TITUT 1:3 - Ala Ane Wene Ket Mene Warogo Wo'ninapike Wene

³ Yogotak wene atì weinam asusak higit hogoat weinam asuagalùk, at Ala telninapùkwe a'nogo nen, “Hat en wene atì apùnì yogoisìkì logoino,” ìlùk, nayoko hìlìk, noba hesike atì ba ebe weinam arì'logo atì.

TITUT 1:3 ပူးပေါင်းရင်းမြစ်များ

1 TIMOTÌÙT 1:11

Nen, wene atì higit hogo, hano wene a'nogo an nen yogoisìlìk nìkì logouagalùk noba hesike. Hano wene atì re, Ala hogoratìk, hai watìk, ogorek mene a'nogo aneat o.

1 TIMOTÌÙT 1:1

Timotìùt naput e. Hetaùken Karìsùt oba hìpìrethesigin atì nen, an naput eberogoat agaginmo re, wene yì an Paùlùt en helal palogo hoba lakhei wagì atì. At Ala telninapùkwe ho, Karìsùt Yesùt en hano'ninabigin ìlùk nina'la akìkì lago mene a'nogo ho, eperak enat nayoko hìlìk, at Karìsùt Yesùt hesik hagatì logouagalùk lakhani wagaukwama wagagi atì. Ninopase Ala ho, ninoe Etagepogot Karìsùt Yesùt ho, eperak inoabùt hano a'nogo nen, hano mene wokhetik, inetawìthapìk, hetaùken hapuguthapìk, ìkì logouak o.

TITUT 2:10

inagarok mene yogot wanhì logousak lek. We, inoabùt enagat hùtsoagalùk, yì mene hesik tì mene hesik lenurogo higit hogo hagatenem, it apùnì aike nen Ala telninaperek mene a'nogo abok ìkì logolìk, “At ane yakùlnisìlì'lùgì atì hano,” ìlùk, ìkì logouagalùk, inoabùt atì'nogo hagatì logousak.

TITUT 2:13

Nit yogotak he, Yesùt Karìsùt ebe Ala Etagepogot mene, telninapike mene a'nogo apùnì nen hogorato kolek, weinam hogo hano'ninabi wesigin atì hesik, nina'la hai hakìkì logolìk ebe serogo welago.

1 TIMOTÌÙT 4:10

Ala ebe re, yì apùnì tì apùnì obogat telinapùkwe welagarek meneat he, esin hake re, nit ninetaùken at oba hìpìrethìkì lago mene hùgì telninaperek atì nen, ninetaùken at eluk motok welagarek mene oba hìpìrethìlìk, at hesik ninaberalì lek hogoat, ninomamerogo hagatì lago.

1 TIMOTÌÙT 2:3

At Ala telninapùkwe a'nogo a'la akìkì logolìk he, “Yì apùnì tì apùnì obogat telinapìk, ebe wene tùkùm hogo inelu asuagalùk yakùlisìgìk, usak mene,” ìlùk a'la walok akikerek atì nen he, hit atì'nogo ìkì logogun halok he, hano.

1 TESALONIKA 2:4

At he, we, at Ala nenat ninoabùt palogo nen he: “Hano wene atì, hirat wolok nìkì logouageip,” ìlùk, ninayoko hesike higit hogo yogoisìkì logolìk, apùnì ina'la hanorogo yogoisogorek hùk. Lek o. We, Ala ninoabùt palì'logo mene a'nogo a'la hanorogo yogoisogorek o.

KOLOSE 1:23

Halok he, hano wene hinasuk holhigisip he, hina'la nen, “Hobuk hano asigin,” ìlùk, akasigip mene atì, hinetaùken abolok ìlìk kopologo hebìgì'lek ning hogoat hesogo logoino. Hano wene atì, at en o yì awi tì awi apùnì inebe obogat yogoisasike wene atì yogoisìlìk nìkì logouagalùk, an Paùlùt nayoko hesike atì.

EPESÙT 2:17

At Yesùt en atì'nogo wo'nisek wagaikomo re, o'moko mene, o'moko mene ninom, at Ala Areagùn omakeat atì ba ninopase Ala oba kusak elogat haga'lagaike, ìlùk, Yesùt ebe alebat wagaikesik, “Hinom lapuk hogo hikìgi o,” ìlùk, wene hano wene hit etakwe mene walegat were'ma yogohisìgìk, nit apùnì Yahuri mene horogat were'ma yogonisìgìk, i wagaike atì.

KALATIA 4:4

Were'ma re, at Ala nen aput ayoko hìlìk kweangma lakhei wesusak arat higit asi wagaikomo re, lakhei wagaikomo, he kweangma mene nenat tasike. Atì'nogo tasikomo, wene Ala nen ninasuk wasike wene a'nogo awe a'ma logolìk asuk hologo hagatì lagaike.

