TITUT 1:14 - Ala Ane Wene Ket Mene Warogo Wo'ninapike Wene

¹⁴ It apùnì Yahuri mene inera nen lìbìlogo wenesuayo wene pìlìngìrì'lùgì mene mel, apùnì aike nen, ebe wene heraksìlìk ina'la nen kagalogo, “Tì'nogo hagatì logousak,” ìlùk inasuk warì'lùgì mene atì mel, wene atì hesogo logoinogo ìlùk, inasuk ning hogoat watì logoino.

TITUT 1:14 ပူးပေါင်းရင်းမြစ်များ

2 TIMOTÌÙT 4:4

It atì ebe wene atì ikenem inesako labethìlìk, wenesuayo pìlìngìtarek wene atì pìlìngìtenem enek he, inesako lang hogo holhì logogun atì.

KOLOSE 2:22

Wene atì, apùnì nenat, yì mene tì mene nikenem lek agarek mene hesigat, “Yì'nogo hagatì logouok,” ìlùk wene palek hagat inasuk watìk, yakùlisìgìk, ìlì'lùgì atì.

2 PETERÙT 2:22

It atì, apùnì nen inane lagak hogo mel ìlùk egarek atì hak hagatì logogun: “Yeke nen lùk hemelogo hìlìk, hobuk apotkwo na lagarek atì. Nen, Wam ogat hano sobalek mene hobuk wokulmo hilele wasi kikerek atì,” ìlùk egarek atì hagat, it atì'nogoat eberogoat hagatì logogun atì.

KALATIA 4:9

Mene re, an nen he, “At Ala hinebe elu welagarek,” ìlùk uem, “Hit yogotak en Ala ebe hinelu agep,” ìlùk ìgì atì. Halok he, hit hinokawerek en mokareke oabùt weak omame lek mene, eilmo lek mene, atì oba hobuk hinapotkwe awe a'ma kuogolùk ìkì lagep atì, nenahalok.

MATÌÙT 15:9

Wene apùnì inane meneat he, an nen isigi mene negen yakùlisìlì'lùgì atì nen he, we tùlemat hogo'nabì'lùgì o, ìlùk isikomo, Yesaya nen helal waganogo hesikomo werek atì, hit hesik higit hogoat isike o,” ìlùk yogoisasike.

MAREKÙT 7:7

Wene apùnì inane meneat he, an nen isigi mene negen yakùlisìlì'lùgì atì nen he, we tùlemat an hogo'nabì'lùgì o, ìlùk isikomo Yesaya nen helal waganogo hesikomo werek atì, hit hesigat isike o.

IBERANI 12:25

It apùnì Ala ane kweangma yogoisikenem inasuk holusak inabìt welagaukwa mene, inebe ineluk herakìgì'lek inoatì lagaike atì. Halok he, nit yìrogo re, wene pogot oba nen yogonisikenem ninasuk holusak ninabìt logogun halok he, ninoatì'lek herakhinegein akegep a? Lek o. Motok ninoasigin atì nen he, at ane iko kolek hinasuk holhì'lek, “Ninabìt,” ìlùk heraksanogo ìlùk, hinepe hebelogo logoino o.

TITUT 3:11

It apùnì inoabùt atì'nogo hagarì'lùgì mene atì re, apùnì kwe nong agaikarek hak, nong akìlìk, inoabùt weak hagarì'lùgì atì ba, hat en, “Inokawerek en ùkùm inoba hakìlì'lùgì,” ìlùk inoabùt enagat palhì lagen atì.