TITUT 2:13 - Ala Ane Wene Ket Mene Warogo Wo'ninapike Wene

¹³ Nit yogotak he, Yesùt Karìsùt ebe Ala Etagepogot mene, telninapike mene a'nogo apùnì nen hogorato kolek, weinam hogo hano'ninabi wesigin atì hesik, nina'la hai hakìkì logolìk ebe serogo welago.

TITUT 2:13 ပူးပေါင်းရင်းမြစ်များ

2 TIMOTÌÙT 4:8

Apùnì inawe walhikenem, inawe uan asugun mene oko hano mene wogisagarek hak, an nebe arat laganem, ninoe Etagepogot en ùkùm ninoba hìgìk, kotìk, higit hogoat igin atì like, at en he, “Hat higirat hagatì lagenma,” ìlùk, oko hano mene aike wo'nesigin werek o. Mene re, an enek wo'nesigin hùk. It aike ina'la nen he, “Yesùt we'nìk e,” ìlùk, walok en serogo welagaikarek mene hùgì obogat ninom wo'nisegeinat o.

1 KORÌTÙT 1:7

Hinetaùken atì'nogo wurigethìlìk, ninoe Etagepogot Yesùt Karìsùt weinam hogo wesigin ìlùk, serogo logolìk he, Ala nen wo'nisikerek mene atì, aike wanhì'lek welagep hùk. We, obogat wanhigisip welagep o.

MATÌÙT 16:27

An abat ta'lasi wagagi a'nogo re, hobuk nopase hogorato motok welagaikarek atì hagat haga'la'lùk, it malaikat Ala nen pogot oba nen yoko pelaksa wagarek mene amanogo ninom wìrìk, atì sat he, apùnì obogat inoabùt lopok hagatarek mene higit hogoat oko wogisa wesigin o.

TITUT 1:2

At Ala nen, yì mene tì mene oan elalhì'lek logolìk, nit apùnì hesik mel isike: “Apùnì an nen elalinabìk he, inebe ineluk motok logouagalùk, hano hagarinabigin,” ìlùk, abok isike atì, “Apeliak ikerek lek,” ìlùk nina'la eberek logolìk, ebe wene yakùlisìkì lago atì.

MAREKÙT 14:62

Hinok atì'nogo wokhasikomo, at Yesùt en he, mel yogosike: “Ati, an nebe yìat o. An abat ta'lasi wagagi a'nogo, at Ala omame apik yì mene tì mene hagasusak enek a'nogo era'lu eki ebekwe kainat logopik he, pogot oba atoma nen ohena a'la pi waganem hineileken neogoin o,” ìlùk yogosike.

IBERANI 9:28

at Karìsùt hogo re, nit apùnì weak hagatorek mene legetsagalùk eki omake hesik wam Ala waretì lagaukwa atì hak, at ebe wa'lagaikesik, hobuk wesigin atì, nit weak hagatorek mene legetsagalùk wesigin hùk. Lek o. We, nit apùnì, at waganem elokoma serogo welagorek mene hùgì, hano'ninabigìlùk wesigin o.

2 PETERÙT 3:18

Ninoe Etagepogot telninaperek mene oabùt hano a'nogo nen wo'nisikerek mene atì wanhìk, ebe hinelu agìk, ìkì logolìk he, hinetaùken wurik arìk logoino. Yogotak ya mel, hobuk mel, at Yesùt Karìsùt aligat hogorato motok logouok o, ìlùk, “Amin,” ìgì atì.

2 KORÌTÙT 4:4

Atì'nogo werek atì re, it apùnì kweangma mene inopase Ibilit a'nogo nen inetaùken Ala oba hìpìrethìgì'lek mene atì, inetaùken mùmerinapikomo werek o. At Karìsùt Ala hakeatma re, ebe hogoratarek wene, hano wene atì nen lìarinabusak meneat he, lìarinabinogo ìlùk, inetaùken mùmerinapikomo werek atì.

ÙRÙM 15:13

“Hobuk hano asigin,” ìlùk nina'la hai hakogorek atì, ero at Ala nenat haga'ninaperek. Hit atì'nogo hina'la hai hùkorogo hakìkì logouagalùk Ala Areagùn omame ba hagathinabuak. Atì'nogo hagathinabuak en he, hinetaùken at oba hìpìrethesigip atì ba hakothìlìk were'ma, at en hina'la hai apik hakìkì logouagalùk hagathinapìk, hinetaùken hapuguthinapìk, uak o.

ÙRÙM 5:5

Hano asigin ìlùk nina'la hai hakìkì lago atì ba, Ala nen Areagùn wo'nisasikomo nina'la logolìk, i hinatarek hak, Ala nen etawì'ninaperek mene atì nina'la hùkorogo hinikerek atì ba ninayù'lek welago.

