TITUT 2:3 - Ala Ane Wene Ket Mene Warogo Wo'ninapike Wene

³ Ati hagat he, it hìmì inalùgetek mene atì, apùnì Ala awe a'ma logolìk, inoabùt higit hogo hagatarek hak, hagatì logolìk, apùnì aike inabok weak palhìi'legat, inogogì kaintek inawe a'ma welagaikarek hak, i anggur eken amusu awe a'ma negen logolìk, inoba lagolek nekarek atì'nogo nìkì'legat logolìk, it en it aike hanorogo hagatì logousak hesik, yakùlisìkì logouagalùk inasuk watì logoinoat o.

TITUT 2:3 ပူးပေါင်းရင်းမြစ်များ

TITUT 2:4

Atì'nogo yakùlisikenem, it apùnì aike nen, wene Ala nen yogonisasike wene a'nogo abok weak ìkì logoinogo ìlùk, it en he, hìmì tùgùmtek atì nen inagonì mel, ineagwì mel, inetawìrogo logolìk, inetaùken uan welagìk, ineil lopok hogo welagìk, ouma mene yì mene tì mene higit hogo tegelogo hagatìk, inagonì inane hologo welagìk, ìkì logouagalùk, yakùlisìkì logouak en he, inasuk watì logoinoat o.

1 TIMOTÌÙT 3:11

Atì hagat he, it atì inagagwì inoba haro logolìk inahùsipi weak ìlìk negarek lek mene halok, weak hagasuagalùk ina'la kagalhenem tok wokhagarek hak wokhagarek mene halok, inoabùt lenurek mene halok, inoabùt atì hake halok, inagonì leberisùgùkwe mene logouagalùk menhisasak o.

TITUT 1:7

Ap Ala againapùrì aike serisek logolìk he, Ala hesigat hagatì logogin atì nen he, it aike nen ùkùm oba hìlì'lùgì lek mene halok, menhousak o. At en he: “It aike ikenem weak. An ìgì nek he, hano,” ìlùk, ikerek lek mene halok, a'mage horok hakoksek lek mene halok, i anggur amusu oba lagolek nikerek lek mene halok, oabùt asialoksek welagarek lek mene halok, “Uang, yì mene tì mene an enek noba logoilep,” ìlùk, akikerek lek mene halok,

1 TIMOTÌÙT 3:8

Atì hagat he, Ala againapùrì mene leberisìkì logouagalùk, inoabùt yì hake mene menhisasak. Inoba haro mene halok, inameli pìre agorogo egarek lek mene halok, anggur eken amusu inoba lagolek nekarek lek mene halok, uang, yì mene tì mene, hano mene, “An enek noba logoilep,” akagarek lek mene halok, menhisasak o.

ÙRÙM 16:2

hit ninoe Etagepogot hinom hutik logolìk, Ala againapùrì nen wanusak higit hogoat, at ebe wanuageip en ìlùk yogohisìgì o. At agarok yì mene tì mene lek halok he, hit mene aike wogotì logoino o. At en he, apùnì apigat leberisìgìk, an nebe mel lebe'nììgìk, ìkì lagaikesi'mo re, hit en at ebe wanino o.

EPESÙT 5:3

Hinebe Ala againapùrì logolìk hinoabùt hagatì logousak meneat hagatì logousak. Halok he, pailak haksìgìk, inekalì lek weak hagatìk, “Yì mene tì mene an enek wo'ne'lep,” ìlùk ina'la nen akìgìk, egarek atì mene, apùnì aike nen he, “It aike atì'nogo weak hagarì'lùgì,” ìlùkk, hinabok weak sagarasinogo ìlùk, weak aike hagatùp o.

ABÌKAKAN 2:20

Atì'nogo meneat he, at he Isebel a'nogo nen apeliagat, An nebe Ala ane yogoisigirek meneat o, ìlùk apùnì an natitigeke mene inebe apigat pailak haksìkì logouagalùk yakùlisìgìk, wam tùgì ako warek mene kùrìk nìkì logouagalùk yakùlisìgìk, iko kolek, hit en he, wenagatì'lek, At oba lopok, ìlùk, herakhìkì lagep atì nek he, It weak hagarì'lùgì, ìlùk hinoabùt palhì lagì o.

IBERANI 5:12

Hit he, Ala ane alebat yakùlhigisipmo re, hit en it apùnì aike yakùlisasak elok meneat he, mea atì nen, wene emakum yakùlharek mene atì, it apùnì aikeagùn inoba yakùlusak o. It yekerùgì sùpùrùk haro mene nasak mea nen, inagosa ineilak enek niko welagaikarek atì hak, hit he, wene wurik mene yakùlusak mea nen he, wene alep yakùlisagarek mene atì mene nek yakùlhì logousak hinoabùt hisìkì lagì o.

1 TIMOTÌÙT 5:23

Ou en ninhùp-nanhùbat homame lek agarek a'nogo nen halabut hesik i nek nìkì logogùn. We, anggur eken amusu aike hamùlùgat inom nìkì logoino.

ÙRÙM 1:29

Atì'nogo hagarìkì logolìk, it ina'la re, yì weak a weak, yì kolo tì kolo, peserek logolìk, inamì'mìk weak hagatìk, apùnì aike weagarinapìk, egarek. Ìkì logolìk, apùnì inoba ua palhìk, inebe inoatìk, wene serep agìk, apùnì lalinapìk, wene eken hìlìk welagìk, egarek atì meneat ina'la motok kelek welagarek o. Inabok hinagasogo nabok-habok ìgìk,