TITUT 1:2 - Ala Ane Wene Ket Mene Warogo Wo'ninapike Wene

² At Ala nen, yì mene tì mene oan elalhì'lek logolìk, nit apùnì hesik mel isike: “Apùnì an nen elalinabìk he, inebe ineluk motok logouagalùk, hano hagarinabigin,” ìlùk, abok isike atì, “Apeliak ikerek lek,” ìlùk nina'la eberek logolìk, ebe wene yakùlisìkì lago atì.

TITUT 1:2 ပူးပေါင်းရင်းမြစ်များ

1 YOHANET 2:25

Nen, at okawerek en, “Wokhisegein,” ìlùk abok yogonisasike a'nogo re, ninebe nabùlal-habùlal haga'ninabigìluk isike o.

2 TIMOTÌÙT 1:9

At Ala nen ninebe telninapìk, at okawerek againapùrì asuagalùk ninayoko hìgìk, isike atì re, nit en aike hagasugu ba ninayoko hesike hùk. At he Ala oabùt hano nen, emakum yì mene tì mene oan elalhì'lek logolìk, hobuk Karìsùt Yesùt hagasigin oba hano'ninabigìlùk, okawerek a'la akalùk ninayoko hesike atì.

YURAT 1:21

Atì'nogo ìkì logolìk, hina'la nen, “Ninoe Etagepogot Yesùt Karìsùt ninebe etawì nen, nit hobuk nabùlal-habùlal haga'ninabigin,” ìlùk, serogo logolìk he, at Ala nen ninebe etawì atì re, hit en at hinom hutigat logoino o.

2 TIMOTÌÙT 1:1

Timotìùt netawì mene naput e. Ala nen he, “Hit Karìsùt Yesùt hinom hutik were'ma hineluguthinapìrek,” ìlùk, abok yogonisasike mene atì, an Paùlùt en yogoisìlìk nìkì logouagalùk, a'la akasike ba Karìsùt Yesùt en nayoko hìlìk lakhani wagaikomo, yoma logolìk wene yì helal waganogo hoba lakhei wagì atì o. Ninopase Ala ho, ninoe Etagepogot Karìsùt Yesùt ho, eperak inoabùt hano a'nogo nen, hano mene wokhetìk, inetawìthapìk, hetaùken hapuguthapik, ìkì logouak o.

TITUT 3:7

At Yesùt oabùt hano nen ùkùm ninoba mene korogo wokhìlìk, Ala ninom ninapotkwe hùnogo hinasikomo, nit nina'la nen he, “Nineluk motok logogun o,” ìlùk akìkì lago atì higit hogo eseweregat asuagalùk Ala Areagùn wo'nisasike ìlùk,

TITUT 2:13

Nit yogotak he, Yesùt Karìsùt ebe Ala Etagepogot mene, telninapike mene a'nogo apùnì nen hogorato kolek, weinam hogo hano'ninabi wesigin atì hesik, nina'la hai hakìkì logolìk ebe serogo welago.

2 TIMOTÌÙT 2:15

Ala nen he, “Hat an hesik hano hagatì lagen,” ìlùk, yogohesuak en he, homamerogoat hagatì logoino. It aike yì mene tì mene hagasuagalùk inayoko hikenem he, hanorogo hagatì logolìk, inekalì lek hogo hagatarek atì hak, hat en ebe wene atìat higit hogo yakùlisìkì logoino.

2 TIMOTÌÙT 2:13

Mene re, at okawerek en, “An noabùt alep welagì mene atì lek o, ìlùk hùnogoat munenagarek lek atì nen, nit at oba lopoksek logogun lek halok, at en nit ninoba lopoksek motogat welagarek o,” ìlùk, egarek atì eberogoat o.

1 YOHANET 5:20

At Ala aput ninoba pi wagaikesik, Ala ebe mene ninelu asuagalùk ninetaùken kagalogo yogonisasike. Atì'nogo yogonisasikomo, nit he, Ala ebe mene aput Yesùt Karìsùt eperak ninom hutik motok welago. Nen, at Yesùt he, ebe Ala ebe mene logolìk nabùlal-habùlal ero arat welagarek o.

TITUT 2:7

Inasuk atì'nogo watenem, it en, hat hoabùt wanhì logouak en, yì hesik tì hesik hagatì logolìk hoabùt higit hogo hagatì logoino. Atì'nogo hagatì logolìk, “Wene yì esin mene,” ìlùk, higit hogo yakùlisìkì logoino.

1 TESALONIKA 5:8

Mene re, nit lìa ba welagorek mene yì, ninoabùt hebelogo logolìk he, apùnì aike nen inoasinogo ìlùk sìng inoake ba itarek hak, ninetaùken Ala oba hìpìrìk logolìk, apùnì inebe ninetawìrogo welagorek atì meneat ìkìgik, inùkùloa'ma inoasinogo ìlùk inùkùlasu haro mene salharek hak, Ala nen telogo hano'ninabigin ìlùk, nina'la hano welago atì meneat salhìgìk, ìkì logouok o.