2 PETERÙT 1:1

Nerùgì nagaiya'lak. An Simon Peterùt Yesùt Karìsùt en, at atitigeke logouagalùk nayoko hìlìk lakhani wagaikomo wagagi. Ati re, at ebe Ala at logolìk, oabùt higit hogo nek hagaterek a'nogo nen, hit ninom higit hogoat ninetaùken at oba hìpìrethikenem telninabì'logo mene hùgì, wene yì helal waganogo hinoba lakhei wagì atì.

1 PETERÙT 1:7

Emas oko apik palharek mene atì hano a? Weak a, ìlùk etu aik oba walhagarek atì hak, Ala nen he, “It inetaùken an noba eberogoat hìpìrìk werek a? Lek a,” ìlùk, enagat asuagalùk akikenem, hinoba yì aik tì aik hìkì lagep atì. Emas atì re, we tùlemat lek asigin meneat he, ebe esin he, hinetaùken Ala oba hìpìrìk welagep atìat o. Hit hinetaùken at oba hìpìrìk logogun halok he, at en hinoabùt palhì logopik he, Yesùt Karìsùt weinam hogo lakhei wesigin atì like, hogothinapìk, agaugethinapìk, esinethinapìk, igin o.

1 PETERÙT 1:3

Ninoe Etagepogot Yesùt Karìsùt opase Ala a'nogoat hogoratì logouok. At Ala ninebe etawì motok en, Yesùt Karìsùt wa'lagaikesi'mo nen eluguthesike atì ba nit ninelugu'ninapike atì. Ninelugu'ninapikomo logolìk he, nina'la nen, “At en, hobuk hanothinabigin, isike atì sùge asigin lek,” ìlùk nina'la hai hakìkì lago.

2 TIMOTÌÙT 4:1

At Karìsùt Yesùt ebe hobuk kweangma weinam hogoat wìrìk he, apùnì ninebe nineluk welago mene mel, wa'lagaukwa mene mel, obogat ùkùm ninoba hìgìk, kotìk, igin. Hìkì logopik, yì apùnì tì apùnì obogat awe a'ma hisìlìk at ebe kain logogin atì nen, an nen, ninopase Ala mel, Yesùt mel, eperak ineilhanem, hat en ebe wene apùnì yogoisìkì logoinogolùk hasuk warogo yogohesik. Apùnì hano wene yogoisikenem holusak werek kolek mel, inabìt werek kolek mel, holuagalùk wene atì ning hogo yogoisìkì logoino. Ha'la pùk agì'lek yakùlisìkì logolìk he, weak hagatenem hane pak hogo yogoisìgìk, inasuk watìk, inetaùken ago warogo yogoisìgìk, ìkì logoino.

2 KORÌTÙT 4:6

At Ala nen ìkì logolìk he: “O mum atì a'la nen lìa a'nìk,” ìlùk isike atì hak, at enat nit nina'la mùm mene atì lìa'ninapikomo welago. Atì'nogo logolìk, at Karìsùt elokoken apipin yatenem nineileken lakhìlìk he, at Ala hogoratarek mene a'nogo ebe atìgìnìk ìlùk hùthìkì logouagalùk atì'nogo lìa'ninapike atì.

LAKSASIKE 24:15

It ap yì nen he, Apùnì hano hagarì'lùgì mene mel, weak hagarì'lùgì mene mel, inebe wa'larìk were'ma eberogoat Ala nen inelugurinabigin, ìlùk, inetaùken Ala oba hìpìrìk werek atì hak, an atì'nogoat welagì o.

MAREKÙT 8:38

Apùnì yoma inoabùt weak logolìk Ala ebe inom lopok hogo welagì'lek, yì weak tì weak hagarì'lùgì mene atì hinomat logolìk, it ineilhanem sa nen, An Yesùt agot, ìgìk, an nane atì yogoisìgìk, u re, ape ekalì halok he, an abat ta'lasi wagagi a'nogo hobuk nopase hogorato motok welagaikarek hak haga'la'lùk, it malaikat Ala okawerek hesik yoko pelaksa wagarek mene amanogo ninom wìrìk he,

ABÌKAKAN 1:7

Lakhani! At ebe ohena a'la waganem, apùnì obogat inebe lopok en mel, it at sìge taluk wasukwa mene mel, inomat en ineileken lakhìkì logolìk, inùkùl etage lopok obogat le asugun o, ìlùk yogohisìgì atì, “Ebe asuak,” u hak, “Amin,” ìgì atì.

TITUT 3:4

Atì'nogo ìkì lagagu meneat he, at Ala ninebe telninaperek mene a'nogo oabùt hano nen, nit apùnì etawì'ninapike mene atì enagat weinam agaikomo ebe hùthasugu atì.