1 KORÌTÙT 9:17

An atì'nogo yogoisìlìk nìkì lagì atì, an na'la nen kagalogo yogoisìlìk nìkì logoilema re, neki oko wo'netenem, wanhì logoile o. Mene re, an na'la nen kagalhì'lek were'ma, Ala nen nayoko hìlìk esewerek hanhike atì nen oko lek yogoisìlìk nìgìrek atì.

PILIPI 1:13

An Paùlùt Karìsùt hesigat neki hele watama, welagì yì ba re, it ap at Kaisat etagepogot aua kìnogo ìlùk, kwe ba kagalek welagaikarek mene obogat mel, it apùnì aike yoma mene obogat mel en he, enagat hùthanì'lùgì.

ÙRÙM 16:26

Atì re, it ap at ane yogoisìkì lagaukwa mene amanogo nen helal waganogo re, sele'mathesukwama were'ma an nen yogohisasigi atì. Yì ap tì ap inùkùl etage lopok obogat wene atì inasuk holìk inetauken Yesùt oba hìpìrethìlìk ane hologo hagatì logouagalùk, at Ala esok motok welagarek mene a'nogo nenat: “Wene yì apùnì inelu asuak o,” ìlùk isike.

ÙRÙM 15:19

At ebe hathoagalùk yì mene tì mene hagatìk, hogorasuagalùk yì mene tì mene elalhìk, omamerogo isike. Ala Areagùn a'nogo omame baat hagasike atì. Hagato kolek he, an he, o Yerusalem a'loma nen lagakpagak pìkìt o Ilirikum a'loma, at Karìsùt wene hano wene atì tùkùm hogo yogoisìlìk wagì.

ÙRÙM 5:6

Nit he, Ala ebe hebùlùk walegat asi lagagusik, ninebe mabenat were'ma, at Ala nen he, “It atì'nogo werek atì hesik, Karìsùt tì sat wa'lasuak,” ìlùk akasike baat ebe wasukwama wa'lagaike atì.

LAKSASIKE 17:26

At Ala nenat, yì apùnì tì apùnì o inawì lopok logouagalùk, o hùlì hìgìk, Tahun tì ba logopik, tì ba lek asuak, ìlùk hùlì hìgìk, a'la tak akasikesik en, yì apùnì tì apùnì inùkùl etage lopok obogat wìalarìk loagalùk, ero ba re, ap omakeat walhasike.

LAKSASIKE 10:36

Ma re, nit apùnì obogat ninoe Etagepogot Yesùt Karìsùt en lapuk hogo hinoagalùk, wene hano wene atì, ebe nit apùnì Yahuri mene ninoba lakhei wagaike atì hinelu o.

LUKAT 1:47

Ala nen telnape mene a'nogo nen yì'nogo haga'napomo na'la hai apik hakìkì lagì o.

MAREKÙT 16:15

Atì'nogo wenagisasikesik, wene aike mel yogoisasike: “Hit he, apùnì inùkùl etage lopok o yì awì tì awì a'loma obogat wene hano wene yì yogoisìlìk laga logoino o.

MAREKÙT 13:10

Mene re, wene hano wene yì, yì ap tì ap inùkùl etage lopok yogoisìlìk lagep halok he, wùrep oba arat haga'lasigin o.

ABÌKAKAN 14:16

at ohena oba hùrek welaga mene a'nogo akarok a'nogo wolok he, kweangma eken pali pike lakhìgì.

EPESÙT 1:10

Wene at a'la hinago welagaike atì ebe re, hobuk haga'lasusak oba haga'lasi laganem, at en yì mene tì mene pogot oba welagarek mene inom, kweangma welagarek mene inom, obogat lapuk hogo Karisùt aligat awe a'ma hisegein mene hesik abok yogonisasike atìat o.

MAREKÙT 1:15

Yogoisìkì logolìk he, mel ìkì lagaike: “O Ala awe a'ma hikegein a'nogo arat hikegein o. Halok he, hit weak hagatì lagep mene heraksìlìk hinoabùt hebelogo hano wene yì eberogoat ìlùk hùtheni o,” ìlùk yogoisìlìk nìkì lagaike.

ÙRÙM 16:25

Ala hogoratì logouok o! An nen hano wene Yesùt Karìsùt hagasike wene yogohisasigi hak, at Ala omame apik a'nogo nen hinetaùken wurigethinapì logousak elok o. Wene Ala a'la wene atì, holoat en hinago welagaike mane re, yogotak Ala nen weinamethesike.

2 TIMOTÌÙT 4:17

Atì'nogo meneat he, an nen ebe wene tùkùm hogo yogoisikenem, it etakwe mene inebe obogat inasuk holuagalùk, ninoe Etagepogot an nera'lilu logolìk, nomame'napesik, singa lo yeke hake anini weak mene a'nogo apema were'ma telnabu hak, noasusak mene telnape atì.