ÙRÙM 6:23

Weak hagatarek atì oko re, wa'lagaikarek atì. Nen, ninoe Etagepogot Yesùt Karìsùt ninom hutik were'ma re, Ala oabùt hano nen oko legat nineluk motok logouagalùk haga'ninaperek atì.

MATÌÙT 25:46

it apùnì atì yì aik tì aik hìkì logogun oba motok logouagalùk laksegein o. Meneat he, it Ala ane hologo hagatì logogun mene atì ineluk motok logogunmo atoma hisegein o,” ìlùk, yogoisasike.

MATÌÙT 25:34

Atì'nogo tegelogo hisìlìk he, an nebe Netagepogorat nogo nen he, it neki ebekwe hisegein mene atì, wene mel yogoisegein: An nopase nen hanothinapomo welagep. Halok, we'ni o. An sùpùrùk nele were'ma hit en mela'netìk, i nele were'ma hit en wo'netìk, an ap pogat were'ma hit en wo'napìk, nasu labere'lek were'ma hit en labethanìk, ou warek were'ma hit en nea wagìk, neki hele warek were'ma nea wagìk, isigip atì nen he, an nopase nen pogot kweang oan elalhì'lek logolìk, hit kain hinetage pogot logouageip ìlùk, wenagasogo hikasike mene yì hela we'ni o, ìlùk yogoisikenem,

ABÌKAKAN 17:8

Yeke lo yeke hake hegen atì re, alep welagaike meneat he, yogotak elokwe lek hegen atì re, a'ma baga nen lagai wesigin o. Lagai waga halok, Ala nen alemathegein o. Nen, Ala nen kweang pogot oan elalhì'lek logolìk, sùesika it apùnì ineluk motok logouagalùk hanorinabigin mene hùgì, inetage helal waganek atì ba, it aike inetage helal wagane'lek mene nen yeke lo yeke hake atì ineileken hìlìk, it en he, Yeke lo yeke hake yì, alep welagaikesik en, elokwe lek agaike meneat he, hobuk weinam aga yì, nayùk e, ìlùk hogorasugun o.

ABÌKAKAN 13:8

At Ala nen he, pogot kweang oan elalhì'lek logolìk, “It atem ineluk motok logouagalùk hagarinabigin,” ìlùk, inetage helal waganogo at Atopa Eak, it hesik wasukwa mene a'nogo arùesika ba hesike. It inetage atì'nogo helal waganogo hesike mene hùgì, yeke lo yeke hake hùko a'nogo hogoratì'lek werek kolek, apùnì kweangma welagaikarek mene aike obogat inetaùken yeke lo yeke hake hùko a'nogo ba hìpìrethìlìk hogoratì lagaika isìgì.

2 TIMOTÌÙT 2:10

Atì nen he, it apùnì aike Ala nen wenaginapike mene hùgì, Karìsùt Yesùt inom hùnesumo re, inebe telinapìk, ineluk hano motok logouagalùk, hanorinapìk, uagalùk he, an atì'nogo weaga'napo kolegat, nepe morogo welagìrek atì.

1 TIMOTÌÙT 6:19

Atì'nogo hagatì logogun halok he, yì mene tì mene hobuk mene hesik atogorogo hagarek hak, hano hagatì logolìk, hobuk motok logogin mene hesigat hakìkì logopik he, ninebe eberogoat ninelugu'ninabumo logogun atì meneat heloagalùk inasuk Watì logoino o.

ÙRÙM 5:21

Weak hagataresik wa'lagaikarek atì ba, weak hagatarek mene omame agaike atì hak, ninoe Etagepogot en ùkùm ninoba mene korogo wokhìlìk, Ala ninom hùnogo hinasike atì ba, Ala oabùt hano nen etawì'ninaperek mene atì omame agaikomo re, nineluk motok logogun atì.

LAKSASIKE 15:18

atì'nogo ninelu asuagalùk hageat yogonisasikomo, helal waganogo hesukwa atì.

YOHANET 10:28

Nopolik niko kolek, it ineluk motok logouagalùk inelugurinapì logogin atì nen he, it inebe wa'larìk nong asugun lek. It an neki ba werek kolek, it ap aike nen telogo woginabusak mea o.

YOHANET 6:68

Atì'nogo yogoisìkì lagaikomo, at Simon Peterùt a'nogo nen he, mel yogosike: “Eigo. Noe. Ninebe nineluk motok logousak hesik mene re, wene hat en yogonisìkì lagen hake yama re, hat herakhagalùk ap sa ba lasak akegen.