KOLOSE 3:4

Ebeto were'ma, at Karìsùt ninebe hobuk nineluk motok logouagalùk haga'ninaperek mene a'nogo weinam hogo waganem he, hit at hinomat weinam arì'mo hogothinabugun atì.

KOLOSE 1:23

Halok he, hano wene hinasuk holhigisip he, hina'la nen, “Hobuk hano asigin,” ìlùk, akasigip mene atì, hinetaùken abolok ìlìk kopologo hebìgì'lek ning hogoat hesogo logoino. Hano wene atì, at en o yì awi tì awi apùnì inebe obogat yogoisasike wene atì yogoisìlìk nìkì logouagalùk, an Paùlùt nayoko hesike atì.

1 YOHANET 4:14

Nit en he, “Ala nen aput nineileken hìkì lagagu mene atì nen, nit apùnì kweangma mene telninabuagalùk lakhei wagaikomo,” ìlùk abok pak hogo yogohisìkì lago.

MATÌÙT 26:64

at Yesùt en he, “Hat en egen atìat o. Mene, wene yì an nen hit obogat yogohisak. Hùlì yogotak en he, an abat ta'lasi wagagi a'nogo, at Ala omame apik yì mene tì mene hagasusak enak a'nogo neperak era'lu eki ebekwe kainat logopik he, hobuk pogot oba atoma nen ohena a'la pi waganem hineileken neogoin o, ìlùk yogohisìgì,” ìlùk yogosikomo,

MATÌÙT 25:31

At Yesùt en atì'nogo yogoisasikesik he, wene aike mel yogoisasike: “An abat ta'lasi wagagi a'nogo, apùnì nen hogo'napo kolek, it malaikat Ala nen pogot oba nen yoko pelaksa wagarek mene amanogo obogat ninom wìrìk, an hogo'napo kolek kain Netagepogot welagìrek oba logolìk,

2 TESALONIKA 2:16

At ninoe Etagepogot Yesùt Karìsùt, ninopase Ala eperak inoabùt hano a'nogo nen, inetawì'ninapukwasik, ninetaùken abolo'lek motok logouagalùk ago wathinìgìk, hano asigin ìlùk oba eberek logouagalùk nina'la kagalhìk, egarek.

2 TESALONIKA 2:8

at oabùt motok weak mene atì weinam hogo wesigin. Wìrìk he, weak hagato were'ma, ninoe Etagepogot Yesùt hogorato kolek hobuk waga logolìk eleage nen hurogo ebe warogo motok legetsegein.

KOLOSE 1:27

At Ala a'la nen he, it apùnì etakwe mene obogat hano motok hagarinabigin wene atì esin hogorasusak meneat akasikesik en a'la hinago welagaike mene, at againapùrì halok sele'ma hukalogo yogoisagalùk isike. Wene atì ebe re, Karìsùt hit hina'la werek halok, hobuk hanothinapenem hogothinabugun atìat o.

ÙRÙM 8:18

Nit o yogotak welago ya ba re, yì aik tì aik hìkì lago atì, hamùlùgat negen. Mene re, hobuk, Ala nen ninebe hunigat mene haga'ninapenem hogo'ninabugun atì nek he, hùkoat o. Halok, eperak walhamo re, eperak higit lek, na'la akìkì lagì o.

1 TIMOTÌÙT 1:1

Timotìùt naput e. Hetaùken Karìsùt oba hìpìrethesigin atì nen, an naput eberogoat agaginmo re, wene yì an Paùlùt en helal palogo hoba lakhei wagì atì. At Ala telninapùkwe ho, Karìsùt Yesùt en hano'ninabigin ìlùk nina'la akìkì lago mene a'nogo ho, eperak enat nayoko hìlìk, at Karìsùt Yesùt hesik hagatì logouagalùk lakhani wagaukwama wagagi atì. Ninopase Ala ho, ninoe Etagepogot Karìsùt Yesùt ho, eperak inoabùt hano a'nogo nen, hano mene wokhetik, inetawìthapìk, hetaùken hapuguthapìk, ìkì logouak o.

TITUT 1:4

Titut naput e. Hetaùken nit ninom higit hogoat Ala oba hìpìrethìlìk welagen atì ba, an nokawerek naput harat agagin atì. Ninopase Ala ho, ninoe Karìsùt Yesùt telninaperek mene ho, eperak inoabùt hano a'nogo nen, hano mene wokhetìk, hetaùken hapuguthapik, ìkì logouak o.

YURAT 1:21

Atì'nogo ìkì logolìk, hina'la nen, “Ninoe Etagepogot Yesùt Karìsùt ninebe etawì nen, nit hobuk nabùlal-habùlal haga'ninabigin,” ìlùk, serogo logolìk he, at Ala nen ninebe etawì atì re, hit en at hinom hutigat logoino o.