel, ineki abusak wanharek mene mel, it apùnì atì'nogo hagatarek mene atì obogat Ala awe a'ma hisikere'ma atì esewerek asugun motok lek o.