TITUT 2:11 - Ala Ane Wene Ket Mene Warogo Wo'ninapike Wene

¹¹ It obogat en atì'nogo hagatì logousak atì re, Ala oabùt hano nen yì apùnì tì apùnì obogat telinabigìlùk ìlì'logo mene atì oabùtt enagat weinamathesikomo werek atì nenat o.

TITUT 2:11 ပူးပေါင်းရင်းမြစ်များ

EPESÙT 2:8

Hit hinetaùken at oba hìpìrethikenem he, at oabùt hano a'nogo nen telhinapikomo welagep atì, ero hinokawerek en telegep hùk. We, yì mene tì mene oko legat wogisagarek hak, at Ala nenat telhinapikomo welagep atì.

IBERANI 2:9

Meneat he, at Yesùt enek he, arat kain menhesikomo werek hìkì lago. Ala oabùt hano nen, Yesùt apùnì obogat hesik wa'lasuagalùk malaikat inetagewerek esin negen werek kolek, at etage lek mea negen hagarogo hesikomo, ebe yì aik tì aik hìlìk hìlìk wa'lagaike atì ba, Ala nen at etagewerek kain menhesikomo werek atì.

EPESÙT 2:5

Nit weak hagatì lagagu atì ba, ninetaùken hesik ninebe warek hake were'ma, Ala nen etawì'ninapikesik, Karìsùt ninom hùnogo hinìlìk ninomat ninelugu'ninapike. Ma re, hit at oabùt hano nenat telhinapike atì.

2 TESALONIKA 2:16

At ninoe Etagepogot Yesùt Karìsùt, ninopase Ala eperak inoabùt hano a'nogo nen, inetawì'ninapukwasik, ninetaùken abolo'lek motok logouagalùk ago wathinìgìk, hano asigin ìlùk oba eberek logouagalùk nina'la kagalhìk, egarek.

ÙRÙM 5:15

Ati'nogo meneat he, eperak inoabùt omakeat hùk. Ebe re, Ala oabùt hano nen welegat wo'nisasike mene atì motok hùkoma, at Aram Ala ane sagalogo weak hagasike atì eperak walhamo re, eperak higit lek o. At omakeat en weak hagasike ba, elùgùn oba re, inebe apigat wa'larìk wagaikarek. Meneat he, Ala oabùt hano nen Yesùt Karìsùt welegat wo'nisasikomo, ap ebe omakeat mene nen hano hagasike ba, hano ero apùnì apigat ninoba wìalagaikomo welago.

YOHANET 1:14

Ebe Wene a'nogo abat agaikesik ninomat welagagu. Ninomat logolìk he, at ebe atì Ala aput omakeat tago nogo nen he, hogoratarek mene nineileken hasugu o. At oabùt hano nen, hanorogo haga'ninapik, wene ebe wene yogonisìgìk, iko motok were'ma nineileken hasugu.

LAKSASIKE 11:23

At Parenapat atì, oabùt hano logolìk, etaùken Yesùt oba hìpìrìk motok were'ma re, Ala Areagùn a'la peserek welagaike atì nen, lakhei wagaukwama, wagaikesik eileken isìlìk, a'la nen he, “Ala oabùt hano nen hano hagarinapomo werek hìgì,” ìlùk a'la hai hakasike. A'la hai hakìlìk he, “Hit obogat hinetaùken ninoe Etagepogot oba hìpìrethìlìk, at hinom hutigat motok logoino o,” ìlùk inasuk wasike. Inasuk watì lagaikomo, apùnì logolegat, ninoe Etagepogot werekwe lapuk ìlìk inebe seik-peik ìkì lagaukwa.

LAKSASIKE 20:24

Atì'nogo meneat he, an nebe neluk logousak atìat esin ìlùk atì mene esinethìkì lagì lek. Ninoe Etagepogot Yesùt en nayoko hìkì logolìk, at en he, Ala oabùt hano nen hagarinaperek wene hano wene atìat yogoisìlìk lano o, ìlùk nayoko hesike atìat wùrep oba kobok hogo hagasìlùk esinethìkì lagì o.

LUKAT 3:6

Atì'nogo hagatep halok, Ala nen apùnì telninabigin mene aike lakhei waganem hineileken hogoin o,” ìlùk, Yesaya nen helal waganogo hesike mene higit hogoat, at Yohanet an atì'nogo yogoisìlìk nìkì lagaike atì.

1 TIMOTÌÙT 1:14

Ati re, at ninoe Etagepogot Karìsùt Yesùt oabùt hano nen hùkorogo etawì'napike atì, noabùt he, at inom hutik logolìk hagatarek hagat, netaùken at oba hìpìrethìgìk, apùnì aike netawìrinapìk, hùkorogoat ìkì logouagalùk, nebe wo'napike atì.

ÙRÙM 5:2

Nit ninetaùken Yesùt oba hìpìrethesugu atì baat, at en Ala oabùt hano nen hano'ninaperek atì a'ma hinikomo atì ba hakothìlìk welago. Logolìk, Ala hogorato motok welagaikarek atì hak, nit atì'nogoat hogo'ninabigin o, ìlùk nina'la hai hakìkì lago.

KALATIA 2:21

Ala oabùt hano nen hano'ninaperek wene atì an nen sagalogo heraksìgìrek lek. Wene Ala nen ninasuk wasike wene a'nogo ba, ùkùm ninoba mene korogo wokhìlìk ninom ninapotkwe hùnogo hinanilepma re, Karisùt wa'lagaike atì we tùlemat alemarogo wa'la'lep o.

