TITUT 3:14 - Ala Ane Wene Ket Mene Warogo Wo'ninapike Wene

¹⁴ Apùnì nit Ala againapùrì mene aike, e eken hano mene ìtì'lek welagarek hak, it atì hano mene ese agì'lek tùlemat alemarogo logoinogo ìlùk, it aike yì mene tì mene lek en nong arìk were'ma, it inokawerek hano hagatì logolìk leberisìkì logouogolùk, atì mene esinethìlìk yakùlhì logouak o.

TITUT 3:14 ပူးပေါင်းရင်းမြစ်များ

KOLOSE 1:10

Atì'nogo hinelu arìk he, ninoe Etagepogot a'la hanorogo, at walok akikerek mene higit hogo hagatì logousagat. Yì mene tì mene awì yatenem ero hùko arik eken ìterek hak, hit Ala oabùt hinelu aga logolìk, yì mene tì mene hano mene hagatì logousak atì.

TITUT 3:8

ìgì atì eberogoat o. Hat en it aike inetaùken Ala oba hìpìrìk werek mene hùgì nen, apùnì aike hesik hanorogo leberisagarek atì mene esinethìlìk akiluk hogo hagatì logoumo, apùnì obogat hesik hano motok, ìlùk, atì'nogo hagatì logouagalùk, inasuk ning hogo watì logoinogolùk, an na'la akìgì mene yogohetì atì.

PILIPI 1:11

Yì mene tì mene awì yatenem ero hùko arìk eken ìterek hak, at Yesùt Karisùt en hagathinapì logogin oba, hinoabùt higit hogo hagato motok aike inomat hagatì logogun halok, at ebe waganem he, apùnì aike nen Ala hai watìk, hogoratìk, ugun o.

MATÌÙT 7:19

Yì e tì e eken hano ìterek lek mene atì re, ero mùkogo re, etumo motok laksagarek o.

2 PETERÙT 1:8

Hit he, hinoabùt atì mene obogat ese arìk, hobugalep hùkorogo ese arìk logogun atì nen, we tùlemat alemarogo welagì'lek, ninoe Etagepogot Yesùt Karìsùt sekek hogo hinelu asugun o.

PILIPI 4:17

Mene re, atì'nogo lebe'nììkì lagep meneat he, la'nesi waganem wanhì logousak atì hesik esinethìkì lagì hùk. We, hit oko sabùra hak he, Ala nen ebe mene wokhisikenem hit ese asuageip ìlùk esinethìkì lagì o.

EPESÙT 4:28

Hit aike nen hineki abusak wanhì lagep mene halok, hobuk atì'nogo wanhì'lek logolìk, it inelageik mene leberisìkì logouogolùk, hinokawerek yabu hineki omamerogo wanhì logoino o.

YOHANET 15:16

Hit en an wena'napigip hùk. We, an nen hit wenakhinapigi atì, e eken ìterek atì hak, motok logogin mene hagasi loageip en ìlùk, hinebe wenakhinabìk menhikasigi. Atì nen he, we, nena mene, hit walok mene an netage palogo nopase kìno yogosugun halok he, at en wokhisegeinat o.

YOHANET 15:8

Hit hineken apik isu hak hano mene hùkorogo hagasugun halok, apùnì nen an napase hogorasugun o. Hit hinebe ebe nagoromì nane wanhì lagep mene logolìk, atì'nogoat hagatì logogun o,” ìlùk yogoisasike.

2 TESALONIKA 3:8

Nit en he, supùrùk hit hinoba aike oka palhì'lek welegat nìkì lagagu legat o. We, hit aike hinoba seget weak hìkì logoinogo ìlùk, nit likene hùako nen motok set kwìl-kwal hogo ninokawerek enat ninomamerogo hagathìlìk oko palogo nìkì lagagu atì.

LAKSASIKE 20:35

Wene ninoe Etagepogot Yesùt okawerek en mel yogonisasike atì: It apùnì aike nen wokhisikenem helìlìk hina'la hai hakasak mea o. We, at he, hit hinokawerek en it aike wogisìkì logolìk hina'la hai hakasak o, ìlùk yogonisasike atì nina'la eberek logolìk he, an men it aike inomame lek mene leberisìkì lagì atì, hit en hùthanìlìk an noabùt waganogo hineki omamerogo leberisìkì logouageip ìlùk yakùlogo hagatì lagì atì,” ìlùk yogoisasike.

MATÌÙT 21:19

Sùpùrùk nele agaikomo re, e ara ero aike kwe pìtma were'ma eileken lakhalùk eroma lagaikesik eileken penasike mene re, eken aike ìtì'lek, we, eka muli nek werek en he, mel yogosike: “Hat e yì, hùlì yogotak en pìkìt hobuk heken motok ìtì'lek logoino,” ìlùk homan hiko kolek aremnogoat he, e ara a'nogo motok pùk agaike.

LAKSASIKE 18:3

It Akwila Perisikila eperagat ineki oko hesik he, o en mene katì lagaukwa. At Paùlùt eki oko hesik atì'nogoat katì lagaike atì nen he, it inoba wagaikesik logolìk, inomat katì lagaukwa.

1 TESALONIKA 2:9

Nerùgì nagaiya'lak. Nit Ala ane hano wene atì yogohisikenem, yì mene tì mene hesik, hit aike hinoba seget asinogo ìlùk, nit ninokawerek en likene hùako ninomamerogo hagatìk, mep lagai'-lagak hogo hagatìk, ìkì lagagu a'nogo, hineluat o.

ÙRÙM 15:28

Atì'nogo arat hisaga mene atì, an nen it Yerusalem mene arat wogisa lagì halok he, o Isipainol lagalùk waga logolìk, hinoba ha'larìk wesigin o.

ÙRÙM 12:13

Ala againapùrì mene aike yì mene tì mene le'ma werek halok sùpùrisìgìk, ap pok inebe hinokot mene waganem hinaua hanorogo woginapìk, ìkì logoino o.

PILIPI 4:16

An o Tesalonika a'loma yì mene tì mene nelageik were'ma, ebe alep aike la'nesi wagagisip he, hobuk aike la'nesi wagagip atì.

TITUT 2:8

Atì'nogo yakùlisikenem, it aike wene atì inabìt mene nen, “It weak hagata,” ìlùk, wene nit ninoba le'maat ikenem, inekalì asuagalùk, ebe weneat hano'ninaperek wene, weak usak lek mene a'nogo, yakùlisìkì logoino.