TITUT 1:7 - Ala Ane Wene Ket Mene Warogo Wo'ninapike Wene

⁷ Ap Ala againapùrì aike serisek logolìk he, Ala hesigat hagatì logogin atì nen he, it aike nen ùkùm oba hìlì'lùgì lek mene halok, menhousak o. At en he: “It aike ikenem weak. An ìgì nek he, hano,” ìlùk, ikerek lek mene halok, a'mage horok hakoksek lek mene halok, i anggur amusu oba lagolek nikerek lek mene halok, oabùt asialoksek welagarek lek mene halok, “Uang, yì mene tì mene an enek noba logoilep,” ìlùk, akikerek lek mene halok,

TITUT 1:7 ပူးပေါင်းရင်းမြစ်များ

2 PETERÙT 2:10

It atì esin hake re, Ala ina'la meathìlìk, yì mene tì mene inetaùken nen nikenem weak hagarìk nùgì atì, Ala nen ùkùm inoba hegein o. Inayù'lek inabulagamweak hagatì logolìk, pogot oba mene hogorinapo welagaikarek mene atoma, it inayù'legat inabok weak palhì logogun atì.

EPESÙT 5:18

Anggur eken amusu hùkorogo nikenem atì nen hinebe lùgùlùgì palìk weagathinabinogo nen he, nìkì logogùp o. At he, Ala Areagùn atìat hina'la peserogo wanino.

1 PETERÙT 5:2

Ala nen he, “An nagainapùrì wam topa wam hake tì'nogo serisek logoino,” ìlùk hinayoko hesike hagat serisek logoino. Serisek logolìk, hinokawerek hinabìt werek kolegat, apùnì aike nen, inane keirogo yogohisikenem serisek welagìk, nen, hina'la nen, “Oko aike wo'nisoak,” ìlùk akìkì logolìk serisek welagìk, ìkì logogùp o. At he, we, hina'la hairogo serisek logoino o.

1 PETERÙT 4:10

At Ala oabùt hano nen, ninebe lopok ninoabùt hùnogo tomok wo'nisasike higit hogoat, hinebe lopok en atì mene hano ese logolìk, hithit lebet-lebet ìkì logoino.

LUKAT 12:42

at ninoe Etagepogot Yesùt en he, mel yogosike: “Ap kain mene aike againapùrì serisek logolìk inapùrùk nasak mene wogisasak higit hogo wogisìkì logouagalùk, at atitigeke mene ayoko hikenem a'la kagalek logolìk oabùt oe ane igin mene higit hogo hagaterek atì sa hake akegen. At atì oe atì nen, menhùlùk lagarek o.

TITUT 2:3

Ati hagat he, it hìmì inalùgetek mene atì, apùnì Ala awe a'ma logolìk, inoabùt higit hogo hagatarek hak, hagatì logolìk, apùnì aike inabok weak palhìi'legat, inogogì kaintek inawe a'ma welagaikarek hak, i anggur eken amusu awe a'ma negen logolìk, inoba lagolek nekarek atì'nogo nìkì'legat logolìk, it en it aike hanorogo hagatì logousak hesik, yakùlisìkì logouagalùk inasuk watì logoinoat o.

TITUT 1:5

An nen hat o Kereta atoma hagalùk, wesigìlùk ìkì logolìk, wene tì'nogo hagatì logousak ìlùk, hoba hesigi atì: “Yì mene tì mene oan higirethìgì'lek mene, higirethìgìk, o ya ta atoma apùnì Ala againapùrì aike serisek logouagalùk inogogì lopok menhisìgìk, ìkì logoino,” ìlùk, yogohe'lùk wagag'i atì.

PILIPI 1:1

Hit Ala againapùrì Karìsùt Yesùt hinom hutik logolìk, o Pilipi welagasep mene, hinebe obogat mel, hakhisek welagaikarek mene mel, lebethisagarek mene mel, nerùgì nagaiya'lak. An Paùlùt Timotìùt neperak en Karisùt atitigeke logolìk wene helal waganogo hinoba lakhei wago atì.

MATÌÙT 24:45

At Yesùt en atì'nogo yogoisasikesik he, hobuk aike mel yogoisasike: “Ap kain mene aike againapùrì serisek logolìk inapùrùk wogisasak higit hogo wogisìkì logouagalùk, at atitigeke mene ayoko hikenem, at a'la kagalek logolìk oabùt oe ane igin mene higit hogo hagaterek atì sa akegep. At atì oe atì nen menhùlùk lagarek o.