TITUT 1:5 - Ala Ane Wene Ket Mene Warogo Wo'ninapike Wene

⁵ An nen hat o Kereta atoma hagalùk, wesigìlùk ìkì logolìk, wene tì'nogo hagatì logousak ìlùk, hoba hesigi atì: “Yì mene tì mene oan higirethìgì'lek mene, higirethìgìk, o ya ta atoma apùnì Ala againapùrì aike serisek logouagalùk inogogì lopok menhisìgìk, ìkì logoino,” ìlùk, yogohe'lùk wagag'i atì.

TITUT 1:5 ပူးပေါင်းရင်းမြစ်များ

LAKSASIKE 14:23

Atì'nogo yogoisìlìk wùlìbi waga logolìk he, o ya ta, Ala againapùrì atogotì lagaukwa lopok, inogogì hagisek logouagalùk menhisìlìk he, ineki aike sapan uogolùk sùpùrùk nìkìlek welegat logolìk sapan mel ìkì lagaukwa: “Yesùt ninoe. Hagainapùrì inetaùken hoba hìpìrìk werek mene yì, hagisek logoinok en ìlùk hat heki ba hogo o,” ìlùk sapan ìlìk wùlìbi wagaukwa.

1 TIMOTÌÙT 1:3

An o Epesùt en o Maketonia yoma wesigìlùk he, hat ha'la kagalogo wene mel ìlùk yogohesigi akìgì: “Hat hebe o yoma logoino. Logolìk he, it aike nen wene ebe mene lek. We, hùnogo mene yakùlisìlì'lùgì mene atì ìgì'lek kamo uagalùk inasuk watì logoino.

1 KORÌTÙT 14:40

Mene re, yì wene tì wene higit hogo ìgìk, sekek hogo ìgìk, ìkì logoino.

2 TIMOTÌÙT 2:2

An nen wene apùnì logolegat ineilhanem yakùlhesigimo wanhìgin mene a'nogo, hat en it apùnì aike inoabùt hùpùnsek mene nen it aike yakùlisìkì logouagalùk, inoba heino.

1 KORÌTÙT 11:34

Hit hinebe atogorek were'ma, ùkùm hinoba asinogo nen he, hit aike sùpùrùak nele halok he, hinaua nalùk en wesusak o. Nen, wene aike re, an nebe wagì halok en higirethegein o.

LAKSASIKE 27:21

Atì'nogo nina'la weak arìk sùpùrùk hageat en nìkì'lek welagat were'ma re, at Paùlùt ebe inekele'ma welagaikesik he, mel yogoisasike: “Nerùgì nagaiya'lak. O i ekenma Kereta nen, Lùok lek, ìlùk hinasuk watì a'nogo, an nane holilepma re, yì mene tì mene weak agìk, nong agìk, ogo atì ilo lek o.

LAKSASIKE 27:12

O weak oba i so ago atoma telhìlìk motok logousak mea atì nen, it ap yabu so ba hagatì lagaukwa mene inebe hùkokwe nen he, “O kota etage Penìkìt lasak halok he, lìlìk, o weak oba o atoma hano logousak,” ìlùk wene palhukwa. Wene atì'nogo palhukwa atì re, i ekenma etage Kereta atoma, o Penìkìt i okutmo atoma o mo korok hogo kikerek higit abel pokwe ape palegat, makwe ape palegat were'ma re, i so ago telhìlìk hano welagaikarek atì nen isukwa.

LAKSASIKE 27:7

Wo'nisek kìlìk, nineki aike nogo ìgìk, aike nogo ìgìk, erogat waga lagagusik, wesusak mea hake haga'lagaike meneat he, o etage Kìnerùt higit wagagu. Wagagusik, sogoi en kwe higit wesusak lek agaikomo re, kwanìrogo, i ekenma etage Kereta atì abel he'nakwe sogoi kwe palek hano ìlùk, Salomone amisangma atì hebùlùk pìkìt wagagu.

LAKSASIKE 11:30

Atì'nogo atogosukwasik he, Parenapat Saùlùt eperak en, inekim wolok lìlìk, it ap Ala againapùrì serisek welagaukwa mene ineki ba hei loagalùk laksasukwa atì.

KOLOSE 2:5

An nebe walegat welagì meneat he, netaùken hit hinoba lakhei wagarìk, ninom atoma welago hake. Logolìk, hinetaùken Karìsùt oba hìpìrethìlìk, hinetaùken omakeat ningsek higit-higit hagatenem neileken hisìkì lagi hakema re, na'la hai hakìkì lagi o.

LAKSASIKE 2:11

Nit he'nakìt ebe Yahuri mene, nen it he'nakìt welek mene Yahuri mene ninoba ki wìrìk Ala ane wanhukwasik ninom welagoat. Nen, apùnì o Kereta mene mel, Arap mene mel ninom were'ma, it yì nen Ala omame ba elalinat hagaterek mene yogonisikenem, ninokawerek ninane ba lopok ninasuk holhì lago yì,” ìlùk,

LAKSASIKE 27:13

Nit atoma were'ma, sogoi i laut higit en erogat hunha Wagaikomo, it ap yabu so ba hagatì lagaukwa mene nen he, “Nit lùogolùk ago a'nogo arat lasak haga'laga,” ìlùk i so ago telik mene henogo wolok he, i ekenma etage Kereta era'lukwe wagagu.

1 KORÌTÙT 4:17

Hit an noabùt wanuageip en ìlùk, naput Timotìùt, nokawerek en tatì mene negen ebe netawì mene hinoba lakhei wagì atì. At he, ninoe Etagepogot eperak hutik logolìk, at hesik oabùt lenurogo hagaterek mene hinoba wìrìk he, mel yakùlhisegein: “At Paùlùt Karìsùt eperak hutik logolìk, it Ala againapùrì o yì awì tì awì atogotarek mene at okawerek hagaterek mene oabùt wanuagalùk, yì'nogo yakùlisikerek,” ìlùk hina'la eberogo yogohisa wesigin o.

TITUT 1:12

Apùnì o Kereta mene inokawerek mene aike wene a'la kagauksek yakùlisìkì lagaike mene aike nen, wene mel isike: “It apùnì o Kereta mene yoma inoabùt he, inapeliak iko motok logolìk, wam helo mene oabùt hake. Yabu wanùhùk logolìk, yì mene tì mene siok hogo nahùk inalele weak yì rì!”