2 KORÌTÙT 6:1

At Ala nen he, mel isikomo helal waganogo hesukwama werek: “An nen he, hit hinane nasuk holusak akìgì baat holhì o. Hinebe telhinabusak higit obaat lebethisa wagì o,” ìlùk isike atì re, Ala nen ninane asuk holusak he, o yogotak yaat o. Nen, ninebe telninabusak he, o yogotak yaat o, ìlùk hina'la ebe'ni o. Halok he, nit Ala ninom at hesik hagatì logolìk he, at oabùt hano nen etawìthinapikomo, at ebe wanhigip a'nogo, we tùlemat alematùp o, ìlùk hinasuk watì lago atì.

LAKSASIKE 13:43

Yogoisasukwama, it sapan ìkì lagaukwa ba nen wùlùpukwasik laganem he, it apùnì Yahuri mene mel, etakwe mene Ala ane wanhukwasik Yahuri mene negen welagaukwa mene mel, inebe logolegat inopon lagaukwa. Lagaukwama, it Paùlùt Parenapat eperak en he, mel yogoisasukwa: “Ala oabùt hano nen haga'ninaperek mene atì, hinetaùken tùlem logolìk hagatì logoino o,” ìlùk inasuk wasukwa.

YOHANET 1:9

At lìa ebe mene atì, kweangma yoma waga logolìk, nit apùnì obogat ninebe lopok lìa'ninabi wagaike.

LUKAT 24:47

Nen, aike mel ìlùk helal waganek weregat: Hit apùnì weak hagatì lagep mene atì, heraksìlìk hinoabùt hebelhep halok he, Ala nen sagalogo legetsegein o, ìlùk, at etage palogo wene ìkì logolìk he, ero o Yerusalem hùlì nen yogoisìlìk, pìkìt hùlì o yì awì tì awì apùnì inùkùl etage lopok motok yogoisìlìk laga logoino, ìlùk Ala ane helal waganek weregat o.

MAREKÙT 16:15

Atì'nogo wenagisasikesik, wene aike mel yogoisasike: “Hit he, apùnì inùkùl etage lopok o yì awì tì awì a'loma obogat wene hano wene yì yogoisìlìk laga logoino o.

MATÌÙT 28:19

Halok he, yì apùnì tì apùnì ìnùkùl etage lopok obogat an nagoromì haga'lasuagalùk, nopase Ala etage ba, an aput netage ba, Areagùn etage ba, ninetage palogo ima pelaginapìk, an nen wene hinasuk watì mene atì obogat it apùnì aike nen higit hogo hagatì logouagalùk yakùlisìgìk, ìlìk laga logoino o. Lakhani! Hit atì'nogo hagarinabìk laganem, an nebe ninom moto'-motogat were'ma, hùlì o elùgùn oba haga'lasigin o,” ìlùk yogoisasike.

IBERANI 12:15

Apùnì hit mene aike Ala oabùt hano nen wo'nisikerek mene atì heraksalùk wùlùpenem he, alealeka hulelek were'ma, hano mene oba arìk alethikerek atì hak, at atì nen apùnì obogat weagarinabinogo ìlùk hineileken hanorogo logoino o.

2 TIMOTÌÙT 4:17

Atì'nogo meneat he, an nen ebe wene tùkùm hogo yogoisikenem, it etakwe mene inebe obogat inasuk holuagalùk, ninoe Etagepogot an nera'lilu logolìk, nomame'napesik, singa lo yeke hake anini weak mene a'nogo apema were'ma telnabu hak, noasusak mene telnape atì.

KOLOSE 1:23

Halok he, hano wene hinasuk holhigisip he, hina'la nen, “Hobuk hano asigin,” ìlùk, akasigip mene atì, hinetaùken abolok ìlìk kopologo hebìgì'lek ning hogoat hesogo logoino. Hano wene atì, at en o yì awi tì awi apùnì inebe obogat yogoisasike wene atì yogoisìlìk nìkì logouagalùk, an Paùlùt nayoko hesike atì.

ÙRÙM 10:18

Mene re, an nen hinok aike wokhisak. It he, hano wene atì inasuk holhì'lek werek nogo? Lek o. Inasuk arat holha. Ala ane ba, “It inane atì o yì awì tì awì obogat wìalagaikesi'mo re, o esako esako a'loma obogat inasuk holhukwa o,” ìlùk isikomo helal waganek werek atì nen ìgì o.

LAKSASIKE 17:30

It alep Ala ebe inokot logolìk, inoabùt weak hagato kolegat he, at en epe morogo heraksìkì lagaike. Atì'nogo meneat he, yogotak ya, at en he, Yì apùnì tì apùnì obogat tì sat inanema waganogo ùkùm inoba hìgìk, kotìk, higit hogoat uak, ìlùk ap aike wenagasogo hìlìk ayoko hikomo werek atì nen, nit apùnì weak hagatì lago mene heraksìlìk ninoabùt hebelasuagalùk yogonisìlì'logo atì. Halok, nit en he, Wene atì'nogo hagasigin atì, eberogoat, ìlùk, nit obogat hùthoagalùk, ap atì ebe wa'lagaikesi'mo nen, opase nen apotkwe eluguthesikomo werek o,” ìlùk yogoisasike.

2 TIMOTÌÙT 1:10

Atì'nogo akasike mene hinago were'ma, hobuk Karìsùt Yessut telninapùkwe ebe weinam agaike atì ba enagat agaike atì. At ane hano wene atì ba, wa'lagwì ero atì mabenetsìgìk, wa'lagì'lek nineluk motok logogun mene atì, weinamethìgìk, isike.