TITUT 2:8 - Ala Ane Wene Ket Mene Warogo Wo'ninapike Wene

⁸ Atì'nogo yakùlisikenem, it aike wene atì inabìt mene nen, “It weak hagata,” ìlùk, wene nit ninoba le'maat ikenem, inekalì asuagalùk, ebe weneat hano'ninaperek wene, weak usak lek mene a'nogo, yakùlisìkì logoino.

TITUT 2:8 ပူးပေါင်းရင်းမြစ်များ

1 PETERÙT 2:12

It apùnì etakwe mene Ala inokot mene hinom logolìk, it en he, hit weak hagatì lagep mene salek, “It weak hagarì'lùgì o,” ìlùk hinabok weak ìkì logolìgat he, hit hinoabùt hano hagatenem ineileken hisìkì logopik he, apùnì nen at Ala ebe hobuk waganem hogorasuagalùk hit hinoabùt higit hogo hagatì logoino o.

1 PETERÙT 3:16

hinane lìok hogo hai warogo yogoisìkì logoino. Atì'nogo yogoisìkì logolìk, hina'la nen he, “An wene noba selek o,” ìlùk akìkì logolìk, Karìsùt hinom hutik logolìk, hano hagatenem, apùnì nen hinabok weak palugun mene atì ineileken hisìlìk inekalì asugun o.

1 TIMOTÌÙT 6:3

It apùnì aike nen hano wene ninoe Etagepogot Yesùt Karìsùt en hagasike wene a'nogo mel, “Ala awe a'ma kìlìk, tì'nogo hagatì logousak,” ìlùk, wene yakùlisìkì lago mene atì mel, heraksìlìk, hùnogo wene yakùlisìlì'lùgì mene aike werek.

2 TESALONIKA 3:14

Wene helal waganogo hinoba lakhei wago mene atì, it aike nen inasuk hologo hagasusak inabìt mene atì, inekalì asuagalùk it inoabùt atì'nogo hagarì'lùgì mene atì hùthìlìk he, hinom hùnethìlìk logogùp o.

1 TIMOTÌÙT 5:14

Halok he, it hìmì soge aike Ibilit opolik kwanìrogo wo'laka lagaika atì nen, it aike nit Ala againapùrì ninom weim palek hake mene nen ninabok weak palinogo ìlùk, it hìmì soge tùgùm mene atì, inagonì lopok woginabìk he, ineagwi tagasogo hanorogo tegelogo hagisek logouagalùk ìgì atì.

LUKAT 13:17

it he'nakit Yesùt inabìt welagaukwa mene amanogo obogat inekalì agaukwa. Meneat he, it apùnì aike inebe apik amanogo obogat en he, at Yesùt hagatì lagaike atì obogat hesik he, ina'la hai apik hakìkì lagaukwa.

MAREKÙT 12:34

at Yesùt a'la nen he: “Ap yì ataùken werek mene nen ike hìgì,” ìlùk akasikesik he, mel yogosike: “Hat he, Ala awe a'ma horogat kusak welagen hìgì,” ìlùk yogosikomo it apùnì amanogo nen hobuk Yesùt oba wene hinok wanu inayùk agaike.

MAREKÙT 12:32

Yogosikomo, at Ala ane helal waganek esewerek mene a'nogo nen he, mel yogosike: “Ì noe. Wene hìgìrat egen hìgì. At Ala ebe omakeat, aike lek, ìlùk eberogoat egen.

MAREKÙT 12:28

Wene atì'nogo inom iko kolek he, it ap Ala ane helal waganek esewerek mene amanogo omakeat aike wagaikesik asuk hologo welagaikesik, a'la nen mel akasike: “It ap yì Yesùt oba hinok wokhagama re, at en wene oko higit hogo yogoisike hìgì,” ìlùk a'la akasikesik mel yogosike: “Noe. Wene Ala nen ninasuk wasike wene a'nogo wene ebe hùko esin he, kì isike akegen,” ìlùk hinok Yesùt oba wanhìke.

MAREKÙT 12:17

at Yesùt en he, mel yogoisasike: “Kaisat mene halok he, Kaisat at wogotìk, Ala mene halok he, Ala at wogotìk, ìkì logoino o,” ìlùk yogoisasikomo re, it en he, “Egi! Nayùk e,” ìlùk hogorasukwa.

TITUT 3:14

Apùnì nit Ala againapùrì mene aike, e eken hano mene ìtì'lek welagarek hak, it atì hano mene ese agì'lek tùlemat alemarogo logoinogo ìlùk, it aike yì mene tì mene lek en nong arìk were'ma, it inokawerek hano hagatì logolìk leberisìkì logouogolùk, atì mene esinethìlìk yakùlhì logouak o.