TITUT 1:4 - Ala Ane Wene Ket Mene Warogo Wo'ninapike Wene4 Titut naput e. Hetaùken nit ninom higit hogoat Ala oba hìpìrethìlìk welagen atì ba, an nokawerek naput harat agagin atì. Ninopase Ala ho, ninoe Karìsùt Yesùt telninaperek mene ho, eperak inoabùt hano a'nogo nen, hano mene wokhetìk, hetaùken hapuguthapik, ìkì logouak o. အခန်းကိုကြည့်ပါ။ |
he a'nogo mel yogosukwa: “Yogotak nit ninetaùken at oba hìpìrethogo yì re, wene hat en yogonisegen atì ba nek ninetaùken at oba hìpìrethogo hùk. Lek o. At he, at ebe nen wene yogonisikenem ninokawerek en ninasuk tomok holhìk, Apùnì kweangma mene obogat telninaperek mene ebe yìat o, ìlùk hùthìlìk ninelu agìk, ogo atì ha nen ninetaùken at oba hìpìrethogoat o,” ìlùk yogosukwa.
At Titut hinoba wesuagalùk a'la kagalhigisik he, ninagaiyak Ala aput aike at eperak laksa wagagimo wagaukwa a'nogo, wagaukwasik he, at Titut en hit en hesigip mene aike munenogo helasike nogo? Motok legat o. An Titut neperak he, ninoabùt omakeat hagatì lagagu lek nogo? It aike alep inesok hìlìk lagaikare'ma re, it aike hobuk oba louk hogo hìlìk lagaikarek hak, at Titut an neperak yabu higit hagatì lagagu lek nogo?
An alep he, Yesùt abok weak palhìk, ebe na'la meathìlìk Ala againapùrì mene yì aik tì aik hagarinapìk, ìkì lagagi meneat he, ninoe Etagepogot Karìsùt Yesùt etawì'napikesik, “Hat en hobuk an hesik hetaùken lenurogo hagatì logogin,” ìlùk, wene yì an noba hìlìk nayoko hìgìk, omame wo'netìk, isike atì. Atì'nogo weak hagatì lagagi atem sat he, an netaùken ninoe Etagepogot Karìsùt Yesùt oba hìpìrethìgì'lek logolìk, atì'nogo hagasusak lek meneat he, nokot en hagatì lagagi atì nen, at en nebe etawi'napike atì nen, hai watì lagi o.
Timotìùt netawì mene naput e. Ala nen he, “Hit Karìsùt Yesùt hinom hutik were'ma hineluguthinapìrek,” ìlùk, abok yogonisasike mene atì, an Paùlùt en yogoisìlìk nìkì logouagalùk, a'la akasike ba Karìsùt Yesùt en nayoko hìlìk lakhani wagaikomo, yoma logolìk wene yì helal waganogo hoba lakhei wagì atì o. Ninopase Ala ho, ninoe Etagepogot Karìsùt Yesùt ho, eperak inoabùt hano a'nogo nen, hano mene wokhetìk, inetawìthapìk, hetaùken hapuguthapik, ìkì logouak o.
Nerùgì nagaiya'lak. An Simon Peterùt Yesùt Karìsùt en, at atitigeke logouagalùk nayoko hìlìk lakhani wagaikomo wagagi. Ati re, at ebe Ala at logolìk, oabùt higit hogo nek hagaterek a'nogo nen, hit ninom higit hogoat ninetaùken at oba hìpìrethikenem telninabì'logo mene hùgì, wene yì helal waganogo hinoba lakhei wagì atì.
Apùnì re, kweangma weak hagatarek mene yoma heraksalùk, ninoe Etagepogot Yesùt Karìsùt telninapike mene ebe inelu arìgat he, hobuk inapotkwe weak hagatarek mene atì oba kikenem he, kìmalìn awì ba elugeke kikenem ìkìlogo hakhikerek atì hak, haksamo re, mabenat asugun atì. Maben arìk, emakum weak welagaukwa atì re, hamùlùgat hano negen. Mene re, hobuk weak asugun atì re, motok hùko negen weak arìk logogun o.
Nerùgì nagaiya'lak. Hinebe netawì e. Wene Ala nen hit ninomat telninapike a'nogo hesik wene helal waganogo hinoba lakhei wesigìlùk na'la eberek motok welagarìk he, hobuk netaùken sebelusak mea agama re, wene mel hesik lakhei wagì atì. Atì re, it apùnì aike Ala ebe inabìt mene nit ninoake palek werek kolek nina'la ki wìrìk he, Ala oabùt hano nen wo'ninaperek mene atì, it en lagak hogo wene hùnogo mene yogohisìkì logolìk he, “Weak mene yùgùnat hagatì logousak,” ìlùk, ninoe Etagepogot Yesùt Karìsùt omame apik a'nogo ebe heraksìlìk, hagarì'lùgì atì. Atì'nogo hagarì'lùgì atì nen, Ala nen he, “Ùkùm tì'nogo inoba hegein,” ìlùk isikomo hageat en helal waganogo hesukwama werek. Wene Ala nen omake hesigat nit againapùrì wo'nisasikomo ninetaùken oba hìpìrìk welago atì mene, it atì nen legethouogolùk ikenem, hit en elele waganogo hinomamerogo hesogo logouageip ìlùk hina'la kagalogo lakhei wagì atì.