YOHANET 6:54

Meneat he, sa nen an nebe nìkìk, namep nìkìk, ìlì'logo halok he, ineluk motok logogun mene ese arìk were'ma, o elùgùn oba an nen elugurasigin o.

YOHANET 5:39

Hit en akìkì logolìk, Nineluk motok logogun he, Ala ane helal waganek hesogo welago yì baat logogun o, ìlùk, helal waganek atì hanorogo hìthegesep meneat he, helal waganek atì, an nebe hùthanuagalùk wanhukwama werek kolegat he,

1 TIMOTÌÙT 6:12

Apùnì inawe walhùogolùk sa awewerek sa awewerek walhagarek hak, nineluk motok logogun atì mene hela lagalùk, hetaùken Ala oba hìpìrìk logolìk, at hesik homamerogo hagatì logoino. Atì'nogo hagatì logopik, atì mene hela lanogolùk, Ala nen hayoko hesikomo, hat en he, “Netaùken Karìsùt oba hìpìrethìlìk tì'nogo hagatì logogin,” ìlùk apùnì logolegat ineilhanem pak hogo isigin atì higit hogoat homamerogo hagatì logoino.

1 TESALONIKA 2:15

It ap Yahuri mene nenat, it ap hageat Ala ane yogoisìkì lagaukwa mene inebe inoatìk, ninoe Etagepogot Yesùt ebe watìk, isukwa hagat, nit yì aik tì aik haga'ninabì'lùgì atì, Ala nen hano ìlùk akikerek lek. Apùnì inom weak enek hagatì logolìk,

ÙRÙM 16:25

Ala hogoratì logouok o! An nen hano wene Yesùt Karìsùt hagasike wene yogohisasigi hak, at Ala omame apik a'nogo nen hinetaùken wurigethinapì logousak elok o. Wene Ala a'la wene atì, holoat en hinago welagaike mane re, yogotak Ala nen weinamethesike.

ÙRÙM 5:4

Ninetaùken wurik agaresik elùgùn oba re, Ala nen ninoabùt palogo hano ikerek. Atì'nogo ikerek oba, hobuk eberogoat hano asigin, ìlùk nina'la hai hakìkì lago.

ÙRÙM 5:2

Nit ninetaùken Yesùt oba hìpìrethesugu atì baat, at en Ala oabùt hano nen hano'ninaperek atì a'ma hinikomo atì ba hakothìlìk welago. Logolìk, Ala hogorato motok welagaikarek atì hak, nit atì'nogoat hogo'ninabigin o, ìlùk nina'la hai hakìkì lago.

ÙRÙM 2:7

At Ala nen he, it apùnì o'moko nen inebe hogorinaparek mene mel, agaugerinaparek mane mel, hili agarek lek mene mel, ese asuogolùk inepe morogo logolìk inoabùt higit hagatarek mene hùgì, inebe ineluk motok logouagalùk hagarinabigin.

ÙRÙM 1:2

Alebat Ala nen: “Wene hano wene atì, hobuk weinam asigin o,” ìlùk abok it ap at ane yogoisìkì lagaukwa mene amanogo yogoisikenem, it en Ala ane palek a'nogo ba helal waganogo hìkì lagaukwa.

YOHANET 17:24

Ala nopase. Hat en kweang oan walhìgì'lek logolìk, an nebe hetaùken hutik welagagin atì nen he, hogo'napì logouagalùk esine'napigin a'nogo, it hat en hageat wo'nesigin mene amanogo ineileken neoagalùk, o an logoginmo atoma, it ninomat logousak walok o.

KOLOSE 1:27

At Ala a'la nen he, it apùnì etakwe mene obogat hano motok hagarinabigin wene atì esin hogorasusak meneat akasikesik en a'la hinago welagaike mene, at againapùrì halok sele'ma hukalogo yogoisagalùk isike. Wene atì ebe re, Karìsùt hit hina'la werek halok, hobuk hanothinapenem hogothinabugun atìat o.

MAREKÙT 10:30

atì ebe lopok obùlù'mo re, yogotak ya awì wùrìk mel, agaiya'lak mel, erùgì mel, agosa mel, againapùrì mel, eyabu siok mel, apigat 100 hake wogoto kolek he, apùnì nen weagathìkì logogunat o. Weagathiko were'ma, hobuk o wùrep oba haga'lasigin atì haga'laga halok he, nabùlal-habùlal wogosiginat o.

MAREKÙT 10:17

Wene atì'nogo yogoisalùk he, at Yesùt o atoma nen kwe pìkìt lagalùk laganem, ap aike humusegat oba wagaike. Wagaikesik eitep awì yagasogo awe a'ma hù'lasi wìrìk he, mel yogosike: “Guru noe. Wene yakùlnisìkì lagen atì, hat hano o. An nabùlal-habùlal haga'nabuak en he, an noabùt nìkì'nogo hagatì logousak,” ìlùk yogosikomo,